Балта

Атырауда жесір әйелді балтамен ұрған күдіктіге жақтасқан полицейлер жұмыстан қуылды

1391
Дәрігерлер басына балта тиген келіншектің қазіргі жағдайы жақсы дейді және ол күрделі ота жасауды қажет етпейді

НҰР-СҰЛТАН, 27 сәуір – Sputnik. Атырауда жесір әйелдің басынан балтамен ұрып, өзі асылып өлген күдіктіге жақтасқан жеті полицей жұмыстан қуылды, деп хабарлайды КТК арнасы.

Қазіргі кезде қызметіне салғырт қараған сақшыларды өз әріптестері тергеп жатыр.

Алайда жәбірленушінің әпкесі қанды қылмыстың алдын алуға асықпаған полиция департаментін түгел тексеруді талап етіп, ішкі істер министріне шағымдануды көздеп отыр.

Учаскелік полицейге мән-жайды баяндадым деген жәбірленуші әпкесінің айтуынша, жағдай ушығып жатқан соң қайта хабарласқанда телефон тұтқасын көтерген полицей қатқыл дауыспен: "Қазір барады ғой, ұшамыз ба енді?!" деп жауап берген көрінеді.

"Олар дер кезінде келгенде, қан төгілмес еді. Тәртіп сақшылары сіңлімнің осыған дейін жазған арыз-шағымына да құлақ аспаған. Ішкі істер министрінен өтініп сұраймын, барлығын өз бақылауына алса деймін", – дейді жәбірленушінің әпкесі Алиса Сатанова.

Дәрігерлер басына балта тиген келіншектің қазіргі жағдайы жақсы екенін айтуда. Күрделі ота жасауды қажет етпейді. Ал анасын балталап жатқанын көзімен көрген бүлдіршіндер әлі де психологтардың бақылауында.

Оқи отырыңыз: "Күйеуім басқа адам болып шықты": Салафизмге кірген әйел небір сұмдықты бастан кешкен

Айта кетейік, өткен аптада махаббатқа мас болған күдікті жесір келіншекті басынан балтамен ұрып, кейін өзі асылып қалған. Ол жәбірленушінің қыр-соңынан қалмай бірнеше ай бойы зәбір көрсеткен.

Әбден қорқып қалған әйел полицияға бірнеше мәрте шағымданыпты. Бірақ тәртіп сақшылары оның арызын қабылдамай, күдіктіге еш шағымым жоқ деп қолхат жазуға мәжбүрлеген.

1391
Кілт сөздер:
Атырау облысы, оқиға
Тақырып бойынша
Атырау облысында емтихан кезінде оқушы қыздың анасы қайтыс болды
Тоңазытқыштағы бала өлімі: перзентхананың бұрынғы басшысы сотталып жатыр
Атыраулық әйел күйеуінің мәйіті қалай тауық қораның астында қалғанын білмейді  
Қостанайда ұлымен жанжалдасып қалған әйел полицейге балта лақтырды
"Балта лақтырды": Алматының патрульдік полициясы түнде қалай жұмыс істейді - фото
Киіктер өлексесі

Батыс Қазақстанда 400-ге жуық киіктің өлексесі табылды

44
Киіктер қырылған жерде түсірілген суретте дала жануарлары ойпаңда бір қатарда жатқаны көрінеді. Бір күн бұрын осы аймақта нөсер жауын жаууына байланысты ол жерде су жиналған болуы мүмкін

НҰР-СҰЛТАН, 14 мамыр – Sputnik. Батыс Қазақстан облысындағы Жәнібек ауданында 372 киіктің өлі денесі табылды. Алдын ала мәлімет бойынша жануарлар найзағай соғуынан қырылған болуы мүмкін, деп жазады жергілікті "Ақ Жайық" сайты.

Батыс Қазақстан облысындағы орман шаруашылығы және жануарлар әлемі аймақтық инспекциясының жетекшісі Қайрат Кәдешовтің айтуынша, киіктер жаппай қырылған жерде жақында жаңбыр жауып, найзағай түскен.

"Біздің инспекторлар оқиға орнын зерттеп, қырылған 372 киікті анықтады. Киіктер бір қатарда жатқан. Өлексені тексеру кезінде найзағай тоғысуының белгілері табылды. Қазір ветеринарлар қосымша сынамалар алып жатыр. Ол сынамалар сараптамаға жіберіледі", – деді Кәдешов.

