Жаңбыр, архивтегі сурет

Жаңбыр, бұршақ және қатты жел ертеңге ауа райы болжамы

330
Республиканың бірқатар өңірінде аптап ыстық болады. Кей облыстарда жаңбыр жауып, бұршақ түсуі мүмкін

НҰР-СҰЛТАН, 4 шілде – Sputnik. Қазгидромет синоптиктері бейсенбі, 5 шілдедегі ауа райына болжам жариялады.

Республиканың басым аумағында атмосфералық ағымдардың әсерінен ауа райы құбылмалы болады. Өткінші жаңбыр жауып, найзағай ойнайды, жел күшейіп, бұршақ түсуі мүмкін.

Өңірлердегі ауа райы

Батыс Қазақстан, Қостанай облыстарында кей жерлерде найзағай жарқырайды, бұршақ түседі, күндіз жел 15-23 м/с дейін күшейеді.

Күндіз Солтүстік Қазақстан облысында кей жерлерде – найзағай, бұршақ, дауыл, 15-23 м/с жел.

Алматы облысында, күндіз Қарағанды облысында кей жерлерде найзағай болжанып отыр. Күндіз Жамбыл, Павлодар облыстарында найзағай жарқырайды, желдің жылдамдығы 15-20 м/с дейін барады. Ақмола облысында да найзағай ойнап, бұршақ түсуі мүмкін, жел күшейеді.

Тағы оқыңыз: Дәрігер ыстықтан қалай қорғану керек екенін айтты

Күндіз Алматы, Жамбыл, Қарағанды, Қызылорда, Атырау, Маңғыстау облыстарында ыстық сақталады. Шығыс Қазақстан, Түркістан облыстарында кей жерлерде аптап ыстық болады.

Мегаполистерде ауа райы қандай болады

Нұр-Сұлтанда күн ашық, ыстық болады. Күндіз +33+35, түнде +19+21 градус.

Алматыда күндіз +35+37 градус, түнде +23 градус, жауын-шашынсыз.

Шымкентте күндіз қатты ыстық болады: сынап бағанасы 40-42 градусқа дейін көтеріледі, түнде +23+25 градус.

330
Кілт сөздер:
Қазгидромет, ауа райы болжамы
Архивтегі фото

Алматының бас дәрігері қалаға SinoVac вакцинасы қашан жеткізілетінін айтты

14
Табынбаев вакциналау қарқынының төмендеуіне вакцинаға уақытылы келмеу, Qazvac, Hayat Vax, Sinovac вакциналарын күтіп қалу секілді факторлар әсер етіп отырғанын атап өтті  

АЛМАТЫ, 28 шілде – Sputnik. Алматы қаласы қоғамдық денсаулық басқармасының басшысы Нариман Табынбаев қала тұрғындары арасында SinoVac вакцинасына үлкен сұраныс бар екенін мәлімдеді, деп хабарлады Sputnik Қазақстан.  

"Қазақстан Республикасы денсаулық сақтау министрлігімен келіссөздер жүргізілді. Жақын арада SinoVac вакцинасын жеткізу туралы ақпарат алдық", - деді ол.

Айта кетейік, қазір қалада педагогтардың 100%-і коронавирусқа қарсы вакцина салдырды.

"Осындай жұмыс жоғары оқу орындарында да жүргізіліп жатыр. Студенттердің көпшілігі басқа қаладан келетіндіктен иммундау жұмысы қарқын алмай отыр", - деді Табынбаев.

Өткен тәулікте қалада 5 001 адам вакцина алды. Мұның алдында басқарма басшысы қалада вакциналау қарқыны не себепті төмендегенін түсіндірді.

"Осыдан бір ай бұрын бір күнде 15-16 мың адамға дейін вакцина салдырды. Вакциналау қарқынының төмендеуіне әсер ететін 3 фактор бар: вакцинаға уақытылы келмеу, Qazvac, Hayat Vax, Sinovac вакциналарын күтіп қалу, науқастар көбейгендіктен, үйден шығуға қорқу", - деді Табынбаев.

Ол сондай-ақ коронавирустың таралуына төтеп беретін жалғыз жол вакцина екенін мәлімдеді.

Айта кетейік, Алматыда күн сайын 15-20 мыңға дейін вакцина салуға мүмкіндік бар.

