Ана мен бала

Құрбысының ұлына шындықты айтқан ақмолалық әйел жауапқа тартылды

183
Әйел адам танысымен жанжалдасып қалған соң, құрбысының ұлына ата-анасы оны асырап алғанын айтып қойған

НҰР-СҰЛТАН, 29 сәуір – Sputnik. Ақмола облысының тұрғынына қатысты бала асырап алу құпиясын жария етуге байланысты қылмыстық іс қозғалды. Ол құрбысымен сөзге келіп қалған соң оның баласына асырап алынғанын айтып қойған, деп хабарлайды Sputnik Қазақстан тілшісі.

Оқиғаның қалай болғанын Ақмола облысы полиция департаментінің баспасөз қызметі айтып берді.

Бірнеше жыл бұрын отбасы ресми түрде бала асырап алып, бұл құпияны сақтау үшін басқа жаққа көшіп кеткен. Алайда жаңа қоныста да баланың асырап алынғаны жария болып қалды. Осыған байланысты баланың ата-анасы полицияға шағымданған.

"Тексеру барысында полиция қызметкерлері бала асырап алу туралы мәліметті жария етуге күдіктіні анықтады. Ол 41 жастағы жергілікті тұрғын екені белгілі болды. 18 сәуірде ол әйел жәбірленушімен дауласып қалған соң бұл құпияны асырап алған балаға айтып берген. Ол өз кінәсін мойындады", – делінген ведомство хабарламасында.

Осы афкті бойынша Қылмыстық кодекстің 138-бабы (бала асырап алу құпиясын жария ету) бойынша сотқа дейінгі тергеу басталды.

Мұндай қылмыс үшін айыпталушыға белгiлi бiр лауазымдарды атқару немесе белгiлi бiр қызметпен айналысу құқығын үш жылға дейінгі мерзімге шектеу көзделеді немесе 200 АЕК (538 400 теңге) көлемінде айыппұл төлейді. Сол сияқты осы мөлшерде түзеу жұмыстары мен 180 сағатқа дейінгі мерзімге қоғамдық жұмыстарға тарту, яки 50 тәулікке дейінгі мерзімге қамауға алу жазасы тағайындалады.

Оқи отырыңыз: Қазақстанда бала асырап алу үшін не істеу керек?

Айта кетейік, күдіктінің тергеу процесіне келуі туралы процестік мәжбүрлеу шарасы қолданылды.

183
Кілт сөздер:
Ақмола облысы, бала асырап алу
Тақырып бойынша
Атырауда балаға қол жүгірткен ер адам ұсталды – видео
Балаға берілетін жәрдемақы - 2021: кімге, қалай және қанша төленеді?
1-сыныпқа баратын балаға қандай талап қойылады – министрлік жауабы
Қазақстанда 2020 жылы балаға ең жиі қойылған есімдер белгілі болды
Балаға төленетін жәрдемақы көтеріле ме – үкімет жауап берді 
Ыстық ауа райы

36 градус ыстық және жел: ертең ауа райы қандай болады

1114
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1114
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

128
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

128
Кілт сөздер:
Шымкент, карантин, шектеу
Тақырып:
Төтенше жағдай және карантин