Оның айтуынша, осы тектес жағдай өткен жылы да болып, соның салдарынан 62 киік қырылған.

Киіктердің найзағайдан зардап шегуі ықтимал екенін орман шаруашылығы және жануарлар әлемі комитетінің баспасөз қызметі де растады.

"Құзырлы органдардың қатысуымен жедел штаб құрылды. Алдын ала мәлімет бойынша киіктердің жаппай қырылуына осы аймақтағы қолайсыз ауа райы себепші болуы мүмкін. Себебі өлекселерден найзағай тоғы соққан белгілер байқалды. Алдағы уақытта жүргізілетін сараптама нәтижесі бойынша дала жануарларының қырылуына не себеп болғанын нақты анықтайтын боламыз", - деді ведомствода.

Ветеринарлық бақылау және қадағалау комитетінің облыстық аймақтық инспекциясы мен ветеринария басқармасы, санитарлық-эпидемиологиялық бақылау департаменті және төтенше жағдайлар департаментінің қызметкерлері оқиға орнына жедел жетті.

Қазақстандағы киіктер популяциясы

Осы жылдың сәуірінде экологтар киіктер санағын бастады. Әуеден жасалған есеп ақбөкендердің үш популяциясында жыл сайын жүргізіледі. Алайда 2020 жылы карантинге байланысты бұл шара кейінгі қалдырылды.

Қазақстанда киіктер Батыс Қазақстанда, Үстіртте – ішінара Маңғыстауда, сондай-ақ Ақтөбе, Атырау облыстарында тіршілік етеді. Ақбөкендердің ең көп популяциясы Бетпақдаланы қамтитын Қарағанды, Ақмола, Қостанай облыстарында орналасқан.

Бұған дейін әлеуметтік желілерде қазақстандық фермерлер дала жануарларының көбеюіне байланысты жайылымдағы малға аз азық қалып отырғанына шағымданды.

Оқи отырыңыз: Шығыс Қазақстанда мал жаппай қырылып жатыр

Зоология институты ғалымдарының айтуынша, киіктер көшпелі өмір салтын ұстанатындықтан жайылымдарға түсетін жүктеме деңгейі жоғары емес. Сондықтан ақбөкендер жайылымдардағы шөптің аз ғана бөлігін жейді. Бұл жайылымдарды қайта пайдалануға мүмкіндік береді.

44
Кілт сөздер:
БҚО, ақбөкендер
Тақырып бойынша
Ақтөбелік ауыл тұрғындары 40 мың шошқа өсіретін ферманың жабылуын талап етуде
Қазақстанда өткен жылы тұмаудан 2 миллионға жуық құс қырылды
Ақтөбе облысында балық қырылды – экологтар зерттеу жүргізеді
Батыс Қазақстанда заңсыз киік аулаған шекарашы ұсталды
Батыс Қазақстан облысында 800-ден астам киік мүйізі тәркіленді
Улицы Шымкента

"Не керегі бар": шымкенттік кәсіпкерлер мониторингтік топтың жұмысын сынға алды

48
Кәсіпкерлер пікірімен келіспеген әкімдік пен полиция өкілдері өз жұмыстарын талапқа сай жүргізіп жатқанын айтады

НҰР-СҰЛТАН, 14 мамыр – Sputnik. Шымкентте бір топ кәсіпкер мониторингтік топтар қаншалықты қажет деген мәселені көтерді. Жеңіл тамақтану орындарының өкілдері желкелеп жетіп келетін тексерушілердің шаршатқанын алға тартты, деп хабарлайды "Астана" телеарнасы.

Айтуларынша, олар кәсіпкерлерді қолдаудың орнына тығырыққа тіреп жатыр.

"Сан сылтаумен айыппұл салуға әзір тұратын олар қысылтаяң шақта шағын кәсіп иелерін басы артық шығынға батыруда" дейді. Яғни, келушілердің бетпердесіз жүргені үшін таяқтың бір ұшы кәсіпкерлерге тиюде. Сондықтан бұл мәселені бір жақты етуді сұрап отыр.

