Ер адам сарқырамаға құлап кетті

Зерендіде тағы бір адам сарқырамаға құлап кетті

48
Ер адам ауруханаға жатудан бас тартқан, медициналық мекемеге баруға оны жұбайы көндірді, қазір ол ауыр хәлде жатыр

НҰР-СҰЛТАН, 4 мамыр – Sputnik. Зеренді сарқырамасына демалуға барған ер адам жартастан құлап, жансақтау бөліміне түсті. Бұл соңғы екі апта ішінде болған осымен екінші жағдай, деп хабарлайды Sputnik Қазақстан.

Оқиға дүйсенбі, 3 мамыр күні болды. 45 жастағы ер адам жартастан сарқырамаға құлап кетті. Зеренді ауданы әкімдігінің баспасөз қызметі атап өткендей, ер адам көптеген жарақат алған, бірақ ауруханаға жатудан үзілді-кесілді бас тартты. Облыстық көпбейінді ауруханаға баруға оны әйелі көндірген.

Дәрігерлердің айтуынша, пациент ауыр хәлде жатыр.

"Ол қазір жансақтау бөлімінде. Науқастың жарақаты көп. Қабырғалары, сол иығы сынған. Кеуде қуысы органдары мен өкпесіне зақым келді. Дәрігерлер шокқа қарсы терапия мен барлық қажетті шараларды жүргізіп жатыр", - деп мәлімдеді аурухана директорының хирургиялық қызмет бойынша орынбасары Дмитрий Чайков.

Еске салсақ, 17 сәуірде ғана Үлгілі сарқырамасына әкесі мен қызы құлап кеткен болатын. 2015 жылғы қыз жеңіл-желпі жарақат алды.

Тағы оқыңыз: Ақмола облысында ер адам қызымен бірге сарқырамаға құлап кетті – қорқынышты видео

Осы оқиғадан кейін "Көкшетау" МҰТС жанындағы "Орманды бұлақ" филиалының басшылығы әкімдік және жергілікті полиция қызметімен бірлесіп, ең қауіпті учаскелерді уақытша қоршап қойды. Ал қалғандарына жарық шағылыстыратын лента ілді. Олардың міндеті – демалушыларды сақтандыру.

"Сарқырамада кедергі ленталары, тақтайшалар орнатылды, металл конструкциялардан уақытша қоршау жасалды, енді олардың орнына жаңасын орнату жоспарлануда. Бірақ қабылданған шараларға қарамастан демалушылар қауіпсіздік шараларын тағы да бұзды", - деп атап өтті аудан әкімдігінің баспасөз қызметіндегілер.

Алдағы маусымда Үлгілі сарқырамасының аумағын қалыпқа келтіріп, жақсартып, ақылы ету жоспарланып отыр. Алайда соңғы шешім әзірге қабылданған жоқ.

48
Кілт сөздер:
ер адам, Көкшетау
Ыстық ауа райы

36 градус ыстық және жел: ертең ауа райы қандай болады

1136
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1136
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

130
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

130
Кілт сөздер:
Шымкент, карантин, шектеу
Тақырып:
Төтенше жағдай және карантин