Гүлдеген алма ағашы

Мереке күндері ауа райы қандай болады синоптиктер болжамы

1049
Қазақстанның шығысы мен оңтүстік-шығысында найзағай ойнап, жаңбыр жауады. Оңтүстікте ауа температурасы 36°С-қа дейін көтеріледі

НҰР-СҰЛТАН, 30 сәуір — Sputnik. Қазгидромет 1-3 мамыр аралығындағы ауа-райына болжам ұсынды.  

"Сәуірдің соңғы күндері Қазақстан аумағына антициклонның енуіне байланысты республиканың басым аумағында ауа температурасының төмендеуі күтілуде. Алайда, 2 мамырдан бастап биіктік жотасы елдегі ауа райына әсер етіп, жылы ауа массаларын әкеледі", - делінген хабарламада.  

Синоптиктер оңтүстік өңірлерде ауа температурасы 17-27°С градустан 28-36°С граудсқа дейін, солтүстік өңірлерде 10-18°С градустан 15-23°С градусқа дейін көтеріледі деп болжайды.

Оқи отырыңыз: 2021 жылы қазақстандықтар қанша күн демалады

"Алайда циклондар да ықпал етеді. 1 мамыр күні еліміздің оңтүстік-шығысы мен шығысында жаңбыр жауады, кей жерлерде қатты болады. Найзағай ойнап, желдің екпіні 23-28 м/с-қа дейін күшейеді, бұршақ жаууы мүмкін. 2 мамырдан бастап батыс өңірлерге солтүстік-батыс циклоны әсер ете бастайды. Ол солтүстік аймақтар арқылы жылжып, жаңбыр әкеледі", - дейді мамандар.    

Естеріңізге салсақ, қазақстандықтар 1,2,3 мамыр күндері демалады.

1049
Кілт сөздер:
Қазақстан, күн, ауа райы
Тақырып бойынша
Синоптиктер алдағы үш күнде ауа райы қандай болатынын айтты
Көктем мен жазда қандай киімдер сәнге айналады – мамандар кеңесі
36 градус ыстық болады: синоптиктер алдағы үш күнге болжам жасады
Биыл жаз қандай болады – синоптиктер болжам жасады
Ыстық ауа райы

36 градус ыстық және жел: ертең ауа райы қандай болады

1070
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1070
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

118
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

118
Кілт сөздер:
Шымкент, карантин, шектеу
Тақырып:
Төтенше жағдай және карантин