НҰР-СҰЛТАН, 10 маусым – Sputnik. Әлеуметтік желіде жартас түбінде өліп жатқан барыс түсірілген видео тарап жатыр. Оны эко-белсенді Сәкен Ділдахмет жариялады.
Посмотреть эту публикацию в Instagram
Қоғам белсендісінің айтуынша, Маңғыстау облысында өлі барыс табылғаны туралы ақпарат 9 маусымда әлеуметтік желілерде пайда болды.
Бұл осы аймақтағы екінші жағдай. Жаңаөзенде 2015 жылы жергілікті тұрғындар бір барысты өлтірген.
"Солай десек те, 2018 жылы Үстірт қорығының аумағында тағы бір барыс байқалған еді", – деп жазды Ділдахмет.
Кейінірек экология, геология және табиғи ресурстар министрлігінің қоғаммен байланыс департаментінің директоры Самал Ибраева Бұл мәселеге қатысты өз пікірін білдірді.
"Қызылсай" мекемесінің инспекторлық тобы мен Маңғыстау мен Бейнеу аудандық полция бөлімінің қызметкерлері және ветеринарлар барыс өлген жерге барды. Бұл аймақ Ақтаудан шамамен 300-350 шақырым жерде орналасқан. Қосымша ақпарат мән-жай анықталған соң жарияланатын болады", – деп жазды Ибраева өзінің Facebook-тегі парақшасында.
Оқи отырыңыз: Салмағы қалпына келді: Симба Алматыда қысты қалай өткізуде – видео
Айта кетейік, осы жылдың сәуір айында Орталық Азия барысы Қазақстанның Қызыл кітабына енгізілген болатын.
