Құбыр желісі, архивтегі сурет

Павлодарда биіктігі бірнеше метрге жететін "субұрқақ" пайда болды

57
Сала мамандары гидравликалық сынақ кезінде пайда болған су бұрқақтың тепмпературасы 40 градустан аспайтынын атап өтті

НҰР-СҰЛТАН, 3 мамыр – Sputnik. Павлодарда "Батыр" сауда ойын-сауық орталығының жанында жер астынан өткен ыстық су құбыры жарылып, су бұрқақ пайда болды. Бірнеше метр биіктікке атқылаған субұрқақ видеосы павлодарлық @tipavlo парақшасында жарияланды. 

Посмотреть эту публикацию в Instagram

Публикация от Типичный Павлодар (@tipavlo)

"3 мамырда "Қазақстан алюминийі" АҚ-ның 1-ЖЭО-на қосылу аймағындағы жылу желілерінің гидравликалық сынағы басталды. 6 мамырға дейін жалғасатын мұндай сынақтар құбыр желісіндегі әлсіз учаскелерді анықтап, жөндеуге бағытталған. Ақау анықталған ауданда су тарату уақытша тоқтатылатын болады", – деп түсіндірді Sputnik Қазақстанға "Павлодарэнерго" АҚ баспасөз қызметі.

Сала мамандары гидравликалық сынақ кезінде құбыр желісіндегі су температурасы 40 градустан аспайтынын атап өтті. Дегенмен, тұрғындарды сақ болуға шақырды.

Оқи отырыңыз: Он жасар бала құбыр арасына қысылып қалды – құтқару операциясының кадрлары

Олардың айтуынша, "Батыр" сауда орталығы жанындағы жылу желісі әлсіз учаскелердің бірі болып шыққан.

57
Кілт сөздер:
Павлодар, құбыр жарылды
Тақырып бойынша
Алматыда құбыр салынып жатқан шұңқырға көлік түсіп кетті
Батыс Қазақстанда ауыл тұрғындары мектеп пен емханаға құбыр арқылы барып жүр
Ғалымдар құбыр суының ешкім күтпеген қаупін анықтады
Нұр-Сұлтанда құбыр жарылып, көшені су басты – видео 
Павлодарда құбыр жарылып, бірнеше тұрғын үй жылусыз қалды – видео
Полиция автокөлігі

Педофилдер туралы хабарлама Шығыс Қазақстан полициясын әбігерге салды

544
Полиция өңір тұрғындарын шошытқан хабарламаны жоққа шығарып, оның Шығыс Қазақстан облысына еш қатысы жоқ екенін мәлімдеді

АЛМАТЫ, 14 мамыр – Sputnik. Полиция Шығыс Қазақстан облысында "педофилдер тобы" бар екені туралы ақпаратқа түсініктеме берді.

Өйткені, Өскемен тұрғындары мессенджерде педофилдер туралы әртүрлі хабарлама ала бастаған, деп хабарлады жергілікті YK-news.kz басылымы.

"Бұл ақпарат шындыққа жанаспайды және Шығыс Қазақстан облысына қатысы жоқ", – деп хабарлады облыстың полиция департаменті.

Сондай-ақ полиция тұрғындарды жалған хабарламаларға сенбеуге шақырды.

Айта кетейік, жақында Қарағандыда азғындық жасады деген күдікпен 55 жастағы ер адам ұсталды. Ол өңірде жоғалып кеткен кәмелетке толмаған қызбен бірге адам тұрмайтын үйден табылған болатын. Күдікті уақытша ұстау изоляторына қамалды.

Оқи отырыңыз: Президенттің атынан жалған ақпарат таратылып жатыр - Тоқаевтың баспасөз хатшысы

544
Кілт сөздер:
ШҚО, жалған ақпарат, педофил
Тақырып бойынша
"Жалған ақпарат": министр 13,5 млрд доллар туралы жазған блогерлерге жауап берді
"Төбеңнен қойып қалады": әртістер жалған ақпарат тарағанда қандай күйде болатынын айтты
"Фотоға түсіріп, айыппұл салады": әлеуметтік желіде тағы бір жалған ақпарат тарады
Не себепті мұндай жалған ақпарат тарағанын білмеймін – Бекшин
"Тойды ұйымдастырған мен емес": Марат Омаров жалған ақпарат таратқандарды іздеп жатыр
Киіктер өлексесі

Батыс Қазақстанда 400-ге жуық киіктің өлексесі табылды

62
Киіктер қырылған жерде түсірілген суретте дала жануарлары ойпаңда бір қатарда жатқаны көрінеді. Бір күн бұрын осы аймақта нөсер жауын жаууына байланысты ол жерде су жиналған болуы мүмкін

НҰР-СҰЛТАН, 14 мамыр – Sputnik. Батыс Қазақстан облысындағы Жәнібек ауданында 372 киіктің өлі денесі табылды. Алдын ала мәлімет бойынша жануарлар найзағай соғуынан қырылған болуы мүмкін, деп жазады жергілікті "Ақ Жайық" сайты.

