Масаншы ауылы

Қордайдағы қақтығыс: жаппай тәртіпсіздікке қатысқан 50 адамға сот үкімі шықты

118
Жаппай тәртіпсіздікке қатысқан, алайда кінәсін мойындап, жасаған ісіне өкінгені және залалды өтегені үшін 31 адамға шартты түрде немесе бас бостандығын шектеу түрінде жаза тағайындалды

АЛМАТЫ, 27 сәуір – Sputnik. Қордай ауданындағы жаппай тәртіпсіздікке қатысқандарға сот үкімі шықты, деп хабарлайды Sputnik Қазақстан. Сот шешімін Жамбыл облысы бойынша соттар әкімшісінің басшысы Берік Құлтасов оқып берді.

Жамбыл облысының Қордай ауданындағы жаппай тәртіпсіздік ісі бойынша кезекті сот процесі 2020 жылдың желтоқсанында Тараз қаласында басталды.

Сот 50 адамды кінәлі деп таныды, бір адамның кінәсі дәлелденбеуіне байланысты ақталды. Оның ішінде жаппай тәртіпсіздік кезінде адамдардың өліміне әкеп соққан ауыр және аса ауыр қылмыс жасағаны, қару қолданып, тонау мен қарақшылық шабуыл жасағаны үшін 19 адамға бас бостандығынан айыру түріндегі жаза тағайындалды.

"Сотталушылардың кінәсі жәбірленушілердің, куәгерлердің жауабы, медициналық, биологиялық, генетикалық, өрт техникалық сараптама қорытындысымен, бақылау камераларының бейнежазбаларымен, жасырын тергеу әрекеттерінің қорытындысы бойынша толық дәлелденген", – деді Берік Құлтасов.

Жаппай тәртіпсіздікке қатысқан, алайда кінәсін мойындап, жасаған ісіне өкінгені және залалды өтегені үшін 31 адамға шартты түрде немесе бас бостандығын шектеу түрінде жаза тағайындалды.

Сотталушыларға қандай айып тағылды

Сотталушы Ботабасов адамдар тобына мылтықпен дәлдеп оқ атуы салдарынан 3 адам қаза тауып, 4 жәбірленуші зардап шеккен. Ол жаппай тәртіпсіздікке қатысып, 3 адамның өліміне, денсаулыққа ауыр зиян келтіргені үшін кінәлі деп танылып, 20 жылға бас бостандығынан айырылды.

Тоқабаев қасақана автокөлікпен бір топ адамды басқан. Салдарынан бір адам қайтыс болып, 3 жәбірленуші әртүрлі дене жарақатын алды. Ол 17 жылға сотталды.

Сондай-ақ сотталушы Кәрібаев автокөлікпен қасақана адам басқан. Ал жәбірленуші оқиға орнында қайтыс болған. Ол 16 жыл 6 айға бас бостандығынан айырылды.

Сол сияқты сотталушы Солтанаев та мылтықпен дәлдеп бір топ адамға оқ атып, мерт қылғаны үшін оған 17 жыл бас бостандығынан айыру жазасы тағайындалды.

"Сотталушы Сангуй жәбірленушінің кеуде тұсынан айырмен бірнеше рет ұрып, ал Чешонло басынан темір таяқшамен соққан. Кимуров пен Хижин есімді ағайындылар қолмен ұрып, аяқпен тепкілеген. Сараптама нәтижесі осындай соққының әсерінен қайтыс болғанын көрсетті. Сангуй мен Чешонло әрқайсысы 16 жыл 6 айға айдан арқалады. Ал Кимуров пен Хижиндер адам өлтіру айыбынан ақталып, жаппай тәртіпсіздікке қатысқаны үшін сотталды", – делінген сот үкімінде.

Дауров есімді сотталушы тәртіпсіздікті тоқтатпақ болған полиция қызметкерлеріне мылтықпен оқ атқан. Салдарынан төрт полиция қызметкері жарақат алды. Осылайша жаппай тәртіпсіздікке қатысып, полиция қызметкерінің өміріне қолсұғушылық жасағаны үшін Дауров 16 жыл бас бостандығынан айыру жазасына кесілді.

