Полицей автокөлігі

Сағынтаев інісін босатуды талап еткен белсендінің не үшін қамалғанын түсіндірді

707
8 наурыздан бері шеруге шығып жатқандар Қытай консулдығы алдына жиналып, көше бойында топтасып, азаматтық құқық бұзушылықтарға жол беріп жатыр, деді әкім

АЛМАТЫ, 25 маусым – Sputnik. Алматы қаласының әкімі Бақытжан Сағынтаев Қытай консулдығы алдында бейбіт шеру өткізуге неліктен рұқсат берілмей отырғанына қатысты сауалға жауап берді.

Орталық коммуникациялар қызметінде өткен баспасөз конференциясында журналист қала әкімінен "Алматы қаласында 140 күннен бері Қазақстан азаматтары Қытайдағы қандас-туыстарын іздеп бейбіт митинг өткізіп жүр. Неге екені белгісіз, бірер ай өткен соң әкімдік тарапынан өте қатаң ескерту, құзырлы органдардан ұстау шаралары қолданылды. Белсенді Күнболат Байболаттың құзырлы орган мекемесінде соққыға жығылғаны туралы ақпарат шығып, кеше жергілікті халық құқық қорғау органы алдына митинг өткізді. Неге ол кісілерге бейбіт наразылық өткізуге рұқсат бермей отырсыздар және олар нақты қандай заңдарды бұзып тұр?" деген сауал қойды.

"Митинг, басқа шеру болсын, былтыр мемлекет басшысының тапсырмасы бойынша заң қабылданды. Соған сәйкес қалада бейбіт шеру өткізетін үш орын белгіленді. Оның бәрі орталық ауданда орналасқан. Мысалы, Ғылым академиясының алдында ай сайын митинг өтіп жатыр. Заң қабылданғалы 500-дей митинг, пикет өтті. Заңға сәйкес өтініш келіп түссе, әкімдік оған қарсы болып отырған жоқ", - деді Сағынтаев.

Ал қандастарымызға келер болсақ, олар митинг жасаймыз деп ақпанда жазған. Ол заңға сәйкес болмағандықтан ұсынысын қайтардық. Одан кейін басқармаға ондай ұсыныс түскен жоқ, деді қала әкімі.

Әкімнің сөзінше, 8 наурыздан бері шеруге шығып жатқандар Қытай консулдығы алдына жиналып, көше бойында топтасып, азаматтық құқық бұзушылықтарға жол беріп жатыр. Оған қатысты аудандық прокуратура, әкімшілік тарапынан ескертулер айтылған.

Оқи отырыңыз: Митинг өткізгісі келетіндер жаңа заңға бағынуға міндетті – Тоқаев 

"Ескертулер қорытындысы шеңберінде айыппұл салу, Күнболат Байболатты құқық бұзушылық жасағаны үшін 15 күнге қамауға алу туралы шешім қабылданды. Маған оны ұрып-соғып, қорқытып жатқаны туралы ақпарат түспеді. Баспасөз конференциясынан кейін полиция департаментіне ашық ақпарат ұсыну керек екенін хабарлаймын", - деді Сағынтаев.

Күнболат Байболат – Шыңжаңда ұзақ жылға түрмеге қамалған інісінің бостандығын бірнеше жылдан бері сұрап жүрген алматылық белсенді. 22 маусымда Алматы соты оны Қытай консулдығы алдында пикет ұйымдастырғаны үшін 15 тәулікке қамаған.

24 маусымда Медеу ауданы полиция басқармасының алдына бір топ адам жиналды. Олар белсенді Күнболат Байболатты босатуды талап етті.

707
Тақырып бойынша
Министр Қазақстандағы митингтер жайлы: қинау-азаптау болған жоқ
Алматылықтар санкцияланбаған митингке шықты – фото, видео
Министр көпбалалы аналар митингісіне неге шықпайтынын айтты
Митинг өткізгісі келетіндер жаңа заңға бағынуға міндетті – Тоқаев
Гүл, архивтегі сурет

Жамбыл облысы әкімінің орынбасары қайтыс болды

38
(Жаңартылды 10:13 04.08.2021)
58 жастағы Ұлан Жазылбек Жамбыл облысы әкімдігінде өнеркәсіп пен кәсіпкерлік бағытына жетекшілік етті. Бұл қызметке былтыр мамыр айында кіріскен болатын

АЛМАТЫ, 4 тамыз – Sputnik. Жамбыл облысы әкімінің орынбасары Ұлан Жазылбек қайтыс болды. Ақпаратты Sputnik Қазақстан тілшісіне облыс әкімдігінің баспасөз қызметі растады.

58 жастағы Ұлан Жазылбек Жамбыл облысы әкімдігінде өнеркәсіп пен кәсіпкерлік бағытына жетекшілік етті.

Ұлан Жазылбек былтыр мамырдан бастап Жамбыл облысы әкімінің орынбасары қызметін атқарды. Оның алдында 2017 жылдың қарашасынан бастап Павлодар облысы әкімінің бірінші орынбасары болды. 

Оған дейін Ұлан Жазылбек ұлттық экономика, өңірлік даму министрліктерінің құрылымында жұмыс істеген. 

2009-2011 жылдары "Қорғас шекара маңы ынтымақтастығы халықаралық орталығы" АҚ департаментінің директоры, "Қорғас-сервис" ЖШС құрылыс бөлімінің бастығы болды.

