Көрнекі фото

Павлодар облысында ер адам мен 15 жасар мүгедек қыздың жазысқан хаты жарияланды

4996
(Жаңартылды 19:22 28.04.2021)
Полиция қызметкерлері "Жыныстық қатынасқа түсуге мәжбүрлеу" бабы бойынша тергеу жүргізіп жатыр

НҰР-СҰЛТАН, 28 сәуір - Sputnik. "Не молчи.kz" қоғамдық қоры Павлодар облысының тұрғыны мен 15 жасар мүгедек оқушы қыздың жазысқан хатын жариялады.

Қыздың анасы қордан көмек сұраған.

"Мен 15 жасар мүгедек қызды тәрбиелеп отырған анамын. 23 наурыз күні полицияға біздің ауылдың тұрғынының үстінен арыз жаздық. Ол екі жылдан бері менің қызымды мазалап келеді екен. Қызым онымен жыныстық қатынасқа түспесе зорлаймыз деп қорқытатын көрінеді. Алайда іс әлі алға жылжыған жоқ", - делінген қыздың анасының хатында.  

Әйелдің айтуына қарағанда екі жыл бұрын алтыншы сыныпта оқитын қызына 29 жастағы жігіт әлеуметтік желіде хат жазып, жыныстық қатынасқа түсуді ұсынған. Қыз оны бұғаттап тастаса да, жігіт басқа аккаунттардан жаза бастайды.

Жасөспірім қыз жігіттің аңдуынан құтылу үшін оған ақша жіберіп отырған. Бұдан кейін ол қудалауын біраз уақытқа қойғанымен, кейін байланысқа қайта шығып, қыр соңынан қалмаған.  

Оқи отырыңыз: Ақмола облысында жасөспірімдер зорлықшыдан әйелді арашалап қалды

Қыз мектепке баруға, үйде жалғыз қалуға қорқып қалған. Мұны білген қыздың анасы полицияға арыз жазды. Бірақ ол жердегілер бұл Қылмыстық кодекстің 115-бабы ("қорқыту") екенін айтқан. Бұл бап бойынша айыппұл, түзеу жұмыстары не екі айға дейінгі мерзімге қамаққа алу жазасы қарастырылған.

"Ол шынымен де айыппұл төлеп, басқа кәмелетке толмағандарды азғыруын күтеміз бе. Бір күні біреуді зорлап кетеді. Кешке үйіміздің жанына белгісіз көліктер келеді. Күйзеліске түскен балам бір апта ауырып, мектепке бармайтын болды. Сыныпта да проблемалары басталды. Бұл жайтты бәрі біле бастады", - деп шағымданды әйел.   

Әйел қызы үшін алаңдайтынын жеткізді.

"Аталған факті бойынша Павлодар облысының полиция департаменті Қылмыстық кодекстің 123-бабы (Жыныстық қатынас жасауға мәжбүрлеу) бойынша сотқа дейінгі тергеу амалдарын жүргізуде. Күдікті анықталды. Қажетті сараптамалар белгіленіп, тергеу амалдары қолға алынды. Бұл істің тергеуі бақылауда", - деп хабарлады Sputnik Қазақстанға Павлодар облысы полиция департаментінің баспасөз қызметіндегілер.

Кәмелетке толмаған адамға қатысты жасалған бұл әрекет бойынша белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, бес жылға дейінгі мерзімге бас бостандығынан айыру жазасы қарастырылған.

4996
Кілт сөздер:
Павлодар облысы, зорлау, қыз бала
Сумен ойнаған бала

Шығыс Қазақстанда үй маңындағы арықтан үш жастағы екі баланың мәйіті табылды

63
Балалар жоғалған сәтте-ақ ата-анасы мен туыстары шұғыл іздеуге кіріскенімен, олар тым кеш қалған

НҰР-СҰЛТАН, 17 мамыр – Sputnik. Шығыс Қазақстан облысының Елтай ауылында жоғалған үш жастағы екі баланың мәйіті үй маңындағы арықтан табылды, деп хабарлады облыстық полиция департаментінің баспасөз қызметі.

Қайғылы оқиға 17 мамырда түстен кейін болған.

"Шағым түскен сәттен бастап учаскелік полиция қызметкерлері жедел-іздестіру шараларын жүргізді. Оған жергілікті тұрғындар мен құтқарушылар да қатысты. Балалардың денесі үйден 350 метр қашықтағы бақша дақылдарын суаруға арналған арықтан табылды", – деп мәлімдеді полиция өкілдері.

Аталған факт бойынша сотқа дейінгі тергеу басталды. Қазіргі кезде өлімнің себеп-салдарын анықтау үшін сот-медициналық сараптама тағайындалды. Соның нәтижесінде процессуалдық шешім қабылданатын болады.

Оқи отырыңыз: 25 жастағы әйел бірден тоғыз бала дүниеге әкелді

Жергілікті полиция департаментінің мамандары тұрғындарды су айдындарында сақтық шараларын қатаң сақтауға шақырады.

63
Кілт сөздер:
ШҚО, балалар өлімі
Тақырып бойынша
Маңғыстау облысында бір жасар бала даладағы дәретханаға құлап кетті
Ақтөбе маңында екі бала суға батып кетті
Павлодарда бес жасар бала терезеден құлап кетті
Бала тамақтан уланса не істеу керек
Ақтауда кәріз құдығына құлап кеткен бала күйіп қалды
Өрт, архивтегі сурет

Павлодарда ірі өрттен екі үй түгі қалмай жанып кетті  видео

15
(Жаңартылды 18:13 17.05.2021)
Өрттен зардап шеккендер мен қаза болғандар жоқ. Сарапшылар тілсіз жаудың неден шыққанын анықтауға кірісті

НҰР-СҰЛТАН, 17 мамыр – Sputnik. Павлодарда екі үй және үш шаруашылық қора-жай өртеніп кетті. Бұл туралы Павлодар облысы төтенше жағдайлар департаментінің баспасөз қызметі хабарлады.

Дүйсенбі 12.50-де Қостанай 34 көшесінде өрт шыққаны туралы хабар түсті. Жеке тұрғын үй секторында екі жер үй мен үш шаруашылық қора-жайдың шатыры жанған. Жалын 390 шаршы метр аумаққа шарпыды.

ТЖ орнына бірден тоғыз автомашинамен 39 құтқарушы, бір техникамен апаттар медицинасы орталығының үш қызметкері және екі автокөлікпен төрт полицей аттанды.

Бір сағаттан соң, 14.15-те тілсіз жау ауыздықталды. Өрт әлі толығымен сөнген жоқ.

Өрт сөндірушілер сыйымдылығы 27 литр газ баллонын сыртқа шығарды.  

Қаза болғандар мен зардап шеккендер жоқ. Оқиғаның себебі мен шығын анықталып жатыр.

15
Кілт сөздер:
видео, өрт, Павлодар облысы
Тақырып бойынша
Риддердегі өрт: Даниал Ахметов баспана мәселесін күзге дейін шешуге уәде берді
Көкшетаулық полицейлер 17 адамды өрттен құтқарды
Риддердегі өрт толығымен сөндірілді
Өрттен 5 бала қайтыс болғаннан кейін аудан әкімі жұмыстан кетті
Газ терминалы

АҚШ сұйылтылған табиғи газ экспортын арттырды

0
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

0
Кілт сөздер:
мұнай, газ