Алматы қаласы, архивтегі фото

Алматы полициясы мылжа-мылжасы шыққан ондаған мәйіт туралы видеоға түсініктеме берді

4192
(Жаңартылды 14:28 04.05.2021)
Ондаған адамның өмірін қиған ірі жол апаты жайлы жантүршігерлік видео Қазақстанда түсірілмеген болып шықты

АЛМАТЫ, 4 мамыр – Sputnik. Алматы полициясы жол апатынан қаза тапқан адамдардың мылжаланып кеткен мәйіттеріне қатысты түсініктеме берді. Мессенджерлерде жылдам таралып жатқан видеода ірі жол апаты Алматыда болды деп айтылған, алайда тәртіп сақшылары бұл ақпаратты жоққа шығарды.

Алматы полиция департаменті бейнежазбамен танысып шықты.  

"Алматы қаласында болды делінген жол апатының видеосы анықталды. Шын мәнінде апат Бразилияда болған және таратылған фактінің Алматыға еш қатысы жоқ. Полиция департаменті азаматтарды жалған ақпарат таратпауға және қоғамды адастырмауға шақырады", - деп хабарлады Алматы қаласы полиция департаментінің ресми өкілі Салтанат Әзірбек Sputnik Қазақстан тілшісіне.

Оның айтуынша, бұл ролик әлеуметтік желілер және мессенджерлерде алғаш рет таратылып отырған жоқ. Бұған дейін ол 2019 және 2020 жылдары жарияланған. Видео халық арасында қандай мақсатпен таратылып жатқанына полиция жауап бере алмады, дегенмен қала тұрғындарын мұндай хабарламаларға сенбеуге және тек ресми ақпаратқа сүйенуге үндеді.  

4192
Тақырып бойынша
Желіде тараған ақпарат қазақстандықтарды алаңдатып қойды
Желіде Атырау облысындағы "қақтығыстың" видеосы тарады – ҰҚК түсініктеме берді
Алматыда белгісіз біреу "миналаған" мектеп саны 34-ке жетті
Қазақстандықтар WhatsApp-та тегін бензин туралы хабарлама таратып жатыр
500 мың теңгеден таратылып жатыр деп ойлаған қызылордалықтар ұятқа қалды – видео
ер адам

Опық жеп қалды: досының кеңесіне құлақ асқан ШҚО тұрғыны сотталып кетті

0
Аңғалдық танытқан ер адам досының оны жаңылдырғанын түсініп, сот отырысында өз кінәсін мойындады

НҰР-СҰЛТАН, 10 мамыр - Sputnik. Шығыс Қазақстан облысында үш жылға бас бостандығы шектелген ер адамның жазасы үш жылға бас бостандығынан айыруға ауыстырылды, деп хабарлайды ШҚО бойынша қылмыстық-атқару жүйесі департаментінің баспасөз қызметі.

Ер адамға түрмеден босап шыққан досы есепке тұрмауға және пробация қызметіне тіркеуге бармауға кеңес берген. Оның бұл сөзіне құлақ асқан тұрғын басқа ауылға кетіп, 7 ай бойы пробация бақылауынан жасырынып жүрген.

"2020 жылы азық-түлік ұрлағаны үшін оның 3 жылға бас бостандығы шектелді. Сот оны 10 күн ішінде пробация қызметіне есепке тұруға міндеттеді. Алайда досының "жақсы" кеңесі бойынша сотталған адам бақылаудан жалтаруға шешім қабылдаған. Ол тіпті досының жақында түрмеден шыққанын білмеген ", - деді пробация қызметінің бастығы әділет майоры Қазкен Бодаев.

Кеңес берген ер адамның өзі пробация қызметінің бақылауынан жалтарғаны үшін сотталып кеткен.

"Ол есепке тұру үшін пробация қызметіне келген жоқ. Біз іздестіру іс-шараларын бастадық, сот қаулысы бойынша жазадан жалтарған сотталғанды "қамауға алу" түріндегі бұлтартпау шарасы белгіленді", - деп толықтырды Бодаев.