Батыс Қазақстан облысындағы орман шаруашылығы және жануарлар әлемі аймақтық инспекциясының жетекшісі Қайрат Кәдешовтің айтуынша, киіктер жаппай қырылған жерде жақында жаңбыр жауып, найзағай түскен.

"Біздің инспекторлар оқиға орнын зерттеп, қырылған 372 киікті анықтады. Киіктер бір қатарда жатқан. Өлексені тексеру кезінде найзағай тоғысуының белгілері табылды. Қазір ветеринарлар қосымша сынамалар алып жатыр. Ол сынамалар сараптамаға жіберіледі", – деді Кәдешов.

Оның айтуынша, осы тектес жағдай өткен жылы да болып, соның салдарынан 62 киік қырылған.

Киіктердің найзағайдан зардап шегуі ықтимал екенін орман шаруашылығы және жануарлар әлемі комитетінің баспасөз қызметі де растады.

"Құзырлы органдардың қатысуымен жедел штаб құрылды. Алдын ала мәлімет бойынша киіктердің жаппай қырылуына осы аймақтағы қолайсыз ауа райы себепші болуы мүмкін. Себебі өлекселерден найзағай тоғы соққан белгілер байқалды. Алдағы уақытта жүргізілетін сараптама нәтижесі бойынша дала жануарларының қырылуына не себеп болғанын нақты анықтайтын боламыз", - деді ведомствода.

Ветеринарлық бақылау және қадағалау комитетінің облыстық аймақтық инспекциясы мен ветеринария басқармасы, санитарлық-эпидемиологиялық бақылау департаменті және төтенше жағдайлар департаментінің қызметкерлері оқиға орнына жедел жетті.

Қазақстандағы киіктер популяциясы

Осы жылдың сәуірінде экологтар киіктер санағын бастады. Әуеден жасалған есеп ақбөкендердің үш популяциясында жыл сайын жүргізіледі. Алайда 2020 жылы карантинге байланысты бұл шара кейінгі қалдырылды.

Қазақстанда киіктер Батыс Қазақстанда, Үстіртте – ішінара Маңғыстауда, сондай-ақ Ақтөбе, Атырау облыстарында тіршілік етеді. Ақбөкендердің ең көп популяциясы Бетпақдаланы қамтитын Қарағанды, Ақмола, Қостанай облыстарында орналасқан.

Бұған дейін әлеуметтік желілерде қазақстандық фермерлер дала жануарларының көбеюіне байланысты жайылымдағы малға аз азық қалып отырғанына шағымданды.

Оқи отырыңыз: Шығыс Қазақстанда мал жаппай қырылып жатыр

Зоология институты ғалымдарының айтуынша, киіктер көшпелі өмір салтын ұстанатындықтан жайылымдарға түсетін жүктеме деңгейі жоғары емес. Сондықтан ақбөкендер жайылымдардағы шөптің аз ғана бөлігін жейді. Бұл жайылымдарды қайта пайдалануға мүмкіндік береді.

62
Кілт сөздер:
БҚО, ақбөкендер
Тақырып бойынша
Ақтөбелік ауыл тұрғындары 40 мың шошқа өсіретін ферманың жабылуын талап етуде
Қазақстанда өткен жылы тұмаудан 2 миллионға жуық құс қырылды
Ақтөбе облысында балық қырылды – экологтар зерттеу жүргізеді
Батыс Қазақстанда заңсыз киік аулаған шекарашы ұсталды
Батыс Қазақстан облысында 800-ден астам киік мүйізі тәркіленді
Ақтоты Райымқұлова

Министр Райымқұлова орынбасарының ұсталуына қатысты: оставкаға кетуге дайынмын

97
Министр өзінің қызметтен кетуі үшін алдымен өз орынбасарының кінәсі толық дәлелденуі тиіс деп санайды

НҰР-СҰЛТАН, 14 мамыр – Sputnik. Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, оставкаға кетуге дайын екенін мәлімдеді, деп хабарлайды Sputnik Қазақстан тілшісі.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды. Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Оқи отырыңыз: Мәдениет министрі жаңа норма туралы: әншілер дөрекі мінезі үшін жазаланады

97
Кілт сөздер:
отставка, Ақтоты Райымқұлова
Тақырып бойынша
Мөлдір Әуелбекованың орамал туралы әңгімесі: мәдениет министрі пікір білдірді
Әліпбиді латынға көшіру жұмыстарын басқа министрлік жалғастырады – Райымқұлова
Жаңа мәдениет министрі: Ақтоты Райымқұлова туралы не білеміз?
Райымқұлова ұлттық киноны қолдау орталығы басшысының ұсталуына қатысты пікір білдірді
Мәдениет министрі "Жошы хан" тарихи-мәдени кешеніне қатысты ақпаратпен бөлісті