Медициналық жедел жәрдем көлігі

Жылы киім сұраған: Қарағандыда жедел жәрдем жүргізушісі жұмыстан қуылды

3374
Мәжіліс депутатының айтуынша, жедел жәрдем көлігі жүргізушілерінің айлығына соңғы 5 жылда бір тиын да қосылмаған

НҰР-СҰЛТАН, 22 сәуір – Sputnik. Қарағандыда жедел жәрдем жүргізушісі, бастықтарынан жылы киім сұраймын деп жұмыссыз қалған. Алты баланың әкесі Ербол Емілжанов тиісті құзыретті орындардан әділдік сұрайды.

Сондай-ақ, ол облыстық жедел медициналық көмек станциясының директоры мен оның техникалық орынбасары қарамағындағыларды балағаттағанын айтады, деп хабарлайды "Астана" телеарнасы.

Ербол Емілжанов Майқұдық ауданындағы жедел-жәрдем бекетінде 8 жыл көлік жүргізген. 6 баланың әкесі, қазір жұмыссыз жүр. Пандемия кезінде облыс әкімінің мақтау қағазымен марапатталған ол, киім үшін жұмыссыз қаламын деп еш ойламаған. Ол облыстық жедел медициналық көмек станциясының директоры мен оның техникалық орынбасарынан жылы киім сұрағаным үшін басым бәлеге қалды деп отыр.

"Бізге күздік киімді қашан бересіздер? Бүкіл подстанциялардың бәрі алды. Жаздық киімнің ішінен жылы шалбар киіп жүрміз деп айтып ем, ол кісі менімен сөзге келіп қалды да боқтап жіберді. Артымыздан директор келді де ол да боқтап, мені жұмыстан қуатынын айтты", – дейді жедел жәрдем көлігінің бұрынғы жүргізушісі Ербол Емілжанов.

Директор осыдан соң Емілжановтың соңына түскен. Басқа бекетке ауыстырам дегеніне келіспеген соң, жұмыстан мүлдем шығарып жіберген.

"Біздің бастықтарға денсаулық министрлігінен бе, президенттен бе, әйтеуір құзырлы органдар тарапынан шара қолданылуын сұраймын. Өйткені бізде қудалау басталып, қаншама медицина қызметкері жұмыстан шығып кетті", – дейді ол.

Алайда облыстық денсаулық сақтау басқармасы аталған мекеме басшыларына қатысты ешқандай шағым түспегенін алға тартады. Ал Ербол Емілжановты басқа бекетке ауыстыру қаншалықты заңды екенін білу үшін еңбек инспекциясына сауал жолданған.

"Қызметкердің басқа бекетке ауыстырылуы қаншалықты дұрыс екенін анықтау үшін денсаулық басқармасы еңбек инспекциясына сауал жолдады. Негізі жүргізуші басқа қалаға емес, қала ішінде ғана басқа бекетке ауыстырылған, ал ол ережеге қайшы емес. Бірақ басшыларының этикасына қатысты шағымдарын бізге жазса, арнайы қызметтік тексеру жүргіземіз", – дейді Қарағанды облыстық денсаулық сақтау басқармасы жетекшісінің орынбасары Бибігүл Төлегенова.

Желідегі жазба мәселені шеше ала ма

Сондай-ақ, күні кеше ғана облыстық медициналық жедел жәрдем қызметкерлері, нақтырақ айтсақ дәрігерлер, фельдшерлер мен көлік жүргізушілерінің атынан жазылған хат әлеуметтік желіде жарияланды. Олар басшылардың бейәдеп көрсететінін, соған шара қолдануды сұраған.

Айта кетейік, жедел жәрдем көлігін жүргізушілердің айлығына соңғы 5 жылда бір тиын да қосылмаған. Мұны мәжіліс депутаттары көтерді.

"Олардың орташа жалақысы шамамен 60 мың теңгені құрайды. Кейбір жерде жедел жәрдем жүргізушілерінің жалақысы 70-75 мың теңге, 5 жылдан астам уақыт бойы жоғарылаған жоқ. Мектептер мен балабақшалардың техникалық қызметкерлерінің жалақысы шамамен 50 мың теңге", – дейді парламент мәжілісінің депутаты "Ақ жол" фракциясының мүшесі Мақсат Раманқұлов.

Оқи отырыңыз: "Екі науқас жедел жәрдем ішінде өлді" – елді шулатқан дәрігер кешірім сұрады

Ал жылы киім сұраймын деп жұмыстан қуылған жүргізуші, өзінің қызметіне қайтып оралғысы келеді. Әзірге еңбек инспекциясының жауабын күтуден басқа амал болмай тұр.

3374
Кілт сөздер:
Қарағанды, жүргізушілер, жедел жәрдем
Тақырып бойынша
"Қолымыздан ештеңе келмеді": жедел жәрдем қызметкерлері карантинде қалай жұмыс істеді
Жедел жәрдем жете алмады: бала науқас әкесін дәрігерлерге сүйреп жеткізді
Шымкентте жедел жәрдем көлігі апатқа ұшырады: дәрігерлер әріптестерінің жағдайын айтты
Алматыда прокуратура жедел жәрдем қызметін тексеріп жатыр
Ақмола облысында куәгерлер "жедел жәрдем" көлігіне оқ атылғанын хабарлады
Ыстық ауа райы

36 градус ыстық және жел: ертең ауа райы қандай болады

1110
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1110
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

127
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

127
Кілт сөздер:
Шымкент, карантин, шектеу
Тақырып:
Төтенше жағдай және карантин