Қызылорда

Вакцина салдырмағандарға талап өзгерді Қызылордада жаңа қаулы жарияланды

1077
(Жаңартылды 20:41 08.05.2021)
Бас санитар дәрігер Жаңабергенованың айтуынша, өңірде коронавирус инфекциясына қатысты жағдай әлі де тұрақсыз

НҰР-СҰЛТАН, 8 мамыр – Sputnik. Қызылорда облысының бас санитар дәрігері Динара Жаңабергенова карантин режимі туралы қаулыға өзгерістер мен толықтырулар енгізді, деп хабарлайды Sputnik Қазақстан.

Аталған өңір коронавирустың таралу деңгейі бойынша "қызылдан" "сарыға" екі күн бұрын көшкен болатын.

Осыған орай, өңірдегі балалар денсаулығын сауықтыру орталықтарының қызметіне рұқсат етілді.

"Алайда, орын санының толу деңгейі 30%-тен аспауы керек және тәрбиешілер вакцина қабылдаған болуы тиіс", – деді Жаңабергенова.

Сол сияқты тамақ өнімдерін сататын супермаркеттер мен гипермаркеттердің де қалыпты жұмыс істеуіне рұқсат берілді.

"Азық-түлік және оған жатпайтын ашық аспан астындағы базарларға қойылған барлық шектеулер алынып тасталды. Бұл нысандар штаттық режимде жұмыс істей алады", – деді облыстың бас санитар дәрігері.

Сонымен қатар, ол аймақтық мекемелердің жұмысына қатысты кейбір өзгерістерді атап өтті.

"Егер COVID-19-ға қарсы вакцина салдырмаған болса, жұмысты қашықтан атқаруы мүмкін емес қызметкерлерден басқаның бәрі қашықтан жұмыс істеу форматына ауыстырылады", – деді Жаңабергенова.

Айта кетейік, Қызылорда облысының мешіттері мен православ шіркеулерінде және басқа да діни орындарда ашық аспан астында ұжымдық діни іс-шаралар өткізуіне рұқсат.

Оқи отырыңыз: Батыс Қазақстанда Рамазан айында ауызашар өткізуге тыйым салынды

Санитар дәрігердің жаңа қаулысына сәйкес Қызылорда облысындағы барлық тамақтану орындары енді сағат 09.00-ден 20.00-ге дейін, ал шағын асханалар 24.00-ге дейін жұмыс істейтін болады.

Жаңабергенованың айтуынша, өңірде коронавирус инфекциясына қатысты жағдай әлі де тұрақсыз күйде қалып отыр.

1077
Кілт сөздер:
Қызылорда облысы, карантин
Тақырып:
Төтенше жағдай және карантин (838)
Тақырып бойынша
Қазақстанда карантин күшейтілді – бүгіннен бастап жаңа қаулы күшіне енді
Алматы облысының бас санитар дәрігері жаңа қаулы шығарды – не өзгерді  
Қызылорда облысының экс-әкіміне сот үкімі шықты  
Атырау облысының бас санитар дәрігері жаңа қаулы шығарды
Қызылорда базарында инсультпен құлаған әйелді тонап кетті
Оқушылар мектепке оралады: Қазақстанның тағы бір өңірінде жаңа қаулы жарияланды
тұрмыстық зорлық-зомбылық

Павлодарда күдікті өзін полицей зорлағанын мәлімдеді - департамент түсініктеме берді

27
(Жаңартылды 17:14 21.06.2021)
Полиция офицерінің кінәсі дәлелденсе, ұзақ уақытқа бас бостандығынан айырылады

НҰР-СҰЛТАН, 21 маусым – Sputnik. Павлодарда тергеуге алынған қызды зорлау фактісі тексеріліп жатыр. Ол полиция офицерін айыптап отыр. Бұл туралы облыстық полиция департаментінің баспасөз хатшысы Жанна Білялова мәлімдеді, деп хабарлайды Sputnik Қазақстан тілшісі.

"Облыстық полиция департаментінің ішкі қауіпсіздік басқармасы осы факт бойынша тексерісті бастады. Қылмыстық кодекстің 120-бабы "Зорлау" және 362-бабы "Билікті немесе лауазымдық өкілеттіліктерді асыра пайдалану" аясында сотқа дейінгі тергеу шаралары жүргізіліп жатыр. Қажетті сараптамалар белгіленді. Соның нәтижесінде тиісті шешім қабылданады", - делінген департаменттің редакцияның сауалына берген ресми жауабында.