Аңғалдық танытқан ер адам досының осындай кеңес беру арқылы оны жаңылдырғанын түсініп, сот отырысында өз кінәсін мойындады. Енді ол түзеу мекемесіне жіберіліп, жазасын темір тордың арғы жағында өтейтін болады.

Оқи отырыңыз: Өскеменде түн ортасында бұрынғы әйелінің үйіне барған ер адамның өмірі өзгеріп кетті

0
Кілт сөздер:
достық, ШҚО
Батут

Орал саябағында тағы төтенше жағдай: батутта ойнап жүрген балалар өлім аузынан қалды

122
Бұл бір аптадағы екінші жағдай. 2 мамыр күні орталық бақта орналасқан аттракционнан ақау шығып, сегіз бала жарақаттанған болатын

НҰР-СҰЛТАН, 10 мамыр - Sputnik. Оралда саябақта балалар ойнап жүрген кезде, кенеттен батуттың желі шыға бастаған. Оқиға болған кезде аттракционда 20-дан астам бала болды, деп хабарлайды "Мой город" порталы.

Оқиға 9 мамыр күні сағат 18.00 шамасында қалалық мәдениет және демалыс саябағында болған. Саябақта орнатылған батут балалар ішінде болған сәтте аяқ астынан желі шыға бастайды. Куәгерлер оқиға орнында түсірілген видеороликпен бөлісті. 

"Батут кішкентай емес, биік және көлемді. Оның ішінде түрлі жастағы 20-ға жуық бала болды. Ата-аналар балаларды құтқару үшін бірден аттракционға жүгірді. Кішкентай балалар қорқып, жылап жатты. Кіре берістегі қыз жай ғана бұл оның батуты екенін айтты, тіпті кешірім де сұрамады. Электр қуатының өшірілгенін жеткізді", - дейді Самал есімді қала тұрғыны.

Оның айтуынша, балалар ауыр жарақат алған жоқ, бірақ қатты қорқып қалған.

"Аттракционның иесі ақшаны қайтарғысы да келмеді, кейіннен қайтарып берді. Әңгіме ақшада емес, оқиғада ғой. Егер балалардың бірі ауыр жарақат алса немесе Құдай сақтасын, қайтыс болып кетсе ше? Сонда нағыз қаза болар еді. Бұл аттракциондар неге тексерілмейді? Қосалқы генераторлар неге жоқ? Саябаққа батут неге қояды? Бұл демалыс орны емес пе, аттракционнан аяқ алып жүре алмайсыз. Балаға қауіпті екенін қалай түсіндіруге болады? Жақында ғана аттракционға байланысты оқиға болған еді", - дейді әйел.

Оқи отырыңыз: Оралда ата-аналар әткеншекке мінген балаларын күтіп тұрғанда күтпеген оқиға болды

Бұл арада қалалық мәдениет және демалыс саябағының директоры Жасұлан Сәкенов болған жайттан хабарсыз екенін, бірақ тексеріс жүргізілетінін айтты.

"Кеше демалыс болды, мен кешке дейін жұмыста болдым, бірақ маған бұл жағдай туралы айтылмады. Электр қуаты кеше шынымен сөніп қалды, соған байланысты орын алған оқиға шығар. Бүгін біз қызметтік тексеріс жүргіземіз", - деп атап өтті Жасұлан Сәкенов.

Денсаулық сақтау басқармасының баспасөз қызметі ешкім медициналық көмекке жүгінбегенін айтты.

Естеріңізге сала кетейік, бұл аптадағы екінші жағдай. 2 мамыр күні қалалық мәдениет және демалыс саябағында төтенше жағдай болды. "Калейдоскоп" каруселі кенеттен тоқтап, креслода отырған балалар бір-біріне соқтығысты. Сегіз бала жарақаттанды.

122
Кілт сөздер:
Орал, саябақ, батут
Тақырып бойынша
Жаңаөзенде балалар ойнайтын батутты жел ұшырып әкетті - видео
Жантүршігерлік видео: Қостанайда батут ұшып кетті
Қарағандыдағы трагедия: батуттың иесі ұсталды
Семейде әткеншек құлап, бес бала зардап шекті