Терезе алдындағы бала, архивтегі фото

Байқоңырда төртінші қабаттан құлап кеткен бір жасар бала аман қалды

105
Бала шыбын-шіркей мен масадан қорғайтын торға сүйеніп, терезеден құлап кеткен. Прокурорлар тексеру жүргізіп жатыр

НҰР-СҰЛТАН, 3 маусым - Sputnik. Байқоңырда бір жасар бала төртінші қабаттың терезесінен құлап кетті. Бұған шыбын-шіркей мен масадан қорғайтын тор себеп болды, деп хабарлады жергілікті прокуратура.

"Бір жасар бала масадан қорғайтын торға сүйеніп тұрып көп қабатты үйдің төртінші қабатының терезесінен құлап кетті", - деді қадағалау органдағылар.

Қазіргі уақытта баланың жағдайы өте ауыр. Медицина қызметкерлері оның өмірін сақтап қалу үшін барлық шараларды қабылауда.

Прокурорлар оқиға болған уақытта ұлдың ата-анасы қайда болғанын және оның терезеге қалай көтерілгенін анықтап жатыр.

"Аталған факт бойынша кешен прокуроры Александр Трифонов тексеріс жүргізуге бастама болды. Тексеру барысында зардап шеккен баланың құлап кетуіне жол берген ата-анасының әрекет етіп-етпегені бағаланады", - деп хабарлады ведомстводағылар.

Оқи отырыңыз: Қостанай облысында бір жарым жасар сәби ауладағы құдыққа түсіп кетті

Естеріңізге сала кетейік, небәрі екі күн бұрын, 1 маусым күні Оралда екі жасар бала бесінші қабаттан құлап мерт болды.

105
Кілт сөздер:
бала, Байқоңыр
Тақырып бойынша
Інісінің артынан секірген: Түркістанда екі бала дәретханаға құлап кетті
Алматы облысында үш жасар қыз жүріп бара жатқан көліктен құлап түсті – видео
Нұр-Сұлтанда төртінші қабаттан құлаған бала аман қалды
Қарағанды ​​облысында кішкентай қыз темір қоршауға басымен қысылып қалды – видео
Түркістандағы мешіт

Өзбекстан президенті Түркістанда зәулім мешіт салып жатыр фото

144
(Жаңартылды 17:14 03.08.2021)
Көрші мемлекеттің Түркістанға тартуы ретінде салынып жатқан мешіттің құрылысын келер жылы аяқтау жоспарланған

НҰР-СҰЛТАН, 3 тамыз – Sputnik. Түркістан қаласына кіреберісте әлемдегі озық тәжірибелерді ұштастырған еңселі мешіт бой көтерді.

Жобаға Өзбекстан президенті Шавкат Мирзиёев қолдау көрсетіп отыр. Көрші мемлекеттің Түркістанға тартуы ретінде салынып жатқан мешіттің құрылысын келер жылы аяқтау жоспарланған, деп хабарлады Түркістан облысы әкімінің баспасөз қызметі.

Мечеть, которую строит Узбекистан в Туркестане
© Photo : пресс-служба акима Туркестанской области
Түркістан қаласында Өзбекстан салып жатқан мешіт

Сәулеті ерекше Ислам орталығының ішкі және сыртқы безендірілуі шығыстық нақышта жүргізіліп жатыр. Жаңа жоба жан-жақты зерделенген. Әлем елдеріндегі озық тәжірибелер ескерілген. Мешіт іргесінің берік болуы үшін өзіндік технология әзірленген.

Облыс әкімі Өмірзақ Шөкеев Түркістан қаласындағы құрылыс алаңдарында болды. Жауапты басшылармен кездесіп, тапсырмалар жүктеді.

Түркі әлемінің рухани темірқазығы, қасиетті Түркістан қаласында салынатын жаңа мешітте 5 мың жамағат бір мезгілде сәждеге бас тигізіп, құлшылық ете алады. Мешіт құрылысы заман талабына сай озық үлгіде салынып жатыр. Ислам орталығының жалпы көлемі – 20 000 шаршы метр.

144
Телефон, әлеуметтік желі

Телефон қоңырауына жауап берген Сарыағаш тұрғыны 500 мың теңгеден айырылды

165
Оқиғаның мән-жайы тексеріліп жатыр. Ұсталған әйелдің осыған ұқсас басқа да қылмыстарға қатысы бар-жоғы анықталады

НҰР-СҰЛТАН, 3 тамыз – Sputnik. Сарыағаштық әйел танымайтын адамның есепшотына жарты миллион теңге аудара салған, деп хабарлайды Polisia.kz.