Қылмыстық кодекс бойынша зорлау әрекеті қызметтік міндеттерді орындау кезінде жасалса, кінәлі адам 9-12 жылға бас бостандығынан айырылуы мүмкін. Бұдан бөлек, билікті немесе лауазымдық өкілеттіліктерді асыра пайдаланғаны үшін 3 мың АЕК-ке дейін (8 миллион 751 мың теңге) айыппұл немесе сол мөлшерде түзеу жұмыстары, я болмаса, 800 сағатқа дейінгі мерзімге қоғамдық жұмыстарға тарту немесе үш жылға дейінгі мерзімге бас бостандығын шектеу не сол мерзiмге бас бостандығынан айыру жазасы қарастырылған.

Күдіктіні зорлау оқиғасы

Павлодар қаласының құқық қорғаушысы Елена Семенованың айтуынша, тергеуге алынған қызды түнде жалдамалы пәтерге апарған. Сол жерде төрт полиция қызметкері болған. Біреуі "күдікті қашып кетпесін" деп, жанына жатқан. Сосын қызды зорлап тастайды. Жәбір көрген қыз бәрін жазбаша баяндап берген. Оның сөзіне қарағанда, бұл оқиға 17 ақпан күні болған. Немолчи.kz" қорының жетекшісі Дина Таңсәрі де осы оқиға жайында білетінін мәлімдеді.

"Қыздың анасы 13 мамырда НеМолчи.kz" қорына хабарласты. Нұрлан Мәсімов (Павлодар облыстық полиция департаментінің басшысы - Sputnik) осы істі жеке бақылауына алған. Олар кінәлі адамдарды жазалауға уәде берді", - дейді Таңсәрі.

Бірақ қор жетекшісі жәбір көрген қызды қайтадан тергеу изоляторыны тоғытып тастағанын білмейтін болып шықты. Осыған байланысты полиция басшысына тағы хабарласатынын жеткізді.

27
Кілт сөздер:
зорлау
Абылай Балапанов

Алматыда тоқ соққан әйелді құтқарған жігіт: денесі құрысып қалғанын көрдім

267
Алматыда әйел мен екі қызды субұрқақ ішінде тоқ соққан кезде жүрексінбей құтқаруға ұмтылғандардың бірі – 19 жастағы Абылай Балапанов. Ол сол күні оқиғаның қалай болғанын айтып берді

АЛМАТЫ, 21 маусым – Sputnik. Алматыда 19 маусымда субұрқақтардың бірінде екі қыз бен бір ересек адамды тоқ соқты. Оларды құтқарғандардың бірі – алматылық 19 жастағы Абылай Балапанов. Ол Сәтбаев атындағы қазақ ұлттық техникалық зерттеу университетінің 2-курс студенті. Отбасымен бірге Алматы облысы Іле ауданында тұрады. Абылай Sputnik Қазақстан тілшісіне сол күні не болғанын айтып берді.

"Орындықта кітап оқып отырған едім. Бір кезде "помогите" деген дауыс шықты, көмекке шақырды. Артыма қарасам, сол маңға он шақты адам жиналып қалыпты. "Не болды?" деп жүгіріп бардым. Барсам, субұрқақтың ішінде адам бетімен жатыр. Екі кішкентай қыз бен бір әйел кісі етбетімен суға жабысып қалған екен", - дейді Абылай.

Абылай Балапанов
© Photo : Абылай Балапановтың жеке архивінен
Абылай Балапанов
Айтуынша, ол бірінші қыздың анасын судан шығарған. Өзін тоқ соққанына қарамастан екінші рет жасөспірімді шығаруға ұмтылған.

"Анасын қалай құтқарғаным есімде. Суға түстім, бірден аяқтан жамбасқа дейін тоқ ұрды. Бірақ қатты ұрған жоқ. Содан анасының қолынан ұстап, шығарып алдым. Қызын құтқаруға барған кезде тоқ біріншіге қарағанда қатты ұрды. Тоқ ұрды да, суға құлап түстім. Денемді толық тоқ ұрып жатты. Субұрқақ тоқтаған кезде жиегіне барып отырдым. Сол кезде қасыма 40-50 жастағы үлкен аға келді де, "тоқ ұра ма?" деп сұрады. "Иә" дедім. Сол кісі ақырындап суға түсті де қызды аяғынан тартып шығарып алды", - деді Абылай оқиғаның қалай болғаны жайлы.