БАҚ-тың хабарлауынша, Ұлан Жазылбектің өліміне коронавирус себеп болған.

38
Кілт сөздер:
Жамбыл облысы
Тақырып бойынша
Қазақстанның еңбек сіңірген әртісі дүниеден өтті
Қазақстанның бұрынғы бас мүфтиі өмірден озды
Белгілі дәрігер Қуаныш Маскеев өмірден озды
Төрт бала жетім қалды: ерлі-зайыпты ковидтік пневмониядан қайтыс болды
Ұлын 10 жылдан кейін көрген әйел төрт күннен соң қайтыс болды
Түркістан қаласы

Түркістан облысы COVID-19 таралуы бойынша "жасыл" аймаққа енді

43
Қалған өңірлер мен Нұр-Сұлтан, Алматы мен Шымкент қалалары әлі де "қызыл" аймақта. Өткен тәулікте елде тағы 7 519 адам коронавирус жұқтырды

НҰР-СҰЛТАН, 4 тамыз — Sputnik. Тұрғындар ең тығыз шоғырланған Түркістан облысы коронавирус таралуы бойынша "жасыл" аймаққа енді, деп хабарлады ведомствоаралық комиссия.

Бұл қазіргі таңда "жасыл" аймақта тұрған жалғыз өңір. 

"Сары" аймақта бірде-бір өңір қалмады.

Қалған өңірлер мен Нұр-Сұлтан, Алматы мен Шымкент қалалары әлі де "қызыл" аймақта.

Өткен тәулікте елде тағы 7 519 адам коронавирус жұқтырды, Түркістан облысында - 110 адам.

Жалпы пандемия басталғалы Қазақстанда індетке шалдыққандар саны 600 мыңнан асты.

43
Кілт сөздер:
Түркістан облысы
Тақырып бойынша
"Керуен сарай" маңындағы жағдай тұрғындардың ашуын тудырды – видео
"Жағдай нашарлады": Мамин министрлер мен әкімдерге тапсырма берді
Цой тамыз-қыркүйектегі эпидемиологиялық ахуалға болжам жасады
Цой: коронавируспен ауырғандардың 99,9%-і – вакцина салдырмағандар
Қазақстанда коронавирус жұқтырғандар саны 600 мыңнан асты
мектеп формасы

Кәсіпкерлер министр Аймағамбетовтің шешіміне наразылық білдірді

0
(Жаңартылды 10:55 04.08.2021)
Елдегі эпидемиологиялық жағдайға байланысты білім министрлігі жаңа оқу жылында балаларға классикалық стильдегі киім киюге рұқсат бермек

НҰР-СҰЛТАН, 4 тамыз – Sputnik. Жаңа оқу жылында мектеп формасына талап қойылмайды. Оқушылар классикалық үлгідегі киіммен мектепке бара алады. Алайда кәсіпкерлер министрдің осы бір шешіміне үзілді-кесілді қарсы, деп хабарлайды КТК арнасы.

Күні кеше білім және ғылым министрі Асхат Аймағамбетов жаңа оқу жылында балаларға тағы классикалық стильдегі киім киюге рұқсат берілетінін мәлімдеді. Негізгі себеп – елдегі эпидемиологиялық жағдай. Министрдің айтуынша, қазіргі кезде дүкендер белгілі бір уақытта, ал кейбір қалаларда жұмыс күндері ғана істейді. Егер ата-аналар балаларға мектеп формасын сатып алу үшін сауда орталықтары мен дүкендерге жаппай баратын болса, онда ұзын-сонар кезектер болып, Covid-19 жұқтыру қаупі күшейеді. Оған қоса, уақытша экономикалық қиындықтарға байланысты мектеп формасы кейбір отбасылардың қалтасына салмақ салуы мүмкін. Пандемиядан кейін оқушылар қайтадан мектеп формасын киюге міндетті болады.

Алайда мектеп формасын шығаратын кәсіпкерлер министрдің шешімімен келіспей отыр. Себебі олар жарты жыл бұрын дайындық жұмыстарына кіріскен. Ал министр мырза формаға қатысты жаңалықты енді ғана жариялады. Кәсіпкерлер болса, қажетті материалды сатып алып, форма үлгілерін де жасап қойған.

"Былтыр ол жеңіл өнеркәсіптің бір бөлігін жойып жіберді. Биыл қалғанын құртуға шешім қабылдапты. Келесі жылы не болатынын ешкім білмейді. Біз 20-шы жылдан әрең дегенде шықтық. Ал келесі жылы ол формамен не істейміз? Бұның барлығы – миллиондаған шығын. Биыл біз және басқа әріптестеріміз қалдықтарды сатса, келесі жылы жаңа маталарды сатып алу қажет. Бірақ қандай мата аламыз? Кімге? Не үшін? Министр тағы бес минут қалғанда ештеңе керек емес деп айтып жүрмей ме?", - дейді кәсіпкер Сергей Сокирко.

Ал ата-аналар арасында министрліктің шешіміне қатысты екіұдай пікір бар. Біреулер қолдаса, енді біреулер жаңа форманы таңдап жүр.

Оқи отырыңыз: Мектеп формасы міндетті бола ма – Аймағамбетов мәлімдеме жасады

 

0
Кілт сөздер:
Асхат Аймағамбетов, жеке кәсіпкерлер