Тағы бір адам атыс қаруын пайдаланып, жаппай тәртіпсіздікке қатысқаны, кісі өлтіруге жәрдемдескені үшін 15 жыл 6 ай мерзімге бас бостандығынан айырылды. Бір күдікті жаппай тәртіпсіздік пен тонау, адамдар тобының алдын ала сөз байласуы мен ірі көлемдегі қарақшылық шабуыл жасап, суық қарумен заңсыз әрекетке қатысқаны үшін 11 жылға сотталды.

Ірі көлемде қарақшылық жасағаны үшін тағы бір адам 7 жылға сотталды. Сол сияқты жаппай тәртіпсіздікке шақырып және оған қатысқаны үшін және бөтеннің мүлкін өртеп, тұрғын үйлерді тонағаны үшін 9 адам 5 жылға бас бостандығынан айырылды.

Тап осындай баппен 31 адам жауапкершілікке тартылып, 5 жылдан 6 жылға дейінгі мерзімге сотталды. Олардың қатарында тағайындалған жаза шартты деп есептеліп, бас бостандығын шектеу түрінде жаза алғандары да бар. Атап айтқанда, 24 адам – шартты түрде бас бостандығынан айырылса, 7 адамға бас бостандығын шектеу жазасы тағайындалды.

Сот үкімі заңды күшіне енген жоқ.

Бұған дейін де бірнеше адамға үкім шыққан

2020 жылдың қыркүйегінде Алматы горнизонының әскери сотында Қордайдағы жаппай тәртіпсіздікке қатысқан бірнеше адамға қатысты үкім шықты. Айыпталушы әскери қызметкер болғандықтан, қылмыстық іс әскери сотта қаралды. Жауапқа жеті адам тартылды. Олар: Ерлан Бұралқынов; Алмат Тілеуғалиев; Ұлан Атанбаев (әскери қызметші); Абзал Нұраханов; Мырзағали Дүйсенбаев; Рүстем Бежібаев; Бақытбек Ибрагимов.

Сот үкіміне сәйкес, Ерлан Бұралқынов, Алмат Тілеуғалиев пен Ұлан Атанбаев үш жылға бас бостандығынан айырылды. Рүстем Бежібаев төрт жылға, Мырзағали Дүйсенбаев бес жылға сотталды. Бесеуі де жазасын қауіпсіздігі орташа дәрежедегі мекемеде өтейді.

Оқи отырыңыз: Тоқаев билік қандай кемшілік жібергенін айтты

Ал сот Абзал Нұрахановқа 8 жыл берсе, Бақытбек Ибрагимовті 7 жылға бас бостандығынан айырды. Алғашқысы жазасын қауіпсіздігі аса жоғары мекемеде, екіншісі қауіпсіздігі максималды колонияда өтейді.

Қордайда не болған еді

Жамбыл облысының Қордай ауданында 2020 жылы 7 ақпанға қараған түні жаппай төбелес болды. Оқиға салдарынан он бір адам көз жұмды.

Сондай-ақ бірнеше тұрғын үй мен коммерциялық нысандар және автокөліктер бүлініп, отқа оранды.

118
Кілт сөздер:
Жамбыл облысы, жаппай төбелес
Тақырып:
Қордайдағы қақтығыс (73)
Тақырып бойынша
Сапарбаев Қордайдағы оқиғадан кейін мектеп директорларына шүйлікті
Қордайдағы қақтығыс: 59 адам қылмыстық жауапкершілікке тартылды
Қордайдағы тәртіпсіздік: сотталған төрт адам бостандыққа шығатын болды
Дүнгендер қазақ тілін оқып жатыр: Қордайдың бүгінгі тыныс-тіршілігі — видео
Қордай оқиғасына бір жыл: қазақ пен дүнген қоныстанған ауылдар қалай татуласты
Нұр-Сұлтан

Синоптиктер 19 қыркүйекте ауа райы қандай болатынын болжады

51
Бірқатар облыста найзағай ойнап, тұман түсіп, жел күшейсе, кейбір өңірде үсік жүреді

НҰР-СҰЛТАН, 19 қыркүйек – Sputnik. Қазақстанның басым бөлігі солтүстік антициклон ықпалында болғандықтан, күн ашық болады, деп хабарлайды Қазгидромет.