Аудандық полиция бөліміне хабарласқан әйел алаяққа қалай алданғанын айтып берді. Оның айтуынша, белгісіз біреу қоңырау шалып, "Сіз пәтер ұтып алдыңыз, соны алу үшін 500 000 теңге аудару керексіз" деп айтқан. Содан ол танымайтын адамның есепшотына 500 000 теңге аударды. Осыдан кейін алаяқ әйел телефон көтермей қойды. Сол кезде Сарыағаш тұрғыны алданып қалғанын түсінген.

Қазіргі кезде Қылмыстық Кодекстің 190-бабы ("Алаяқтық") бойынша сотқа дейінгі тергеу басталды. Ал жедел-іздестіру шаралары кезінде күдікті ұсталды. Ол Қарағанды қаласының тұрғыны болып шықты. Сол жақтан хабарласып, алдап кеткен. Ақшасын да жұмсап үлгерді.

Тәртіп сақшылары оны Түркістан облысына жеткізді. Оқиғаның мән-жайы тексеріліп жатыр. Ұсталған әйелдің осыған ұқсас басқа да қылмыстарға қатысы бар-жоғы анықталады.

Оқи отырыңыз: Жетпіс адамды алдаған оралдық әйел ұсталды

165
Кілт сөздер:
алаяқтық, Сарыағаш, пәтер
Тақырып бойынша
Ұрлық жасаған: "Nur Otan" партиясының атынан сайланған депутат ұсталды
Пәтер ұтысына тегін қатысу үшін не істеу керек – жеңімпазды анықтау ережесі
Талдықорған әкімдігінің лауазымды тұлғалары пандемия кезінде қылмыс жасаған
Сарыағашта электр бағанасына өрмелеп шыққан маймыл жұртты әбігерге салды – видео
Қазақстанның алты қаласында "театр" алаяқтық жасады
Автомат в руках афганского ополченца в Мазари-Шарифе

ҰҚШҰ тәлібтердің шабуылына төтеп беруге дайындалып жатыр

0
Орталық Азия елдері мен Ресей Ауғанстанмен тату көршілік қарым-қатынасты нығайтуды көздегенімен ауған жеріндегі ондаған террористік топ бар екенін ұмытып отырған жоқ

Ресей мен Өзбекстан әскерінің бірлескен оқу-жаттығулары 2 тамызда өзбектердің Ауғанстанмен шекаралас Термез тау полигонында басталды. Әскери топтар Өзбекстанның аймақтық бүтіндігін қамтамасыз ету және қорғау бойынша әрекеттерді пысықтап жатыр. Оқу-жаттығу барысында құрлықтағы күш, соққы жасау авиациясы, заманауи барлау және нысанды анықтау жүйелері қолданылды.

Маневрлерге 1500 сарбаз бен офицер, 200 әскери техника, ресейлік Кант авиабазасындағы Су-25СМ шабуылдаушылар тобы тартылды. Ұшқыштар әуеден жасалған соққы арқылы бірлескен әскердің әрекеттеріне қолдау көрсетеді.

ҰҚШҰ күштері де тыс қалған жоқ. Ресейдің Кант біріккен әскери авиабазасы – жедел әрекет ету бойынша ұжымдық күштердің авиациялық компоненті. Кант авиабазасы ҰҚШҰ-ға мүше мемлекеттердің территориясы мен әуе кеңістігінің қауіпсіздігін қамтамасыз етеді.

1 тамызда 200-ге жуық өзбек әскери қызметкері Ауғанстанмен шекаралас Харб-Майдон тәжік полигонына келді. Мұнда 5-10 тамыз аралығында Ресей, Өзбекстан мен Тәжікстан әскерінің бірлескен оқу-жаттығуы өтеді. Ол әрекеттер осы үш мемлекеттің бірлескен әскери топтарының соғыс кезіндегі үйлесімділігінен басталады. Жалпы Термез бен Харб*-Майдон полигондарындағы шекаралық оқу-жаттығулар Ресей, Өзбекстан мен Тәжікстанның бірлескен операциясына айналғаны байқалады. Бір ескеретін жайт, Өзбекстан ҰҚШҰ құрамына кірмейді. Алайда ол өңірлік қауіпсіздікті қамтамасыз етуде бірлесіп әрекет ету қажеттілігін түсініп отыр.

