Қоршау мен бағаналар

Қоршауды әкетіп жатыр: халық наразылығынан соң Көптоғайда түсірілген видео желіде тарады

170
Видео авторының айтуынша, Қиғаш өзеніне барар жолды бөгеп тастаған шекара қоршауларын әскерилер қайта бұзып әкете бастаған

НҰР-СҰЛТАН, 19 сәуір – Sputnik. Атырау облысындағы Көптоғай ауылының іргесіне тұрғызылған шекара қоршауларын алып тастады. Бұл туралы Құрманғазы ауданының әкімі Марат Мұрзиев мәлімдеді, деп хабарлайды Sputnik Қазақстан "Ақ Жайық" порталына сілтеме жасап.

"13-16 сәуір күндері жергілікті халық арасында түсіндіру жұмыстары жүрігізілген болатын. Қазіргі кезде мал мен жерді суару үшін өзенге жол ашылды. Тосқауылдар жоқ", – дейді Құрманғазы ауданының әкімі Марат Мұрзиев.

Оның айтуынша, халық арасында наразылық тудырған және Қиғаш өзеніне барар жолды бөгеп тастаған шекара қоршауларын алып тастаған. 

Айта кетейік, 14 сәуірде Атырау мен Астрахан шекарасына шекара қоршаулары орнатыла бастады.

Шекара маңындағы Көптоғай ауылының тұрғындары наразылық білдіріп, жағдайды түсіндіруді сұрады.

Жергілікті тұрғындар өңірлік "Ақ Жайық" басылымына Қиғаш өзенінің бойына қоршаулар орнатылғанын айтты. Тұрғындар ауыз суға қол жеткізу, малын қалай суаратынын ойлап алаңдаған.

Қоршауларды орнатудың заңдылығы

2005 жылдың 18 қаңтарында Мәскеуде Ресей Федерациясының президенті Владимир Путин мен Қазақстан президенті Нұрсұлтан Назарбаев екі ел арасындағы мемлекеттік шекара туралы шартқа қол қойды.

2005 жылдың 2 желтоқсанында Ресей президенті Владимир Путин "Ресей Федерациясы мен Қазақстан Республикасы арасындағы Ресей–Қазақстан мемлекеттік шекарасы туралы шартты ратификациялау туралы" заңға қол қойды. Сол күні шартты ратификациялау туралы заңға Қазақстан президенті Нұрсұлтан Назарбаев та қол қойды.

Шарт 2006 жылдың 12 қаңтарында Астанада (қазіргі Нұр-Сұлтан) екі ел президентінің ратификациялық грамоталармен алмасу туралы хаттамаға қол қоюы барысында күшіне енді.

Оқи отырыңыз: Ресеймен шекарадағы Көптоғай ауылының маңында қоршау орнату жұмыстары тоқтатылды

2019 жылдың қараша айының соңында Мәскеуде Ресей-Қазақстан бірлескен демаркациялық комиссиясының 100-ші отырысы өтті. Ресей мен Қазақстан арасындағы мемлекеттік шекараны демаркациялау бойынша жұмыстар 86,7%-ке орындалғаны хабарланды.

Қазақстан сыртқы істер министрлігі 2020 жылы Ресей-Қазақстан мемлекеттік шекарасының жекелеген учаскелеріне демаркациялаудың қорытынды құжаттарының жобалары бекітілгенін хабарлады.

Биыл шекара маңындағы аумақта "2016" әскери бөлімінің шекара қызметі жаңа қоршаулар салу жұмысын бастады.

"2013 жылдың мамырында орнатылған №23 және №24 шекара белгілері арасындағы металл қоршаулар Ресей аумағына қарай 10-70 метр аралықта орналасқан", – деп түсіндірді ұлттық қауіпсіздік комитеті шекара қызметінің өкілдері.

Бұған дейін ұлттық қауіпсіздік комитеті әлеуметтік желілерде Атырау облысында қандай да бір "акция" өткізіліп жатқаны туралы хабарды жоққа шығарды.

170
Кілт сөздер:
шекара, жер дауы
Тақырып бойынша
Министр Омаров жер комиссиясы қандай мәселелерді қарайтынын айтты
"Халық білуі керек": жер комиссиясы ашық дауыс беруге бара ма
Шекара маңы ынтымақтастығын дамытудың бағдарламасы әзірленді – видео
"Қашып кетпеуіне кім кепіл": жер комиссиясында шетел азаматтығын алғандар туралы айтылды
Шекара жабылып, қатынас шектелген жыл: пандемия кезінде Sputnik түсірген суреттер
Сұлулық салонында маска киген әйел

Оралда шашын салонда боятқан әйел жансақтау бөлімінен бір-ақ шықты

44
(Жаңартылды 11:03 13.05.2021)
Әйел оған бояу жақпастан бұрын сынама жасалмағанын, өзін жаман сезінгенде қызметкерлер жедел жәрдем шақырмағанын айтады

НҰР-СҰЛТАН, 13 мамыр — Sputnik. Оралда әйел сұлулық салонында шашын боятқаннан кейін жансақтау бөліміне түскен. Дәрігерлер анафилаксиялық шок болғанын айтады, деп хабарлайды Мой город порталы.

