Жел

Қазақстанның басым бөлігінде дабылды ескерту жарияланды

1957
Республиканың оңтүстік өңірлерінде қатты жауын-шашын болуына байланысты өзендерде су деңгейі көтерілуі мүмкін

АЛМАТЫ, 20 сәуір – Sputnik. Қазақстанда 21 сәуірде елдің басым бөлігінде ауа райы бұзылады. Соған байланысты Қазгидромет дабылды ескерту жариялады, деп хабарлайды Sputnik Қазақстан.

21 сәуірде Солтүстік Қазақстан облысының кей жерінде тұман түседі. Солтүстік-батыстан жел соғады, күндіз кей жерде желдің күші 15-20 м/с болады. Петропавл қаласында күндіз солтүстік-батыстан жел соғады, екпіні 15-20 м/с жетеді.

Қарағанды облысында кей жерінде көктайғақ болып, тұман түседі. Солтүстік-шығыстан жел соғады, күші кей жерде 15-20 м/с-ке жетеді.

"Шымкент қаласында 21 сәуірде түнде қатты жаңбыр жауады. Кей уақытта найзағай ойнап, солтүстік-шығыстан соққан желдің екпіні 15-20 м/с болады", – делінген хабарламада.

Түркістан қаласында 21 сәуірде түнде және таңертең найзағай болады. Солтүстік-шығыстан екпіні 15-20 м/с жел соғады.

Қызылорда облысында солтүстік-шығыстан жел соғады, күші кей жерде 15-20 м/с болады. Қызылорда қаласында 21 сәуірде солтүстік-шығыстан күші 15-20 м/с жел соғады.

Күндіз Павлодар облысының кей жерінде батыстан, солтүстік-батыстан жел соғады, желдің күші – 15-20 м/с. Павлодар қаласында күндіз 21 сәуірде батыстан, солтүстік-батыстан жел соғады, екпіні – 15-20 м/с.

Батыс Қазақстан облысының кей жерінде күндіз қатты жаңбыр жауады. Кей жерде найзағай, бұршақ жауып, оңтүстік-шығыстан жел соғады. Кей жерде желдің екпіні 15-20 м/с, кей жерде 23 м/с болады. Орал қаласында күндіз найзағай, бұршақ жауады. Жел оңтүстік-шығыстан соғады.

Ақтөбе облысында кей жерде тұман түседі. Шығыстан, оңтүстік-шығыстан жел соғады.

Атырау облысында найзағай, шаңды дауыл болады. Оңтүстік-шығыстан жел соғады, күші түнде кей жерде 15-20 м/с, күндіз 15-20 м/с, екпіні 25 м/с болады.

Маңғыстау облысының кей жерінде шаңды дауыл болып, оңтүстік-шығыстан жел соғады. Желдің күші түнде кей жерде 15-20 м/с, күндіз 15-20 м/с, екпіні 23 м/с болады. Ақтау қаласында 21 сәуірде күндіз шаңды дауыл болады. Оңтүстік-шығыстан екпіні 15-20 м/с жел соғады.

Алматы, Түркістан, Жамбыл облысында қатты жауын-шашын болуына байланысты 2021 жылдың 21-22 сәуір аралығында өзендерде су деңгейі көтерілуі мүмкін.

1957
Кілт сөздер:
ауа райы болжамы, ауа райы
Иллюстративті фото

Сәтбаевтағы жаппай тәртіпсіздікке қатысқандарға сот үкімі шықты

13
(Жаңартылды 13:44 14.05.2021)
Бұған дейін сотталушылардың адвокаттары сот процесінде туындаған шиеленісті жағдайды ескеріп, істі қарауды тездетуді сұраған

АЛМАТЫ, 14 мамыр – Sputnik. Сот өткен жылы Сәтбаев қаласындағы жаппай тәртіпсіздікке қатысқандарға үкім шығарды, деп хабарлайды Sputnik Қазақстан.

Қарағанды облысының ювеналды сотында 55 адамға қатысты іс қаралды. Себебі, тәртіпсіздік кезінде сотталушылардың үшеуі 18 жасқа толмаған еді.

Сот алдына 49 ер адам мен 6 әйел келді. Оларды екі қылмыстық бап бойынша кінәлі деп таныды: 272-бап "жаппай тәртіпсіздік" және 380-бап "билік өкіліне қатысты зорлық-зомбылық".

