АЛМАТЫ, 26 мамыр – Sputnik. Алматыда жартылай жалаңаш ер адам жанармай бекетінің үстіне шығып, маңдайшаны жұлып, қоқысты жаяу жүргіншілер мен көліктерге лақтырған. Оқиғаның видеосы әлеуметтік желіде тарады.
Посмотреть эту публикацию в Instagram
Алматы қаласының полициясы осы оқиғаға байланысты түсініктеме берді, деп хабарлайды Sputnik Қазақстан.
"Аталған факті Қылмыстық кодекстің 293-бабы 3-бөлігі (Бұзақылық) бойынша сотқа дейінгі тергеп-тексерудің бірыңғай тізіліміне тіркелді. Қылмыстық іспен Әуезов ауданының полиция бөлімі айналысады. Күдікті ұсталды", - деп хабарлайды Алматы ПД баспасөз қызметі.
Полицияның ақпаратына сәйкес, бұзақылық жасаған ер адам мас болған. Мұны медициналық тексеру қорытындысы көрсетті.
Ер адамның мұндай әрекетке не себепті барғаны тергеу барысында белгілі болады.
