Өңірлер

Батыс Қазақстанда директор мен есепшінің құпиясын біліп қойған мұғалім "жазаланды"

© Sputnik / Абзал КалиевРазметка для соблюдения социальной дистанции в дежурном классе
Разметка для соблюдения социальной дистанции в дежурном классе - Sputnik Қазақстан, 1920, 20.04.2021
Жазылу
Сандуғаш Бисенғалиева мектеп директоры мен бас есепшінің ақша жымқырғанын аңғарыпты. Осылайша құзырлы органдарға арызданған

НҰР-СҰЛТАН, 20 сәуір — Sputnik. Батыс Қазақстан облысының Теректі ауданындағы музыкалық мектептің меңгерушісі тикток түсіргені үшін жұмысынан қуылды, деп хабарлады "Астана" арнасы.

Билеп жүріп, бір сәтте жұмыссыздардың қатарына қосылған Сандуғаш Бисенғалиева басшысының бұл шешімімен келіспейді. Айтуынша, бұған директормен арадағы араздық себеп болыпты. Сандуғаш Бисенғалиева мектеп директоры мен бас есепшінің ақша жымқырғанын аңғарыпты. Осылайша құзырлы органдарға арызданған. Аудиттік тексеру кезінде мектеп басшылығының 26 миллион теңге ұрлағаны анықталған. Содан кейін директор қыр соңымнан қудалап, қалай да өш алуға тырысты дейді жұмыссыз ұстаз.

"Қаңтарда қаржы полициясына арыз бердік, содан бері сыйғызбады. Орныңнан алып тастаймын, бұл жұмысты істемейсің деді! Тик-токтағы менің приватный аккаунтым. Оқушыларыммен бірге түсемін. Ән айтамын, оның үстіне бишімін ғой. Бір күнде жұмыстан шығарып тастауы менің 25 жылдық еңбегімді жоққа шығарғаны ғой", - дейді Сандуғаш Бисенғалиева.

Әділдік іздеген мұғалім Теректі аудандық білім бөлімі мен еңбек инспекциясына шағымданған. Өйткені кек алуға тырысқан мектеп директоры заңды белден басып, бір күнде бірнеше рет сөгіс жариялапты. Тіпті ауырып үйінде жатса да, жұмыстан шығарып жіберген. "Осылайша директор тиктоктағы видеомды теріс мақсатта түрлі уатсап-топтарға таратып, күйе жағуға тырысты. Жеке видеомды көптің талқысына ұсынып, этика әдебінен аттап кетті" дейді күйінген ұстаз. Мұны аудандық білім бөлімі растап отыр.

Оқи отырыңыз: Қостанайлық мұғалім жылап тұрып видео жариялады - министрлік жауабы 

"Мектеп директоры өз қызметкерін жұмыстан шығармастан бұрын, білім бөлімін ескертуі керек. Бірақ ол бұл туралы тіс жармады. Сондықтан директоры қызмет бабын асыра пайдаланды деп санаймын. Әрі адамның жеке видеосын таратуға болмайды. Туындаған дауды заң аясында шешуге тырысамыз", - дейді Теректі аудандық білім бөлімінің меңгерушісі Жанаргүл Құсайынова.

Жаңалықтар
0