Процесс барысында сотталушылар өздеріне тағылған айыпты мойындап, прокурордың соттан сұраған жазасына келісті.

14 мамырда судья Кенжебай Ысқақбаев сотталушыларға қатысты жазаны анықтады. Тоғыз адам үш жылға бас бостандығынан айырылды. Тағы 44 сотталушы төрт жылға шартты түрде жаза алды, қалған екі адам бір жарым жыл шартты түрде бас бостандығынан айырылды.

Тұрғындар педофилді беруді талап етті

Сәтбаев қаласында жаппай тәртіпсіздік 2020 жылдың 24 шілдесіне қараған түні бес жасар қызды ұрлап, зорлағаннан кейін басталды. Ашуланған жергілікті тұрғындар өздеріне педофилді беруді талап етті. Алайда, полиция күдіктіні үйден байқатпай алып шықты.

Содан жаппай тәртіпсіздік басталды, жағдай ұлттық ұлан жауынгерлері көмекке келгеннен кейін ғана бақылауға алынды. Оған дейін полиция бөлімшесі мен олардың қызметтік көліктері талқандалды. Іс бойынша елуге жуық полиция қызметкері, 13 азаматтық тұлға, облыстық полиция департаментінің бір өкілі жәбірленуші ретінде қатысты.

Оқи отырыңыз: Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты

Ал қызды зорлады деген күдікке ілінген ер адам сотқа дейін тергеу изоляторында қаза тапты. Ол өз-өзіне қол жұмсағаны хабарланды.

13
Кілт сөздер:
Сәтпаев қаласы, педофил
Тақырып бойынша
Қырғызстанда жаппай тәртіпсіздік ұйымдастырмақ болған экс-депутат ұсталды
Алматыда жаппай вакциналау қайта басталады – денсаулық басқармасы мерзімін атады
Қордайдағы жаппай тәртіпсіздік: бір адам тергеу изоляторында қайтыс болды
Түркістанда жаппай төбелестен соң қылмыстық іс қозғалды – видео
Сәтбаевтағы жаппай тәртіпсіздік: 54 адамға қатысты сот басталды
Полиция автокөлігі

Педофилдер туралы хабарлама Шығыс Қазақстан полициясын әбігерге салды

637
Полиция өңір тұрғындарын шошытқан хабарламаны жоққа шығарып, оның Шығыс Қазақстан облысына еш қатысы жоқ екенін мәлімдеді

АЛМАТЫ, 14 мамыр – Sputnik. Полиция Шығыс Қазақстан облысында "педофилдер тобы" бар екені туралы ақпаратқа түсініктеме берді.

Өйткені, Өскемен тұрғындары мессенджерде педофилдер туралы әртүрлі хабарлама ала бастаған, деп хабарлады жергілікті YK-news.kz басылымы.

"Бұл ақпарат шындыққа жанаспайды және Шығыс Қазақстан облысына қатысы жоқ", – деп хабарлады облыстың полиция департаменті.

Сондай-ақ полиция тұрғындарды жалған хабарламаларға сенбеуге шақырды.

Айта кетейік, жақында Қарағандыда азғындық жасады деген күдікпен 55 жастағы ер адам ұсталды. Ол өңірде жоғалып кеткен кәмелетке толмаған қызбен бірге адам тұрмайтын үйден табылған болатын. Күдікті уақытша ұстау изоляторына қамалды.

Оқи отырыңыз: Президенттің атынан жалған ақпарат таратылып жатыр - Тоқаевтың баспасөз хатшысы

637
Кілт сөздер:
ШҚО, жалған ақпарат, педофил
Тақырып бойынша
"Жалған ақпарат": министр 13,5 млрд доллар туралы жазған блогерлерге жауап берді
"Төбеңнен қойып қалады": әртістер жалған ақпарат тарағанда қандай күйде болатынын айтты
"Фотоға түсіріп, айыппұл салады": әлеуметтік желіде тағы бір жалған ақпарат тарады
Не себепті мұндай жалған ақпарат тарағанын білмеймін – Бекшин
"Тойды ұйымдастырған мен емес": Марат Омаров жалған ақпарат таратқандарды іздеп жатыр