"Қазақстанның солтүстік, орталық, шығыс және оңтүстік аймақтарына әлі де солтүстік-батыс циклоны ықпал етеді, жаңбыр жауады, оңтүстікте найзағай ойнап, тұман түседі, жел күшейеді", - деп хабарлады синоптиктер.

Солтүстік Қазақстан облысының солтүстігінде тұман, түнде оңтүстік-шығысында жел 15-20 м/с-ке дейін күшейеді, күндіз облыстың басым бөлігінде желдің күші 15-20, екпіні 23-28 м/с болады.

Ақмола облысының солтүстігінде тұман, күндіз басым бөлігінде жел 15-20 м/с-ке дейін күшейеді.

Қостанай, Павлодар облыстарының солтүстік-шығыс және шығысында тұман түсіп, жел15-20-ке дейін күшейеді.

Түркістан облысының таулы аймақтарында найзағай ойнап, желдің күші 15-20 м/с-ке дейін жетеді. Түнде облыстың солтүстік және орталығында тұман түседі.

Түнде Батыс Қазақстан облысының солтүстігінде топырақ бетінде, Ақмола, Солтүстік Қазақстан облысының батысында, Ақтөбе, Қостанай облыстарының солтүстігінде, Қарағанды облысының солтүстік және орталығында 1-3 градус үсік күтіледі.

Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай облысының оңтүстік-батыс, батыс және орталығында, Қарағанды облысының оңтүстік және орталығында, Батыс Қазақстан облысының солтүстік-шығыс және орталығында, Павлодар облысының орталығында, Шығыс Қазақстан облысының оңтүстігінде төтенше өрт қаупі сақталады.

Мегаполистерде ауа райы қандай болады

Нұр-Сұлтанда күн бұлтты, жаңбыр жаумайды. Күндіз ауа температурасы +8..+10 °C, түнде +1..+3 °C. Желдің жылдамдығы 9-14 м/с, күші 15-20 м/с-ке дейін жетеді.

Алматыда күн бұлтты болады, күндіз ауа температурасы +31..+33 °C, түнде +18..+20 °C.

Шымкентте күн ашық, ауа температурасы күндіз +28..+30 °C, түнде  +13..+15 °C болады.

51
Озеро Капшагай

Қапшағай маңындағы жарылыс видеоға түсіп қалды - мамандар түсініктеме берді

1206
(Жаңартылды 16:35 18.09.2021)
Алматы облысы бойынша төтенше жағдайлар департаментінің мамандары алаңдауға негіз жоқ екенін, бұл кен орнындағы жоспарлы жарылыс екені хабарлады

НҰР-СҰЛТАН, 18 қыркүйек — Sputnik. Әлеуметтік желіде Қапшағай маңындағы жарылыстың видеосы жарияланды. Тұрғындар түсірген видеодан аспанға көтерілген қою түтінді көруге болады.

Желі қолданушылары алаңдаушылық тудырып, бұл ауданда әскери бөлімдер бар екенін жарыса жазды. Алматы облысы бойынша төтенше жағдайлар департаменті бұл қиыршық тас өңделетін кен орнында жүргізілген жоспарлы жарылыс екенін хабарлады.

"Бұл қиыршық тас өңделетін карьер аумағындағы жоспарлы жарылыс. Зардап шеккендер жоқ", - деді облыстық төтенше жағдайлар департаментінің өкілі Азамат Жұртбаев Sputnik Қазақстан тілшісіне.

Оның айтуынша, кен орны Қапшағай қаласының маңында орналасқан. Жоспарлы жарылыс жүргізілетіні жергілікті тұрғындарға алдын ала хабарланады.

Еске сала кетсек, 26 тамыз кешке Жамбыл облысындағы әскери бөлімнің қоймаларының бірінде өрт шығып, артынан оқ-дәрілер жарыла бастады. Кем дегенде 10 жарылыс болған. Салдарынан 17 адам қаза тапты. 

Жақын маңдағы ауылдардың 1 200-ге жуық тұрғыны Таразға көшірілді. Оқиғадан кейін қорғаныс министрі болған Нұрлан Ермекбаев отставкаға кетті, оның орнына Мұрат Бектанов тағайындалды. Қайғылы оқиға бойынша тергеу жүргізіліп жатыр.

