Кейуана, архивтегі сурет

"Дөрекілікті мойындаймын": Даниал Ахметов ардагерді құттықтауға қатысты пікір білдірді

768
Кейуананың немересі әкімнің қашан келетінін нақтылау үшін ардагерлер кеңесіне хабарласқанда, жаға ұстарлық жауап естіген

НҰР-СҰЛТАН, 4 мамыр – Sputnik. Шығыс Қазақстан облысының әкімі Даниал Ахметовтің жүз жастағы тыл ардагерін құттықтауына қатысты дау шықты. Сөйтіп, өңір басшысының өзі бұл мәселеге қатысты пікір білдіруіне тура келді.

Жеңіс күніне орай бір күн бұрын қарияның немересіне адрагерлер кеңесінен хабарласып, әжесі Хауа Бұланбаеваны облыс әкімі Даниал Ахметов арнайы барып құттықтайтынын айтқан. Ол бұл туралы әлеуметтік желіде жазба қалдырған. Алайда артынша бұл жоспар күрт өзгерген. 

Посмотреть эту публикацию в Instagram

Публикация от Усть-Каменогорск 🖤 (@oskemen_press)

Немересі Манаптың айтуынша, әжей Кеңгірбай бидің ұрпағы болғандықтан, түрлі баталарын еске түсіріп, жол қарап шенеуніктерді күткен. Содан кейін олардың нақты қашан келетінін білу үшін ардагерлер кеңесіне хабарласқанда, жаға ұстарлық жауап естіген.

"Мен "ол кісі темекі шегетіндіктен және өте кәрі болғандықтан тізімнен алып тастадық" деген жауапты естіп, есеңгіреп қалдым. Енді шенеуніктердің келмейтінін әжеме қалай айтарымды білмеймін", – деп жазды желіде кейуананың немересі Манап.

Жазба астына пікір қалдырған өңір тұрғындары бұл жағдайға қатысты кейістік танытып, осы мәселеге облыс басшысы араласуы үшін оны жаппай тегтей бастаған. Кейбір желі қолданушылары әкім келмейтін болса, өздері жиналып құттықтауға дайын екенін де жеткізген.

"Үлкен сынақты бастан кешіп, жүз жасқа келген қазыналы қария... Бұл кісіні құттықтап қана қоймай, алдында бас июге тиіспіз. Арамызда ардагерлер сиреп барады... Сөзім жоқ", – деп жазды өңір тұрғынының бірі.

Желідегі жазбаға өңір басшысы назар аударды

Желідегі мұндай жазбаға Шығыс Қазақстан облысының әкімі Даниал Ахметов те назар аударды.

"Өкінішке қарай, облыстағы ардагерлер кеңесінің тарапынан дөрекілік болғанын мойындаймын. 7 мамырда міндетті түрде жерлесіміз, тыл еңбеккері Хауа Бұланбеваны Жеңіс күнімен құттықтауға барамын. Мен қарияның немересі Манаппен сөйлестім. Кездесудің мән-жайын талқыладық", – деді ол.

Айта кетейік, ардагерлерді құттықтау алдында облыс әкімі ПТР-тест тапсыруы керек. Себебі пандемия басталған шақтан бері егде жастағы адамдар вирус жұқтыру қаупі жоғары топқа жатқызылған. Өңір басшысы қариялардың өмірі мен денсаулығына қауіп төндіруге жол берілмейтінін атап өтті.

Сонымен қатар, облыс әкімі соғыс ардагерлері мен тыл еңбеккерлері назардан тыс қалып жатпағанын еске салды.

"Ұлы Отан соғысы ардагерлері мен тыл еңбеккерлерінің жеңіске жетуде қосқан үлесі зор. Жыл сайын 9 мамыр қарсаңында мен облыстағы ардагерлерді ерекше ықыласпен құттықтаймын. Сондай-ақ алдағы уақытта мұндай келеңсіздіктерге жол бермес үшін ардагерлер кеңесінің жұмысына тиісті түзетулер енгізілетін болады", – деді Даниал Ахметов.

Оқи отырыңыз: Даниал Ахметов шкафтың есігін ашып жатқан кезде күтпеген жағдай болды – видео

Жергілікті БАҚ мәліметі бойынша, 100 жастағы Хауа Бұланбаева өмір бойы мектепте еңбек еткен. Ол – білім саласына еңбегі сіңген педагог.

1930 жылдары әкесінен айырылған ол Ұлы Отан соғысы кезінде бірнеше жұмыста тынбай еңбектенген.