Азаматтық соғыспен әуре болып жатқан тәлібтер Орталық Азия елдеріне басып кіруді жоспарлап отырған жоқ. Әйтсе де ҰҚШҰ шекарасындағы жағдай алаңдауға тұрарлықтай. Шілденің басында "Талибан"* Ауғанстанның бес ел – Иран, Түрікменстарн, Тәжікстан, Қытай және Пәкістанмен және Кашмир аумағымен шекарасын бақылауға алды. Мәскеу Ауғанстандағы биліктің тәлібтердің қолына өтуіне және түрлі сценарийге дайын. Бұл туралы күні кеше президенттің Ауғанстан бойынша арнайы өкілі, Азия СІМ екінші департамент директоры Замир Кабулов мәлімдеді.

Ауғанстанмен 1344 километрге созылып жатқан ортақ шекарасы бар Тәжікстанның жайы қатты алаңдатып отыр. Ресей "Талибан"* мен басқа да террористік ұйымдарға өз одақтастарын қорғауға дайын екені туралы ескертті. Қажет болған жағдайда ресейлік 201-ші әскери база Тәжікстанға жедел көмек көрсетеді. Осы тұста Орталық әскери округтің жауынгерлік әлеуетінің нығаю мүмкіндіктерін де ескерген жөн. Ауғанстандағы жағдай шиеленіскен соң 201-ші база айтарлықтай нығайтылып, бирагадалықтан дивизиялық штатқа ауыстырылды және жаңа соғыс техникасымен қамтамасыз етілді.

Ресей шекарашылары тәжік-ауған шекарасын күзетуге қатыспайды. Бірақ Тәжікстанға Ресей федералды қауіпсіздік қызметіне қарасты шекара кеңесшілер тобы көмектеседі. Мемлекеттік шекараның беріктігінде соғыс авиациясының рөлі маңызды. Сондықтан Пянж өзеніне жақын жерде, Гиссар аэродромына ресейлік Су-25 шабуылдаушы ұшақтары орналастырылды.

Ауғанстанның түрлі провинциясында қақтығыстар жалғасып жатыр. Нангархар, Пактия, Пактика, Логар, Кандагар, Герат, Фарьяб, Джаузджан, Балх, Саманган, Гильменд, Тахар, Кундуз, Баглан және Каписа провинцияларында соғыс белең алды.

1 тамызға қараған түні тәлібтер Кандагар әуежайына зымыранмен шабуыл жасап, осыдан кейін барлық рейс тоқтатылды. Гератта содырлар БҰҰ кеңсесіне шабуыл жасады. Яғни кешенге кіреберіске гранатомет пен пулеметтен оқ атылып, адамдар мерт болды.

Ауғанстан президенті Ашраф Гани бүгін парламенттің төтенше отырысын жариялап, үкімет ұлттық қауіпсіздікті нығайтудың алты айлық жоспарын іске асыруға кіріскенін мәлімдеді.

Біраз бұрын "Талибанның"* баспасөз хатшысы Twitter-аккаунтында әскери-діни қозғалыс содырларының суреттерін жариялады. Олар америкалық арнайы жасақтан еш кем түспейтіндей деңгейде жабдықталған.

АҚШ елден кеткеннен кейін ауған қарулы күштерінің болашағы күдікке толды. Бұл ең алдымен жанармай жеткізетін сенімді көздің болмауына қатысты. Ауғанстанды қалыпқа келтіру бойынша арнайы бас инспектордың жаңа есебіне сәйкес, Пентагон соңғы 10 жылда ауған қауіпсіздік күштеріне жанармай жеткізу үшін 3,74 миллиард доллар жұмсады және 2025 жылға қарай тағы 1,45 миллиард доллар жұмсауы қажет.

Мұнда басты проблема логистика болып отыр. Ауғанстан мен Түркия әскери ведомстволарының басшылары Бисмилла Хан Мохаммади мен Хулуси Акар 31 шілдеде телефон арқылы Кабул әуежайының қауіпсіздігін талқылады. Соған қарағанда бензин мен дизель отынын авиатанкерлер арқылы жеткізудің жолы қарастырылмақ.

НАТО-ның әскери нұсқаушылары Түркияда ауған арнайы жасағын даярлауды бастады. Сонымен қатар 200 ауған аудармашысынан тұратын бірінші топ АҚШ-қа, Вирджиниядағы Форт Ли базасына қоныс аударды.

* – Қазақстан Республикасында тыйым салынған террористік ұйым

0