"Ashyq қосымшасына тіркелгенбіз. Сол арқылы бізді электронды түрде қадағалап отыр. Ал енді мынандай мониторингтік топтың, жеке адамдардың келіп қадағалауының не керегі бар?! "Мониторинг группаданбыз" дейтін олардың не куәлігі, не басқасы жоқ. Видеоға түсіріп алады да, СЭС-ке тапсырады. Олар тек айыппұл салады. Басқа ешқандай түсініктеме жұмыстары жүргізілмейді", – дейді жеке кәсіпкер Бақытжан Сәрсекбаев.

Алайда мұнымен келіспеген әкімдік пен полиция өкілдері жұмысты талапқа сай жүргізіп жатқандарын айтады. Сондықтан енді кәсіпкерлер палатасының өкілдері мәселені зерттеп, зерделейтін болды.

"Олардың рейдтік шаралары толық құрамда шыққан кезде ғана заңды болады. Олар бизнес нысандарына жалғыз бара алмайды. Мониторингтік топтарға қатысы жоқ қызметкерлердің рейдті жүргізуі де заңсыз болып табылады. Мұндай жағдайда кәсіпкерлер оларды жібермеуге құқылы", – дейді Шымкент қаласының кәсіпкерлер палатасы директорының орынбасары Сәбира Адамбекова.

Оқи отырыңыз: Мәжіліс депутаты Ashyq қосымшасын сынап тастады

48
Кілт сөздер:
шектеу, карантин
Тақырып:
Төтенше жағдай және карантин
Тақырып бойынша
"Ashyq" қосымшасына вакциналау туралы ақпарат енгізілуі мүмкін
"Ashyq" мобильді қосымшасында вакциналау паспорты қашан пайда болады
Балалар лагерьлері Ashyq арқылы жұмыс істеуі мүмкін
Елордалық әуежайда Ashyq қосымшасы енгізілуде: жолаушы нені білуі тиіс
Ashyq арқылы адамның қай жерге барғанын бақылай ма – министрлік жауабы
Жошы хан кесенесі

Мәдениет министрі "Жошы хан" тарихи-мәдени кешеніне қатысты ақпаратпен бөлісті

0
(Жаңартылды 12:23 14.05.2021)
Министрдің айтуынша, Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастырылады

НҰР-СҰЛТАН, 14 мамыр – Sputnik. Осы жылдың маусымында Қарағанды облысында "Жошы хан" тарихи-мәдени кешені ашылады. Бұл туралы мәдениет және спорт министрі Ақтоты Райымқұлова айтты, деп хабарлайды Sputnik Қазақстан тілшісі.

"Киелі туризмді дамытуды ынталандыру және тарихи-мәдени нысандарға туристік қызығушылықты арттыру мақсатында маусым айының соңына қарай Қарағанды облысының Ұлытау ауданында "Жошы хан" тарихи-мәдени кешенін ашу жоспарланып отыр", – деді ол халыққа есеп беру кездесуінде.

Сонымен қатар, шілде айында Шығыс Қазақстан облысында "Абай жолымен" атты ақпараттық тур өткізу көзделуде.

Министр Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастыру жоспарланып отырғанын айтты.

"Бүгінгі таңда мәдениет, әдет-ғұрып пен дәстүрлерді насихаттауға бағытталған этнотуризм ерекше өзектілік пен танымдылыққа ие. Осы бағытта маусым-қыркүйек айында Алматы қаласының туристік тартымды орындарында қолөнер шеберлерінің қатысуымен "Ұлы дала мұрасы" жәрмеңкесін өткізу жоспарлануда", – деді ол.

Оқи отырыңыз: Домалақ ана кесенесінің шырақшысы: Алматы әкімі әйелімен зиярат етіп, кейін ұлды болды

Сондай-ақ ұлттық тағамдар мен Қазақстан халықтарының тағамдарын танымал ету мақсатында түрлі фестивальдер өткізілмек.

0
Кілт сөздер:
Ақтоты Райымқұлова, мәдени нысандар
Тақырып бойынша
Депутаттар Ахмет Байтұрсынұлының 150 жылдығын ЮНЕСКО деңгейінде атап өтуді ұсынды
Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені – фото
Мәдени іс-шаралар тоқтатылды, ал қаржы қалай игерілуде – министр жауап берді
Алтын Орданың құпиялары: археологтар ежелгі кесененің орнын тапты
Омбыда "Абай" мәдени-іскерлік үйі ашылды