768
Кілт сөздер:
ШҚО, ардагерлер
Тақырып бойынша
Даниал Ахметов Семейдің бас полицейіне қатысты жанжал туралы айтты
Ардагер: Бигелдинов пен Қошқарбаев секілді батырларды жастардың білмеуі қынжылтады
"Келін тамақ істемей қойды": қарттар үйіндегі ардагер ананың әңгімесі
Даниал Ахметов Өскемен әкімін қатаң сынға алды  
Тараздық ардагер соғыста өзі құтқарған баланы іздеп жүр
Сумен ойнаған бала

Шығыс Қазақстанда үй маңындағы арықтан үш жастағы екі баланың мәйіті табылды

64
Балалар жоғалған сәтте-ақ ата-анасы мен туыстары шұғыл іздеуге кіріскенімен, олар тым кеш қалған

НҰР-СҰЛТАН, 17 мамыр – Sputnik. Шығыс Қазақстан облысының Елтай ауылында жоғалған үш жастағы екі баланың мәйіті үй маңындағы арықтан табылды, деп хабарлады облыстық полиция департаментінің баспасөз қызметі.

Қайғылы оқиға 17 мамырда түстен кейін болған.

"Шағым түскен сәттен бастап учаскелік полиция қызметкерлері жедел-іздестіру шараларын жүргізді. Оған жергілікті тұрғындар мен құтқарушылар да қатысты. Балалардың денесі үйден 350 метр қашықтағы бақша дақылдарын суаруға арналған арықтан табылды", – деп мәлімдеді полиция өкілдері.

Аталған факт бойынша сотқа дейінгі тергеу басталды. Қазіргі кезде өлімнің себеп-салдарын анықтау үшін сот-медициналық сараптама тағайындалды. Соның нәтижесінде процессуалдық шешім қабылданатын болады.

Оқи отырыңыз: 25 жастағы әйел бірден тоғыз бала дүниеге әкелді

Жергілікті полиция департаментінің мамандары тұрғындарды су айдындарында сақтық шараларын қатаң сақтауға шақырады.

64
Кілт сөздер:
ШҚО, балалар өлімі
Тақырып бойынша
Маңғыстау облысында бір жасар бала даладағы дәретханаға құлап кетті
Ақтөбе маңында екі бала суға батып кетті
Павлодарда бес жасар бала терезеден құлап кетті
Бала тамақтан уланса не істеу керек
Ақтауда кәріз құдығына құлап кеткен бала күйіп қалды
Өрт, архивтегі сурет

Павлодарда ірі өрттен екі үй түгі қалмай жанып кетті  видео

15
(Жаңартылды 18:13 17.05.2021)
Өрттен зардап шеккендер мен қаза болғандар жоқ. Сарапшылар тілсіз жаудың неден шыққанын анықтауға кірісті

НҰР-СҰЛТАН, 17 мамыр – Sputnik. Павлодарда екі үй және үш шаруашылық қора-жай өртеніп кетті. Бұл туралы Павлодар облысы төтенше жағдайлар департаментінің баспасөз қызметі хабарлады.

Дүйсенбі 12.50-де Қостанай 34 көшесінде өрт шыққаны туралы хабар түсті. Жеке тұрғын үй секторында екі жер үй мен үш шаруашылық қора-жайдың шатыры жанған. Жалын 390 шаршы метр аумаққа шарпыды.

ТЖ орнына бірден тоғыз автомашинамен 39 құтқарушы, бір техникамен апаттар медицинасы орталығының үш қызметкері және екі автокөлікпен төрт полицей аттанды.

Бір сағаттан соң, 14.15-те тілсіз жау ауыздықталды. Өрт әлі толығымен сөнген жоқ.

Өрт сөндірушілер сыйымдылығы 27 литр газ баллонын сыртқа шығарды.  

Қаза болғандар мен зардап шеккендер жоқ. Оқиғаның себебі мен шығын анықталып жатыр.

15
Кілт сөздер:
видео, өрт, Павлодар облысы
Тақырып бойынша
Риддердегі өрт: Даниал Ахметов баспана мәселесін күзге дейін шешуге уәде берді
Көкшетаулық полицейлер 17 адамды өрттен құтқарды
Риддердегі өрт толығымен сөндірілді
Өрттен 5 бала қайтыс болғаннан кейін аудан әкімі жұмыстан кетті
Газ терминалы

АҚШ сұйылтылған табиғи газ экспортын арттырды

0
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

0
Кілт сөздер:
мұнай, газ