Сиыр

"Депутат менсінбейді, әкімдік тыңдамайды": Түркістан облысында ауыл тұрғындары шу шығарды

2125
Мәселені шешу үшін кездесуге шақырған облыстық мәслихаттың депутаты тұрғындарға "Мысырда демалып жатырмын" деп сәлемдеме айтып жіберген

НҰР-СҰЛТАН, 28 сәуір – Sputnik. Депутат елдің жерін алып қойды. Түркістанда облыстық мәслихаттың депутаты мың гектардан астам жайылым жерді қоршап алған. Бәйдібек ауданындағы ат шаптырым алқапты Ерлан Нұрмаханов айналдыра қазып тастапты. Соның салдарынан тұрғындардың төрт түлігі арыққа құлап мертігіп жатыр, деп хабарлайды КТК арнасы.

Ата-бабасынан келе жатқан жайылым жер депутаттың жекесіне айналған соң, мұндағы жұрттың өрісі тарылған. Аудандық шенеуніктер халық қалаулысының сөзін сөйлейді дейді жүргілікті тұрғындар.

Бәйдібек ауданындағы Жолғабас пен Кеңес ауылы төрт түлігін қуықтай жерге жайып жүр. Себебі, ауылдың айналасындағы жайылымға кіру мүмкін емес. Атам заманнан үйір жылқы мен отар-отар қой жайылған жердің екі жылдан бері айналасы қазылып терең ор болып жатыр.

"Азғана ауылды менсінбегені ме? Байлар келіп, бар жерімізді қоршап алып жатыр. Біз малды қайда жаямыз? Бар күнкөрісіміз – мал. Шөпті сатып алу керек. Мыналар өз шөбімізді өзімізге сатады. Не істеуіміз керек? Ауылда отырып шөп сатып алсақ, онда малды не үшін асырап отырмыз", – дейді Бәйдібек ауданының тұрғыны Сәрсенбек Арыстанов.

Тереңдігі мен ені бір жарым метрлік арықтың қанша шақырымға созылып жатқанын ешкім айта алмайды. Бұл орға түсіп шыға алмай қырылған ірі қараның өзі оннан асады екен. Қой мен ешкі тіпті көп. Арықты бойлай жүрсеңіз, әр жерде ор түбінде теңкиіп жатқан өлексені көресіз. Мәселен, біздің көзімізше екі үш ешкі арыққа түсіп кетті. Абырой болғанда жақын маңда жүрген иесі көріп қалып, төлдерін шығарып үлгерді.

Ұшы-қиыры көрінбейтін арықтың қазір суы қайта тартылған. Ал жаңбыр жауып, қар ерігенде су арықтың бетіне дейін шығады. Ондай кезде тұрғындар мал түгілі, адамын уайымдайды. Себебі, ауылда кішкене балалар осы арықтың бойында ойнайды.

Ауыл тұрғындары жайылым жер қалмағанын да, арықтың қауіпті екенін де аудандық әкімдіктен бастап, ор қазған облыс депутаты Ерлан Нұрмахановқа да талай айтыпты. "Бірақ депутат менсінбейді, ал әкімдік тыңдамайды" дейді жиналғандар.

"Ерлан Нұрмаханов облыстық мәслихат депутаты. Сол кісі алған мына жерді. Бұл елдің мал жаятын жері. Біреуі қазір малын шығара алмай қалды. Депутат ауыл тұрғындарын тыңдамайды. Мына ауылмен санаспайды", – дейді Бәйдібек ауданының тұрғыны Әліби Ақжанбаев.

Тұрғындар облыстық мәслихат депутатын бүгін де шақырған. Бірақ халық қалаулысы "Мысырда демалып жатырмын" деп сәлемдеме айтып жіберіпті. Есесіне ауылға келген аудандық атқамінерлер депутататтың жалға алған 1 066 гектар жерінің 350 гектарына бидай егіліп жатқанын жеткізді. Бірақ екі жылдан бері қазылып жатқан орды күні кеше ғана көрдік деп айды аспаннан бір-ақ шығарды.

"Жер қатынастары жөніндегі инспектор бар. Ауыл әкімімен бірлесіп анықтайды. Жердің мақсатсыз пайдаланып жатқан болатын болса, аудандық сот арқылы талап-арыз беріліп, аудан әкімдігінің жер қойнауына жерді кері қайтарады", – дейді Бәйдібек ауданы әкімінің орынбасары Берік Тұрлыбеков.

Оқи отырыңыз: Вице-премьер Тоғжанов 10 сотық жер беру мәселесін түсіндірді

1 066 гектардың 350 гектарына ғана егін егіліп жатқанын айтқан басшы қалған жердің қаншалықты мақсатты пайдаланып жатқанын анықтамақшы. Айтпақшы, әкімдердің артынан депутаттың інісі де жетті. Ол жерді қазып тастағаны үшін айыппұл төлеуге әзір екен. Тіпті, көп ұзамай арықты қайта көмуге уәде берді.

2125
Кілт сөздер:
Түркістан облысы, жер дауы
Тақырып бойынша
Трактормен жер жыртатын түркістандық бойжеткен: танымал болып кетуді ойламадым
Әкімдіктерге мектеп пен аурухана құрылысы үшін жер учаскелерін алу құқығы беріледі
"Халық білуі керек": жер комиссиясы ашық дауыс беруге бара ма
"Қашып кетпеуіне кім кепіл": жер комиссиясында шетел азаматтығын алғандар туралы айтылды
Еліміздің жер қойнауындағы байлық қоры қалай зерттелді – фото
Ыстық ауа райы

36 градус ыстық және жел: ертең ауа райы қандай болады

1100
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1100
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

122
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

122
Кілт сөздер:
Шымкент, карантин, шектеу
Тақырып:
Төтенше жағдай және карантин