Архивтегі фото

Оқушыларға жазда 42 500 теңге төленеді ол үшін не істеу керек

28739
(Жаңартылды 19:11 17.06.2021)
Балалар мектеп аумағын жинауға, іс қағаздарын реттеуге көмектеседі, кітапханада жұмыс істейді

НҰР-СҰЛТАН, 17 маусым – Sputnik. Орал қаласында жоғары сыныптардың  700 оқушысы жұмыспен қамтылды. Оларға айына 42 500 теңге төленеді, деп хабарлайды "Мой город" порталы.  

Қалалық білім бөлімі тәрбие жұмысы және қосымша білім беру секторының меңгерушісі Жазира Рысқазиева заңға сәйкес жалпы білім беретін мектептердің жоғары сынып оқушылары жазғы демалыста қоғамдық жұмыстарға қатыса алатынын атап өтті.

"Осылайша 10 мен 11 сыныптарға көшкен балалар жаз айларында мектепте жұмыс істеп, ақша таба алады. Бүгінгі таңда тізімдер жасалды, 700 оқушы еніп отыр. Оқушылар мектеп аумағын жинауға, іс қағаздарына көмектеседі, кітапханада жұмыс істейді. Яғни олар ауыр жұмысқа жегілмеуі керек",- деді  Рысқазиева.

Айтуынша, 14 пен 16 жасқа дейінгі балалардың жұмысы аптасына 24 сағаттан, ал 16 мен 18 жасқа дейінгі оқушыларда 36 сағаттан аспауы керек.

Тағы оқыңыз: Қазақстандық оқушылардың күзгі және көктемгі демалысы қысқарады

"Оқушыларға айына 42 500 теңге жалақы төленеді. Мектеп оқушысы білім беру ұйымына тек "Жұмыспен қамту орталығы" арқылы келісімшарт бойынша жұмысқа тұрады. Жұмыс уақыты кезінде балаға мектеп жауапты болады", - деді ол.

Басылымның ақпаратынша, Орал қаласында 51 мектеп бар, онда 52 мыңнан аса бала білім алады.

28739
Кілт сөздер:
Орал, жалақы, оқушылар
Тақырып бойынша
Қыркүйекте оқушылар мектепке бара ма – Аймағамбетов жауап берді
Батыс Қазақстанда оқушыларға жазғы демалыста 42 500 теңге төленеді
Талдықорғанда оқушылар мінген мектеп автобусы екі жеңіл көлікпен соқтығысты
Нұр-Сұлтанда оқушылар емтиханнан кейін ауруханаға түсті
Архивтегі фото

Шымкентте ене мен келін ковидтен бір күнде қайтыс болды құрсақтағы бала аман қалды

697
Егде жастағы әжей той-томалаққа барып індет жұқтырған. Кейін үйіндегі аяғы ауыр келінінен де қауіпті індет анықталған

НҰР -СҰЛТАН, 31 шілде – Sputnik. Шымкентте бір үйде тұратын екі әйел коронавирустан көз жұмды, деп хабарлады Otyrar.kz.

Қалалық денсаулық сақтау басқармасының басшысы Бақытжан Пазыловтың сөзінше, егде жастағы әжей той-томалаққа барып індет жұқтырған.

Кейін үйіндегі аяғы ауыр келінінен де қауіпті індет анықталыпты. Емханаға екеуі де қиын жағдайда түскен, дейді қаланың бас дәрігері. Ақ халаттылар келіншектің баласын аман алып қалды.

"Енесі тойда коронавирус жұқтырып, ауруханаға түскен. Артынша аяғы ауыр келіні ауруханаға жатқызылды. Екеуі де вакцина салдырмаған. 1 күнде қайтыс болады. Баласын аман алып қалдық", - дейді Бақытжан Пазылов.

Айта кетейік, өткен тәулікте Шымкентте 18 адам коронавирустан көз жұмды. Мамандар індеттен қайтыс болғандардың вирусты той-томалақтан жұқтырғанын айтады.

697
Тақырып:
Коронавирус эпидемиясы
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

3240
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

3240
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0