Иллюстративті фото

Әйелі өлім аузында жатқанда қарап тұрған: Алматы облысында қаныпезерлер сотталды

1428
Ермошенко әйелімен болған арадағы араздыққа байланысты оны жалдамалы қанішер көмегімен өлтіруді ойластырған

АЛМАТЫ, 28 сәуір – Sputnik. Алматы облысында 34 жастағы әйелді бір жасар қызының көзінше өлтірген қаскөйлерге сот үкім шықты.

Бұл жағдай 2020 жылдың 13 қарашасында болған. Іле ауданы Қапшағай тас жолына жақын жерде адам аз жүретін маңда Светлана Ермошенконы өлтіріп кетті. Сол сәтте марқұмның туыстары Светлананы өлтіруге күйеуі "тапсырыс берген" деп ойлайтынын жеткізді. Себебі отбасында келеңсіз жағдайлар болып, күйеуі ажырасып, қызын алып кетемін деп қорқытқан.

Полиция қылмысқа қатысы бар деген күдікпен екі адамды ұстады. 27 сәуірде Қарасай ауданы қылмыстық істер жөніндегі мамандандырылған соты екі күдіктіге қатысты үкім шығарды.

Осылайша, марқұмның туыстарының күдігі расталды. Сот марқұм Светлана Ермошенконың күйеуі – 38 жастағы Александр Ермошенконы қылмыстық кодекстің 99-бабы бойынша ("адам өлтіру") қауіпсіздігі барынша жоғары мекемеде 18 жылға бас бостандығынан айыруға үкім шығарды.

Ал қылмысты жасаған 35 жастағы Валерий Матяшин қылмыстық кодекстің 99-бабы бойынша ("адам өлтіру") 15 жылға бас бостандығынан айырылды.

Сондай-ақ Ермошенко мен Матяшин марқұмның отбасына 20 миллион теңге көлемінде моральды шығын өтеуге міндеттелді.

"Құрылыс компаниясының қызметкері Александр Ермошенко әйелімен болған келіспеушіліктерге байланысты қызын өз бетінше өсіру мақсатында әйелін жалдамалы қанішер көмегімен өлтіруді шешкен. Ол кісі өлтіретін адамды ұзақ уақыт іздеген, алдымен өзінің Бақтияр есімді танысына айтқан. Ол оның сөзін шын қабылдамай, бас тартқан. Содан кейін Алакөл көлінде құтқарушы болып жұмыс істейтін Матяшинге тоқталып, екі миллион теңге сыйақы ұсынған", – деп жазды Немолчикз қорының жетекшісі Дина Таңсәрі.

Екеуі ақылдасып, 2020 жылдың 10 қарашасында Светлананы өлтірмек болған. Алайда ең соңғы сәтте жан-жағында адамның көп болуына байланысты Матяшин қылмыс жасаудан бас тартқан.

12 қарашада Ермошенко Матяшинмен кездесіп, алдын ала 100 мың теңге берген.

13 қарашада күйеуі әйелі мен бір жасар қызын ертіп Қапшағай тас жолындағы "Магнум" дүкеніне азық-түлік алуға барған. Қайтар жолда ер адам дәрет сындырғысы келіп, жолдан 300-400 метр жерге барып тоқтаған. Көліктен 150 метр жерге кеткен. Сол уақытта Матяшин көлікті ашып, Светлананың басынан қатты соққы жасаған. Сол сәтте оның қолында бір жастағы қызы болған.

Содан кейін кеңсе пышағының жүзін пайдаланып, әйелдің денесіне 30-дан астам жарақат салған. Оның үшеуі мойын аймағына тиіп, өлімге әкелді. Одан бөлек әйелдің мұрны сынған, беті мен басынан түрлі соққы алған.

"Сол уақытта Ермошенко көлік жанына келіп, жылап жатқан қызын қолына алып, әйелінің көз алдында қайтыс болғанына қарап тұрған. Алған жарақатынан Светлана оқиға орнында көз жұмды. Матяшин оқиға орнынан бой тасалаған, алайда сол маңнан өтіп бара жатқан адамдар не болып жатқанын байқап, полиция шақырған", – деп жазды Таңсәрі.

Оқи отырыңыз: Оралда 10 жастағы баланы қағып өлтірген бойжеткенге сот үкімі шықты

Қазір марқұмның қызын зейнеттегі ата-әжесі тәрбиелеп отыр.

1428
Кілт сөздер:
сот үкімі, адам өлтіру
Тақырып бойынша
Балқашта 13 жасар қызды зорлаған полицейге сот үкімі шықты
Құрбысын қатыгездікпен өлтірген алматылық екі әйелге сот үкімі шықты
Алматыда қазақстандық дизайнерді өлтірген ер адамға сот үкімі шықты
Көкшетауда қонағын ұрып өлтірген дәмхана иесіне сот үкімі шықты
Шикі картоппен адам өлтірген павлодарлыққа сот үкімі шықты
Иллюстративті фото

Сәтбаевтағы жаппай тәртіпсіздікке қатысқандарға сот үкімі шықты

13
(Жаңартылды 13:44 14.05.2021)
Бұған дейін сотталушылардың адвокаттары сот процесінде туындаған шиеленісті жағдайды ескеріп, істі қарауды тездетуді сұраған

АЛМАТЫ, 14 мамыр – Sputnik. Сот өткен жылы Сәтбаев қаласындағы жаппай тәртіпсіздікке қатысқандарға үкім шығарды, деп хабарлайды Sputnik Қазақстан.