38 жастағы Зүлфия Длимбетова 10 мамыр күні Zama салонына модель ретінде шаш боятуға барады. Бояуды маманның бақылауымен стажер жасап, клиент тек пайдаланылған материал үшін ақы төлеуі керек болған. Әйел дәл осы салонға бірінші рет келгенін айтты.

"Мен қаланың әр түрлі салондарында шашымды боятатынмын, алайда ол жерлерде талапқа сәйкес сынама жүргізетін. Zаmа салонында Супру оксидантын араластырды да, екі стажер шашымды бояды. Қасымызда отырған маман бақылап отырды. Осы арада тағы бір клиент келіп, ол шаш қиюға кетіп қалды. Сондай-ақ ол жерде басқа бір клиенттің шашын қиып жатқан салон иесі де бар еді", - дейді жәбірленуші.

Зүлфия оксидантты қолданғаннан кейін 20 минуттан соң оның алақаны мен беті қатты қыши бастағанын, кейін бүкіл денесінде қышу пайда болғанын жеткізді. Осы арада ол стажерден бояуды жуып тастап, маманды шақыруды өтінеді.

Алайда Оксана есімді шебердің "Бәрінде болады, 20 минут күтсін, кейін жуып тастаймыз", - дегенін еске алады Зүлфия.   

15 минуттан кейін әйелге ауа жетпей, тұншығып, құлап түскен. Осы кезде стажер жедел жәрдем шақыруға талпынғанмен салондағылар тыйым салды.

Салонның иесі Хадиша есімді әйел өзінің дәрігеріне хабарласып кеңес алады.

Оқи отырыңыз: Нұр-Сұлтандағы шаштаразда болған атышулы оқиға: полиция түсініктеме берді

"Дәрігермен сөйлескеннен кейін олар маған валерьянка беруге тырысты, бірақ менің тіпті су жұтуға әлім болмады, ісініп кеттім. Тырнақтарыма дейін көгеріп кетті", - дейді зардап шеккен әйел.

Кейін жедел жәрдем келіп, әйелді ауруханаға алып кеткен. Квинке ісігі мен анафилаксиялық шок диагнозы қойылды. Зүлфия бір тәулік бойы жансақтау бөлімінде жатқанын, дәрігерлердің көмегімен аман қалғанын алға тартты.  

Оның айтуынша, осы уақыт аралығында оған салоннан ешкім қоңырау шалмаған, кешірім де сұрамаған.

Осы оқиғадан кейін ағасы салон иесінен жарты миллион көлемінде шығын өтеуін сұраған. Салон иесі саудаласып, маусымға дейін 300 мың теңге ғана беретінін айтқан.

"Маған бұл ақша керек емес, заңға сәйкес әрекет етемін. Егер мен өліп кетсем, 500 мың теңге менің кәмелетке толмаған үш баламды құтқара алмас еді", - деп баса айтты Зүлфия.

Әйелдің айтуынша, салондағылар бұл оқиғаны жарияламауды өтінген. Салон иесі тіпті оны және ағасын алаяқтар деп айыптап, олардың ақша бопсалаумен айналысатынын айтқан.

Батыс Қазақстан облысы денсаулық сақтау басқармасының баспасөз қызметі әйелдің анафилаксиялық шок диагнозымен қалалық көпсалалы ауруханаға түскенін растады.

Облыстық полиция департаментінің баспасөз қызметі бұл факт бойынша сот-медициналық сараптама тағайындалып, оның нәтижесі бойынша тиісті шешім қабылданатынын атап өтті.

44
Кілт сөздер:
Орал, шаш бояуы, шаштараз, сұлулық
мылтық

Әйелін атып, немересін жаралады: Солтүстік Қазақстандағы трагедияның мән-жайы

99
(Жаңартылды 11:09 13.05.2021)
Ауыл тұрғындары бұрын-соңды жанжал шығармаған ер адамның қолына қару алып, қылмыс жасауына не себеп болғанын түсінбей отыр

АЛМАТЫ, 13 мамыр – Sputnik. Солтүстік Қазақстан облысы Тимирязев ауылының тұрғыны әйелін атып, 14 жасар немересін жаралады. Қыз қазір жансақтау бөлімінде жатыр, ол жасанды тыныс алдыу аппаратына қосылған.

