Махамбет Досмұхамбетов

Атырау облысының әкімі вакцина салдырды фото

33
Махамбет Досмұхамбетов вакцина салдырғаннан кейін жарты сағат арнайы бөлмеде мамандардың бақылауында отырды

НҰР-СҰЛТАН, 26 сәуір — Sputnik. Атырау облысының әкімі Махамбет Досмұхамбетов коронавирусқа қарсы вакцина салдырғанын мәлімдеді, деп хабарлайды Sputnik Қазақстан.

"Бүгін "Геолог емханасына" барып, коронавирусқа қарсы вакцина алдым. Дәрігерлеріміз алдымен тіркеуден өткізіп, дене қызуым мен қан қысымымды өлшеуден бастап толық медициналық тексеру жасады. Одан кейін ғана Қарағанды фармацевтика зауытында шығарылған "Спутник-V" вакцинасын салдырттым", - деп жазды Досмұхамбетов Facebook парақшасында  

Әкім вакцинадан кейін жарты сағат арнайы бөлмеде мамандардың бақылауында отырды.

"Қазір жағдайым жақсы, ешқандай жанама әсерлері байқалған жоқ. Мамандар екпе салынған жерге су тигізбей, жылы ұстап, күтініп әрі сақтық шараларын ұстанып жүруге кеңес берді", - деп атап өтті Досмұхамбетов.

Осы орайда облыс басшысы вакцина алу арқылы ғана ұжымдық иммунитетті қалыптастырып, қауіпті індеттен толығымен құтылуға болатынын жеткізді.

"Қазір өңіріміз қызыл аймақта тұр. Сақтық талаптарын сақтай отырып, сіздерді де вакцина алуға шақырамын. Қауіпті індетпен күресіп әрі вакцинациялау жұмыстарын қарқынды жүргізіп жатқан медицина қызметкерлерінің барлығына алғысымды білдіремін", - деді әкімі.

Алексей Цой отандық вакцинаны тікелей эфирде салдырды

Айта кетейік, 1 ақпанда республика бойынша ресейлік "Спутник V" вакцинасын ерікті түрде егу шаралары басталды. Ал бүгіннен бастап қазақстандық "QazVac" (бұрынғы атауы – QazCovid-in) екпесі денсаулық сақтау ұйымдарына түсті. Алексей Цой отандық вакцинаны алғашқылардың бірі болып салдырды.  

33
Тақырып бойынша
Вакцинадан соң COVID жұқтырған: елордалық тұрғын басынан кешкен жағдайды айтып берді
QazVac пен "Спутникті" бір айда салдырса не болады
Вакцина салдырған соң бала көтеруге бола ма – дәрігерлер не дейді
Қостанай облысында вакциналау тоқтатылды
Ыстық ауа райы

36 градус ыстық және жел: ертең ауа райы қандай болады

1249
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1249
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

143
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

143
Кілт сөздер:
Шымкент, карантин, шектеу
Тақырып:
Төтенше жағдай және карантин