Гүлдерді қар басты, архивтегі сурет

Үсік жүреді: синоптиктер алдағы күндері ауа райы қандай болатынын айтты

1072
Суық антициклон әсерінен республиканың оңтүстігінде қар аралас жаңбыр жауып, үсік жүреді

НҰР-СҰЛТАН, 19 сәуір – Sputnik. Қазгидромет 20-22 сәуір күндеріндегі ауа райына болжам ұсынды.

Синоптиктердің ақпаратынша, Скандинавия түбегінің аудандарынан ығысқан, солтүстікте жаңбырдың қарға ұласуына және температураның төмендеуіне себеп болған суық антициклон Қазақстан арқылы жылжуын жалғастырады.

"Енді оңтүстік өңірлерде жаңбыр мен қар түрінде жауын-шашын болады, сондай-ақ кей жерлерде 3 градусқа дейін үсік жүреді", - делінген хабарламада.

Мегаполистердегі ауа райы

Нұр-Сұлтанда 20 сәуірде күн ашық, түнде минус 6, күндіз плюс 1 градус.

Алматыда күн бұлтты, түнде плюс 9, күндіз плюс 21 градус.

Шымкентте күн ала бұлтты, түнде плюс 14, күндіз плюс 19 градус.

1072
Кілт сөздер:
Қазгидромет, үсік, ауа райы болжамы
Ыстық ауа райы

36 градус ыстық және жел: ертең ауа райы қандай болады

1071
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1071
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

118
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

118
Кілт сөздер:
Шымкент, карантин, шектеу
Тақырып:
Төтенше жағдай және карантин