2021 жылдың 1 ақпаны мен 27 шілде аралығында Алматыда екпенің I компонентін 690 711 адам алды. Мегаполистегі медициналық ұйымдарда, мектеп, мәдениет, спорт нысандарында, базар мен қаланың сауда ойын-сауық орталықтарында 212 вакцина пункті жұмыс істейді.

14
Тақырып:
COVID-ке қарсы вакцина
Архивтегі фото

Қарағандыда жарты жыл бойы 13 жасар қызды зорлаған имам сотталды

112
Жергілікті мешіт қызметкері жарты жылға жуық кәмелет жасына толмаған қызды зорлаған, ол жүкті болып қалды

АЛМАТЫ, 28 шілде – Sputnik. Қарағанды облысының соты бірнеше ай бойы 13 жасар қызды зорлаған ауыл мешітінің қызметкеріне қатысты үкім шығарды.

Іс Қарағанды облысының мамандандырылған ауданаралық сотында қаралды. Ер адам Қылмыстық кодекстің 120-бабының төртінші бөлігі "жас баланы зорлау" бойынша сотқа тартылды.

Баланы зорлау 2020 жылдың 3 қаңтарында басталған. Сол күні ауыл молдасы қыздың отбасына үй шаруашылығына көмектескен. Бір сәтте ол ересектердің үйде болмағанын пайдаланып, қызды зорлаған.

Содан кейін ауыл молдасы қызды тағы үш рет зорлаған: сол жылдың ақпан, наурыз және маусым айында. Қыз одан жүкті болды.

Күзетші жас жігітті зорлады: Алматы орталық мешіті түсініктеме берді

Сотталушының кінәсі жәбірленушінің, оның заңды өкілдерінің, куәгерлердің айғағымен, сараптама нәтижесі және іске қатысты басқа да материалдармен дәлелденді. Прокурор соттан молданы 20 жылға бас бостандығынан айыруды сұрады, қыздың заңды өкілдері де сондай жаза талап етті.

Нәтижесінде сот ер адамды 20 жылға бас бостандығынан айырды. Ол жазасын қатаң режимдегі колонияда өтейді. Сотталушы өмір бойы педагогикалық қызметпен айналысу және кәмелетке толмағандармен жұмыс істеу құқығынан айырылды.

Сот үкім шығарған кезде сотталушының бала кезінен үшінші топтағы мүгедек екенін, бұрын сотталмағанын, сондай-ақ өз кінәсін ішінара мойындағанын ескерді.

Үкім заңды күшіне енген жоқ.

112
Аблай Мырзахметов

42 500 теңге төлеуге негіз жоқ кәсіпкерлер палатасы

4
Кәсіпкерлердің Ashyq қосымшасы арқылы жұмыс істеуге құқығы бар, толық тоқтап қалған жоқ, деді Абылай Мырзахметов

НҰР-СҰЛТАН, 28 шілде – Sputnik. "Атамекен" ұлттық кәсіпкерлер палатасының басқарма төрағасы Абылай Мырзахметов қоғамдық тамақтану саласының қызметкерлеріне 42 500 теңгеден төлеуге негіз жоқ екенін айтты, деп хабарлайды Sputnik Қазақстан тілшісі.

"Қазіргі жағдайды толық локдаун деп айтуға болмайды. Шектеу бар, әрине, бірақ біз мұны әзірге демалыс күндердегі шектеу деп атаймыз. Барлығының Ashyq арқылы жұмыс істеуге құқығы бар, толық тоқтап қалған жоқ. Әрине, демалыста бизнес шығынға ұшырайды деген сөзбен келісемін, алайда бұл төтенше жағдай немесе локдаун емес. Яғни әзірге 42 500 теңге төлеуге құқықтық негіз жоқ", - деді Мырзахметов баспасөз мәслихатында.

Ол карантиндік шектеулерге байланысты кәсіпкерлер кірісінен айырылып жатқанын түсінетінін айтты. Десе де бизнесмендерге аптасына бес күн жұмыс істеуге жағдай жасалып отыр.

"Бір аптадан кейін Ashyq жобасының лидерлері үшін жағдайды жақсартамыз. Егер сен бизнесмен болсаң, Ashyq-қа қосылсаң, түн ортасына дейін жұмыс істей аласың", - деді басқарма төрағасы.

Мырзахметов бір жұмадан кейін нысандардың жұмысына талдау жасалып, Ashyq көшбасшылрына демалыста да жұмыс істеуге мүмкіндік берілуі мүмкін екенін атап өтті.

4
Тақырып:
Төтенше жағдай және карантин