Оқи отырыңыз: 

1206
Ресей мемлекеттік думасының депутаттарын сайлау

Ресейдегі сайлау: Қазақстанда дауыс беру учаскелері ашылды

0
Қазақстанда дауыс беру учаскелері бес қалада ашылды, олар таңғы сағат сегізден кешкі сегізге дейін жұмыс істейді

НҰР-СҰЛТАН, 19 қыркүйек –  Sputnik. Қазақстанда бес қалада сайлау учаскелері ашылды. Ол жерде Ресей азаматтары дауыс бере алады.

Ресейдің Мемлекеттік дума депутаттарының сайлауы 17 қыркүйекте басталған болатын. Бүгін - сайлаудың соңғы және негізгі күні. Осы жолы алғаш рет дауыс беру науқаны үш күнге созылып отыр. Негізгі мақсат – коронавирустық инфекцияның таралуына жол бермеу және санитарлық талаптарды барынша сақтау.

Сайлау аралас жүйе бойынша өтіп жатыр. Атап айтқанда, 225 депутат партиялық тізім бойынша сайланса, тағы 225 депутат бір мандатты сайлау округтарынан думаға өтеді. Олар бес жылға сайланады.

Биылғы сайлауға 14 партия қатысып отыр. Олар:

  • Ресей Федерациясының коммунистік партиясы;
  • "Жасылдар"
  • Ресейдің либералды-демократиялық партиясы;
  • Жаңа адамдар; 
  • "Біртұтас Ресей" партиясы;
  • Әділетті Ресей;
  • Яблоко;
  • Өсім партиясы
  • Ресейдің әділеттілік пен еркіндік партиясы;
  • Ресей коммунистері;
  • Азаматтық платформа;
  • Жасыл альтернатива;
  • Отан
  • Зейнеткерлер партиясы.

Партиялық тізімдер бойынша 3 812 кандидат тіркелсе, бір мандатты окрутардан 2 020 үміткер шықты. Мәскеу мен Санкт-Петербургте бәсекелестік жоғары болып тұр.

Орталық сайлау комиссиясының мәліметіне сәйкес, Ресейде тұратын дауыс берушілердің жалпы саны – 108 145 648 адам. Бұдан бөлек, шетелде 2 047 140 адам тұрады. Ал Байқоңыр қаласында 12 515 сайлаушы бар.

Қазақстанда жүрген ресейліктер қай жерде дауыс береді

Ресейдегі сайлауға байланысты Қазақстанда бірнеше дауыс беру учаскесі ашылып отыр. Олар бес қалада орналасқан.

Нұр-Сұлтан, Ресейдің мәдениет және ғылым орталығы, Кенесары көшесі, 39 үй. Ол жерде  Нұр-Сұлтан қаласы, Қостанай, Солтүстік Қазақстан, Ақмола мен Қарағанды облыстарының тұрғындары дауыс береді. Телефон: 8 (7172) 32-05-15, 8(7172) 44-08-05;

Алматы, Жандосов көшесі, 4 үй; телефон: 8 (727) 274-61-22;

Приозёрск, Офицерлер үйі, Кисунько көшесі, 1/2 үй; телефон: 8 (71039) 5-21-44;

Орал, Ресейдің бас консулдығы, Мұхит көшесі, 78 үй; телефон: 8 (705) 847-78-61;

Өскемен, Ресейдің бас консулдығы, Орджоникидзе көшесі, 2 үй; телефон: 8 (7232) 26-29-59.

Қазақстанда дауыс беру таңғы сағат 8.00-де басталып, кешкі 20.00-де аяқталады. 18 жастан асқан сайлаушы ғана дауыс бере алады. Ресей Федерациясының төлқұжаты болуы шарт.

Қазақстан атынан сайлауды кім бақылайды

14 қыркүйекте Қазақстанның Орталық сайлау комиссиясы Ресей федералдық жиналысының мемлекеттік дума депутаттарының сайлауына жіберілетін бақылаушылардың тізімін бекіткен болатын. Олар ТМД мен ШЫҰ атынан баратын бақылаушылардың құрамына кіреді. Қазақстандық делегацияның құрамына Орталық сайлау комиссиясы мен дипломатиялық корпус өкілдері енді.

0