Абылай тоқ соққан әйелдің қызын құтқарған ер адам туралы ештеңе білмейтінін айтты.

"Екінші қыз есін біліп, жылап тұрды. Ол қыздың қолын тоқ соққан", - деді Абылай.

Жігіттің сөзінше, оларды құтқаруға барған кезде субұрқақтың ішінде тоқ бар екенін білген.

"Субұрқақ қосылған кезде денесі құрысып қалғанын көрдім. Тоқ соғып жатқанын білдім. Сол жерде көмекке шақырған әйел де "тоқ ұрады, байқа" деп айтты. Қорқыныш болды, бірақ ол сол уақытта жоғалып кетті", - дейді ол.

Алайда Абылай өзін ерлік жасадым деп санамайды. Алматы қаласы төтенше жағдайлар департаментінің өзін марапатқа ұсынғанына қатысты да ештеңе айта алмайтынын жеткізді.

"Ерлік жасадым деп ойламаймын. Менің орнымда басқа біреу болса да, солай істеуші еді. (...) Екі күн өтсе де сол жағдай көз алдыма келеді. Өлім аузынан қалдым ғой деген ой болады", - дейді Абылай Балапанов.

Абылай жағдайының жақсы екенін, сол оқиға болған күні де медицина қызметкерлерінің көмегіне жүгінбегенін айтты.

"Жағдайым жаман емес. Кеше полиция қызметкерлері де жедел жәрдем көлігіне отырып, тексеріл деді. Мен оның қажеті жоқ екенін айтып, бармадым. Өйткені жағдайым жақсы", - дейді ол.

Субұрқақтағы келеңсіз жағдай

Алматыда сенбіде әйел мен екі қызды субұрқақ ішінде тоқ соқты. Субұрқақ жанында балаларымен бірге отырған Үкілай Бестай есімді алматылық оқиға орнынан кадрларды жариялады. Оның айтуынша, екі қызды электр тогы ұрған. Оларды шығарамын деп барған қыздардың біреуінің анасы да темірге жабысып қалған.

"Мен сияқты суға түсуге көп адамның жүрегі дауаламады. Сол кезде осы Абылай деген жігіт өзін тоқ соғып жатса да, кезек-кезек оларды судан шығарды", - дейді видео авторы.

Оның сөзінше, аман қалған қыздардың бірі Талдықорғаннан келген, анасының құрбысы лагерьден алып 4 баланы қыдыртып жүрген екен.

Кейіннен Алматы қалалық денсаулық сақтау басқармасы қыздардың жағдайы жақсы екенін, ал әйелдің жансақтау бөлімінде жатқанын, жағдайының ауыр екенін мәлімдеді.

267
халыққа қызмет көрсету орталығы

eGov.kz порталында цифрлық құжаттар пайда болды

0
Жеке куәлік, жүргізуші куәлігі, туу туралы куәлік, COVID-19 бойынша ПТР-тест нәтижесі - енді бұл құжаттардың цифрлық нұсқасы eGov.kz порталында қолжетімді

НҰР-СҰЛТАН, 21 маусым – Sputnik. Электронды үкімет порталында цифрлық құжаттарды алуға мүмкіндік бар. Бұл туралы eGov.kz порталының операторы - "Ұлттық ақпараттық технологиялар" АҚ-сы мәлімдеді, деп хабарлайды Sputnik Қазақстан тілшісі.

"Азаматтардың көптеген сұранысы бойынша біз цифрлық құжаттарды eGov.kz порталына шығардық", - делінген ресми хабарламада.

Цифрлық құжаттарды көру үшін алдымен порталда авторизациядан өту керек. Одан кейін "Жеке кабинетке" кіріп, жоғарғы жақта тұрған "Цифрлық құжаттар" бөлімін басу қажет. Сол кезде құжаттардың тізімі шығады. Олар:

  • Жеке куәлік;
  • Жүргізуші куәлігі;
  • Туу туралы куәлік;
  • Неке туралы куәлік;
  • Аты-жөні мен текті ауыстыру туралы куәлік;
  • Некені бұзу туралы куәлік;
  • Техникалық төлқұжат;
  • COVID-19 бойынша ПТР-тесттің нәтижесі;
  • Студенттік билет;
  • Диплом;
  • Зейнеткердің куәлігі;
  • Қандастың куәлігі;
  • Көлік құралын тіркеу туралы куәлік;
  • Әлеуметтік ID;
  • Вакцинация төлқұжаты.
0