Қарағанды облысының ювеналды сотында 55 адамға қатысты іс қаралды. Себебі, тәртіпсіздік кезінде сотталушылардың үшеуі 18 жасқа толмаған еді.

Сот алдына 49 ер адам мен 6 әйел келді. Оларды екі қылмыстық бап бойынша кінәлі деп таныды: 272-бап "жаппай тәртіпсіздік" және 380-бап "билік өкіліне қатысты зорлық-зомбылық".

Процесс барысында сотталушылар өздеріне тағылған айыпты мойындап, прокурордың соттан сұраған жазасына келісті.

14 мамырда судья Кенжебай Ысқақбаев сотталушыларға қатысты жазаны анықтады. Тоғыз адам үш жылға бас бостандығынан айырылды. Тағы 44 сотталушы төрт жылға шартты түрде жаза алды, қалған екі адам бір жарым жыл шартты түрде бас бостандығынан айырылды.

Тұрғындар педофилді беруді талап етті

Сәтбаев қаласында жаппай тәртіпсіздік 2020 жылдың 24 шілдесіне қараған түні бес жасар қызды ұрлап, зорлағаннан кейін басталды. Ашуланған жергілікті тұрғындар өздеріне педофилді беруді талап етті. Алайда, полиция күдіктіні үйден байқатпай алып шықты.

Содан жаппай тәртіпсіздік басталды, жағдай ұлттық ұлан жауынгерлері көмекке келгеннен кейін ғана бақылауға алынды. Оған дейін полиция бөлімшесі мен олардың қызметтік көліктері талқандалды. Іс бойынша елуге жуық полиция қызметкері, 13 азаматтық тұлға, облыстық полиция департаментінің бір өкілі жәбірленуші ретінде қатысты.

Оқи отырыңыз: Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты

Ал қызды зорлады деген күдікке ілінген ер адам сотқа дейін тергеу изоляторында қаза тапты. Ол өз-өзіне қол жұмсағаны хабарланды.

13
Кілт сөздер:
Сәтпаев қаласы, педофил
Тақырып бойынша
Қырғызстанда жаппай тәртіпсіздік ұйымдастырмақ болған экс-депутат ұсталды
Алматыда жаппай вакциналау қайта басталады – денсаулық басқармасы мерзімін атады
Қордайдағы жаппай тәртіпсіздік: бір адам тергеу изоляторында қайтыс болды
Түркістанда жаппай төбелестен соң қылмыстық іс қозғалды – видео
Сәтбаевтағы жаппай тәртіпсіздік: 54 адамға қатысты сот басталды
Полиция автокөлігі

Педофилдер туралы хабарлама Шығыс Қазақстан полициясын әбігерге салды

635
Полиция өңір тұрғындарын шошытқан хабарламаны жоққа шығарып, оның Шығыс Қазақстан облысына еш қатысы жоқ екенін мәлімдеді

АЛМАТЫ, 14 мамыр – Sputnik. Полиция Шығыс Қазақстан облысында "педофилдер тобы" бар екені туралы ақпаратқа түсініктеме берді.

Өйткені, Өскемен тұрғындары мессенджерде педофилдер туралы әртүрлі хабарлама ала бастаған, деп хабарлады жергілікті YK-news.kz басылымы.

"Бұл ақпарат шындыққа жанаспайды және Шығыс Қазақстан облысына қатысы жоқ", – деп хабарлады облыстың полиция департаменті.

Сондай-ақ полиция тұрғындарды жалған хабарламаларға сенбеуге шақырды.

Айта кетейік, жақында Қарағандыда азғындық жасады деген күдікпен 55 жастағы ер адам ұсталды. Ол өңірде жоғалып кеткен кәмелетке толмаған қызбен бірге адам тұрмайтын үйден табылған болатын. Күдікті уақытша ұстау изоляторына қамалды.

Оқи отырыңыз: Президенттің атынан жалған ақпарат таратылып жатыр - Тоқаевтың баспасөз хатшысы

635
Кілт сөздер:
ШҚО, жалған ақпарат, педофил
Тақырып бойынша
"Жалған ақпарат": министр 13,5 млрд доллар туралы жазған блогерлерге жауап берді
"Төбеңнен қойып қалады": әртістер жалған ақпарат тарағанда қандай күйде болатынын айтты
"Фотоға түсіріп, айыппұл салады": әлеуметтік желіде тағы бір жалған ақпарат тарады
Не себепті мұндай жалған ақпарат тарағанын білмеймін – Бекшин
"Тойды ұйымдастырған мен емес": Марат Омаров жалған ақпарат таратқандарды іздеп жатыр