Қыз, архивтегі фото

Әулиекөл тұрғындары тегін азық-түлік аламын деп 5 миллион теңге қарыз болып қалды

1317
Алаяқ әйелдің заңсыз әрекетінен Қостанай облысындағы Әулиекөл ауданының сегіз тұрғыны зардап шекті. Алайда полицейлер жәбірленушілер саны бұдан да көп болуы мүмкін екенін айтады

НҰР-СҰЛТАН, 27 сәуір — Sputnik. Қостанай облысында Әулиекөл ауданының тұрғыны ауылдастарын алдап, Алматыда олардың атына бес миллион теңгеден астам кредит рәсімдеген.

Қостанай облысы полиция департаментінің баспасөз қызметі ұсынған ақпаратқа сәйкес, алаяқ Әулиекөл ауданының 31 жастағы тұрғыны екені анықталды.

"31 жастағы жергілікті тұрғынға қатысты бұл іс Қылмыстық кодекстің 190-бабының 2-бөлімі бойынша (Алаяқтық) тіркелді. Ол өзінің алаяқтық әрекеттерін, яғни тауарға арналған онлайн-кредитті Алматыда орналасқан жеке кәсіпкерлік атынан жүзеге асырған", - деп хабарлады полиция.

Ауылдастарының жеке мәліметін алу үшін ол әлеуметтік көмекті таратамын деген сылтаумен азаматтарға барып, азық-түлік пакеттерін берген. Бақылаушы мекемеге есеп беру үшін көмек алған адамдардың жеке мәліметтері мен суреті қажет екенін алға тартқан. Одан кейін ол бұл мәліметтерді банктердің бірімен келісімшарт жасаған жеке кәсіпкерлік нысанына жолдап отырған. Қаражат алаяқ әйелдің картасына аударылған.

Жәбірленушілер өз аттарына кредит рәсімделгені туралы банк қызметкерлерінің қоңырауы мен қарызды өтеу туралы хабарлама келгеннен кейін ғана білген.

Оқи отырыңыз: Петропавл тұрғыны әп-сәтте 12 миллион теңгесінен айырылып қалды 

Осы әйелдің заңға қайшы әрекетінен зардап шеккен сегіз азамат полицияға шағымданған. Келтірілген залалдың жалпы көлемі бес миллион теңгеден асады.

Күдікті бұрын сотты болмаған, кәмелет жасына толмаған баласы бар. Ол әйелден ешқайда шықпау туралы қолхат алынды.

1317
Кілт сөздер:
қарыз, азық-түлік
Тақырып бойынша
Қостанайда 44 адамның атынан кредит алған алаяқ ұсталды
11 жыл бойы миллиардтап қаржы жымқырған: Таразда қылмыстық топ ұсталды
Шымкентте отырып, СҚО тұрғындары атынан кредит алған алаяқ ұсталды
Қарағандыда екі банк қызметкері ұсталды
Түркістан облысында кредит алған әйелді шырылдатқан банк қызметкері ұсталды
Ыстық ауа райы

36 градус ыстық және жел: ертең ауа райы қандай болады

1097
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1097
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

122
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

122
Кілт сөздер:
Шымкент, карантин, шектеу
Тақырып:
Төтенше жағдай және карантин