Архивтегі фото

Павлодар облысы әкімдігінің ғимаратында болған оқиғаның видеосы тарап кетті

7137
(Жаңартылды 10:44 04.05.2021)
Жиналу орнының үшінші қабатынан секірген павлодарлық әскерге шақырылушылар қылмыстық жауапкершілікке тартылады

НҰР-СҰЛТАН, 4 мамыр – Sputnik. Қазақстанның қорғаныс министрлігі жиналу пункті орналасқан Павлодар облысы әкімдігінің ғимаратынан екі әскерге шақырылушының қашып кетуіне қатысты түсініктеме берді.

Әскери міндеттілердің қашқан кезін куәгер видеоға түсіріп алған. Оның айтуынша, жастар үшінші қабаттың терезесінен секірген.

Посмотреть эту публикацию в Instagram

Публикация от Исатай СтарЛей |☆☆☆ в запасе (@isa_starley)

Қазақстанның қорғаныс министрлігі ақпаратты растап, оқиға 2 мамырда болғанын хабарлады.    

"Әскерге шақырылушылар 1998 жылы туған Құлниязов Мұхамедкәрім Қайратұлы мен 2001 жылы туған Назымбеков Рүстем Русланұлы жедел әскери қызметке шақырылды. 2021 жылдың 2 мамырында олар Павлодар облысы әкімдігінің 3-қабатында орналасқан облыстық жиналу пунктінің терезесінен секіріп, ол жерден кетіп қалған. Құлниязов жарақат алып, қазіргі уақытта қалалық ауруханада жатыр", - деп хабарлады Қазақстан қорғаныс министрлігінің баспасөз қызметі.

Рүстем Назымбековті облыстық полиция іздеп жатыр. Оның қайда жүргені әлі анықталған жоқ.

"Аталған факті бойынша Қылмыстық кодекстің 387-бабы "Қызметтен босатуға заңды негіздер болмаған кезде әскери қызметке шақырудан жалтару" бойынша қылмыстық іс қозғалды", - деп хабарлады қорғаныс министрлігі.

Бұл бап мың айлық есептік көрсеткіш – 2 917 000 теңгеге (шамамен 6 800 доллар) дейін айыппұл салуды немесе төрт жүз сағатқа дейін қоғамдық жұмыстарға тартуды немесе бір жылға дейінгі мерзімге бас бостандығын шектеуді немесе сол мерзімге бас бостандығынан айыруды қарастырады.

Республикада көктемгі әскерге шақыру наурыз айында басталды.

7137
Тақырып бойынша
Таразда әскери бөлімнен қашып кеткен сарбаз не үшін мұндай қадамға барғанын түсіндірді
Әскери бөлімнен қарумен қашып кеткен сарбаз ұсталды
Қару ұрланған әскери бөлімде не болып жатыр?
Шығыс Қазақстанда атыс алаңынан қашып кеткен сарбаз ұсталды
Әскери бөлімнен қашып кеткен сарбаз Тараз маңында ұсталды
Ыстық ауа райы

36 градус ыстық және жел: ертең ауа райы қандай болады

1133
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1133
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

128
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

128
Кілт сөздер:
Шымкент, карантин, шектеу
Тақырып:
Төтенше жағдай және карантин