Аурухана палатасы

Қазақстандық депутат коронавирус салдарынан көз жұмды

6962
(Жаңартылды 16:39 23.04.2021)
Қатауолла Ашығалиев 2016 жылы республикалық жер комиссиясының құрамына Батыс Қазақстан облысынан кірген

АЛМАТЫ, 23 сәуір – Sputnik. Оралда мәслихат депутаты Қатауолла Ашығалиев 73 жасында коронавирустық пневмониядан қайтыс болды, деп хабарлайды Sputnik Қазақстан.

Батыс Қазақстан облыстық денсаулық сақтау басқармасының хабарлауынша, ол соңғы төрт күнде облыстық көпбейінді аурухананың жансақтау бөлімінде жатты. 23 сәуір түнде қайтыс болды.

Қатауолла Ашығалиев 1948 жылы 26 ақпанда туған.

1986-1992 жылдары Орал қаласы атқару комитеті төрағасының орынбасары болды.

1993-1994 жылдары Орал қаласының әкімі қызметін атқарды.

1995 жылы шағын шаруа қожалығын ашты.

Оқи отырыңыз: "Вакцинадан қайтыс болды": Министрлік желіде тараған видеоға түсініктеме берді

2016 жылы Батыс Қазақстан облысынан республикалық жер комиссиясының құрамына кірді.

Ол облыстық мәслихаттың 5, 6 және 7 шақырылым депутаты болған.

6962
Кілт сөздер:
БҚО, коронавирус, қайтыс болды
Тақырып:
Коронавирус эпидемиясы (2336)
Тақырып бойынша
Қазақстанға коронавирустан басқа қандай жұқпалы аурулар қауіп төндіруі мүмкін
Әкесінің жұмысына бара жатқан: Шымкентте бес жасар қыз қайтыс болды
Дәрігер коронавирустан кейін иіс сезбей қалатындарға пайдалы кеңес берді
Ресей ғалымдары коронавирустан емдейтін жаңа дәрі ойлап тапты
Блогер әйел ажалмен ойнаймын деп қайтыс болды
Ыстық ауа райы

36 градус ыстық және жел: ертең ауа райы қандай болады

1108
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1108
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

127
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

127
Кілт сөздер:
Шымкент, карантин, шектеу
Тақырып:
Төтенше жағдай және карантин