Көршілері бұрын-соңды ер адамның ерсі әрекетін байқамаған. Оны ешкіммен жанжалдаспай жүретін кісі ретінде сипаттап отыр. Ол фотограф болып жұмыс істеген, деп хабарлады Astana телеарнасы. Ал қолына қару алып, туыстарына оқ атқан күні мас болған.

"Фотограф болып жұмыс істейтін, көпшіл кісі болатын. Осыдан төрт жыл бұрын барып фотоға түскенмін. Мұндайға барады деп мүлде ойламаппын. Есеңгіреп қалдық", - дейді ауыл тұрғыны Елена Хомякова.

Көршілердің сөзінше, әйел сол қайғылы оқиғадан бірнеше күн бұрын күйеуімен жанжалдасып, қызының үйінде қонған. Ер адам келіншегін үйге алып кеткісі келгенде екеуінің арасында тағы да жанжал шығып, ол әйелін атып тастаған. Қызы үйінен қашып шығып, көмек сұрауға кеткен. Ал немересі жарақат алды.

Ауылдастары ерлі-зайыпты туралы жақсы пікірде. Әйел қызымен бірге жергілікті дәмханада аспаз болып жұмыс істеген.

Оқ атқан ер адам аңшы болған, соған байланысты үйінде мылтық сақтаған. Полиция қызметкерлерінің айтуынша, ер адам жанжалқой болмаған, есепте тұрмаған және заңды бұзу деректері тіркелмеген.

Тимирязев ауданы полиция бөлімінің бастығы Талғат Кенжетаев отбасыдағы қайғылы оқиға кезінде 58 жастағы ер адамның мас болғанын растады.

Оқи отырыңыз: Кәсіпкерді отбасымен қырып салды: БҚО-дағы қылмыстың мән-жайы белгілі болды

Дәрігерлер қазір қыздың өмірін құтқарып қалу үшін күш салып жатыр. Ол жансақтау бөлімінде жатыр, жасанды тыныс алдыру аппартына қосылған.

Ер адамға қатысты екі бап бойынша қылмыстық іс қозғалды: "адам өлтіру" және "адам өлтіруге ұмтылу". Әрқайсысы үшін 16 жылдан бастап өмір бойына дейін бас бостандығынан айыру жазасы қарастырылған.

99
Кілт сөздер:
Солтүстік Қазақстан облысы
Жедел жәрдем көлігі

Қазақстанда өткен тәулікте 25 адам коронавирус пен пневмониядан қайтыс болды

0
Коронавирус салдарынан қайтыс болғандардың көпшілігі Алматы қаласында тіркелді. Одан кейінгі көрсеткіш Қарағанды облысына тиесілі

НҰР-СҰЛТАН, 13 мамыр – Sputnik. Денсаулық сақтау министрлігі коронавирус пен ковидті пневмониядан қайтыс болу статистикасын жариялады.

Ведомство мәліметінше, 11 мамырда 20 адам COVID-19 індетінен, тағы бесеуі коронавирус белгісі бар пневмониядан қайтыс болды, бірақ ПТР сынағы теріс.

Коронавирус салдарынан қайтыс болғандардың көпшілігі Алматыда тіркелді – 6, Қарағанды ​​облысында – 3, Нұр-Сұлтан мен Шымкент қаласында және Атырау, Батыс Қазақстан облысында – 2, Ақтөбе, Алматы, Шығыс Қазақстан облысында бір адамнан тіркелді.

"13 мамырдағы жағдай бойынша 39 626 адам коронавирустық инфекцияны емдеуді жалғастыруда (39 143 CVI+ және 483 CVI-), оның ішінде 14 124 науқас ауруханада, 25 502 пациент амбулаториялық деңгейде ем қабылдауда. 788 науқас ауыр жағдайда болса, 183 адамның хәлі ауыр дәрежеде және 116 науқас жасанды тыныс алдыру аппаратына қосылған", – делінген хабарламада.

Айта кетейік, пандемия басталғаннан бері Қазақстанда коронавирустың 350 591 жағдайы анықталды, 307 464 адам сауығып шығып, 3 984 науқас көз жұмды.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

0
Кілт сөздер:
коронавирус, емделу, қайтыс болды
Тақырып:
Коронавирус эпидемиясы
Тақырып бойынша
Ғалымдар коронавирусты жоятын Қазақстанда қолжетімді өсімдікті атады
Желіде масаның коронавирус тасымалдайтыны туралы хабарлама тарап жатыр
Ғалымдар балаларда коронавирустың жаңа белгілерін анықтады
Қазақстанда тағы бір облыс коронавирус деңгейінің "сары" аймағынан шықты
Қазақстанда коронавирус жұқтырғандардың саны өсті