Дала өрті

Қарағанды облысының үш ауылында төтенше жағдай жарияланды

900
Малы қырылған немесе жайылымы өртеніп кеткен фермерлердің шығынын есептеу үшін арнайы комиссия құрылды

НҰР-СҰЛТАН, 5 шілде – Sputnik. Қарағанды облысы Ұлытау ауданында дала өртіне байланысты төтенше жағдай жарияланды.

"Ұлытау ауданының Жангелді, Ақтас, Амангелді үш ауылдық округінде дала өртіне байланысты төтенше жағдай режимі жарияланды. Қазіргі уақытта ауылдар зардап шеккен жоқ", - делінген облыс әкімдігінің ресми сайтында.

Облыс әкімінің орынбасары Серік Шайдаров Ұлытау ауданына келді.

Посмотреть эту публикацию в Instagram

Публикация от "Вечерняя Караганда" (@vk_gazeta)

Малы қырылған немесе жайылымы өртенген шаруалардың шығынын есептеу үшін арнайы комиссия құрылды.

Қарағанды облысының әкімі жағдайды жеке бақылауына алды.

Облыстық ТЖД жедел штабының ақпаратынша, Ұлытау, Қарқаралы, Осакаров, Бұқар жырау, Шет, Нұра аудандары мен Қаражал қаласының аумағында 17 өрт ошағы бақылауға алынды.

Оқиға орнында тәулік бойы 70 бірлік техника, ТЖД-ның 350-ден астам қызметкері мен еріктілер жұмыс істеп жүр.

17 дала өртінің 10-ы сөндірілді.

Жеке құрамды табиғи өрт ошақтарын сөндіру орындарына жедел жеткізу үшін "Қазавиақұтқару" АҚ-ның МИ-8 тікұшағы жіберілді. Сондай-ақ Қарағандыдан 40 адам және үш техника шықты. Жаңаарқа кентінен 10 тонналық автоцистерна жөнелтілді.

900
Кілт сөздер:
өрт, төтенше жағдай, Қарағанды облысы
Тақырып бойынша
Қызылорда облысындағы ауданда төтенше жағдай жарияланды
Аралда төтенше жағдай жарияланады
Архивтегі фото

Алматының бас дәрігері қалаға SinoVac вакцинасы қашан жеткізілетінін айтты

13
Табынбаев вакциналау қарқынының төмендеуіне вакцинаға уақытылы келмеу, Qazvac, Hayat Vax, Sinovac вакциналарын күтіп қалу секілді факторлар әсер етіп отырғанын атап өтті  

АЛМАТЫ, 28 шілде – Sputnik. Алматы қаласы қоғамдық денсаулық басқармасының басшысы Нариман Табынбаев қала тұрғындары арасында SinoVac вакцинасына үлкен сұраныс бар екенін мәлімдеді, деп хабарлады Sputnik Қазақстан.  

"Қазақстан Республикасы денсаулық сақтау министрлігімен келіссөздер жүргізілді. Жақын арада SinoVac вакцинасын жеткізу туралы ақпарат алдық", - деді ол.

Айта кетейік, қазір қалада педагогтардың 100%-і коронавирусқа қарсы вакцина салдырды.

"Осындай жұмыс жоғары оқу орындарында да жүргізіліп жатыр. Студенттердің көпшілігі басқа қаладан келетіндіктен иммундау жұмысы қарқын алмай отыр", - деді Табынбаев.

Өткен тәулікте қалада 5 001 адам вакцина алды. Мұның алдында басқарма басшысы қалада вакциналау қарқыны не себепті төмендегенін түсіндірді.

"Осыдан бір ай бұрын бір күнде 15-16 мың адамға дейін вакцина салдырды. Вакциналау қарқынының төмендеуіне әсер ететін 3 фактор бар: вакцинаға уақытылы келмеу, Qazvac, Hayat Vax, Sinovac вакциналарын күтіп қалу, науқастар көбейгендіктен, үйден шығуға қорқу", - деді Табынбаев.

Ол сондай-ақ коронавирустың таралуына төтеп беретін жалғыз жол вакцина екенін мәлімдеді.

Айта кетейік, Алматыда күн сайын 15-20 мыңға дейін вакцина салуға мүмкіндік бар.

2021 жылдың 1 ақпаны мен 27 шілде аралығында Алматыда екпенің I компонентін 690 711 адам алды. Мегаполистегі медициналық ұйымдарда, мектеп, мәдениет, спорт нысандарында, базар мен қаланың сауда ойын-сауық орталықтарында 212 вакцина пункті жұмыс істейді.

13
Тақырып:
COVID-ке қарсы вакцина
Архивтегі фото

Қарағандыда жарты жыл бойы 13 жасар қызды зорлаған имам сотталды

103
Жергілікті мешіт қызметкері жарты жылға жуық кәмелет жасына толмаған қызды зорлаған, ол жүкті болып қалды

АЛМАТЫ, 28 шілде – Sputnik. Қарағанды облысының соты бірнеше ай бойы 13 жасар қызды зорлаған ауыл мешітінің қызметкеріне қатысты үкім шығарды.

Іс Қарағанды облысының мамандандырылған ауданаралық сотында қаралды. Ер адам Қылмыстық кодекстің 120-бабының төртінші бөлігі "жас баланы зорлау" бойынша сотқа тартылды.

Баланы зорлау 2020 жылдың 3 қаңтарында басталған. Сол күні ауыл молдасы қыздың отбасына үй шаруашылығына көмектескен. Бір сәтте ол ересектердің үйде болмағанын пайдаланып, қызды зорлаған.

Содан кейін ауыл молдасы қызды тағы үш рет зорлаған: сол жылдың ақпан, наурыз және маусым айында. Қыз одан жүкті болды.

Күзетші жас жігітті зорлады: Алматы орталық мешіті түсініктеме берді

Сотталушының кінәсі жәбірленушінің, оның заңды өкілдерінің, куәгерлердің айғағымен, сараптама нәтижесі және іске қатысты басқа да материалдармен дәлелденді. Прокурор соттан молданы 20 жылға бас бостандығынан айыруды сұрады, қыздың заңды өкілдері де сондай жаза талап етті.

Нәтижесінде сот ер адамды 20 жылға бас бостандығынан айырды. Ол жазасын қатаң режимдегі колонияда өтейді. Сотталушы өмір бойы педагогикалық қызметпен айналысу және кәмелетке толмағандармен жұмыс істеу құқығынан айырылды.

Сот үкім шығарған кезде сотталушының бала кезінен үшінші топтағы мүгедек екенін, бұрын сотталмағанын, сондай-ақ өз кінәсін ішінара мойындағанын ескерді.

Үкім заңды күшіне енген жоқ.

103
ASHYQ қосымшасы

Вакцинадан кейін вирус жұқтырғандардың Ashyq-тағы статусы қалай өзгереді

0
Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады

НҰР-СҰЛТАН, 28 шілде – Sputnik. Вакцинаның екі дозасынан кейін коронавирус жұқтырған адам Ashyq қосымшасында 14 күн бойы "қызыл" статуспен тұрады. Бұл туралы денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды Sputnik Қазақстан тілшісі.

"Вакцинаның екі дозасын алғаннан кейін Ashyq-та "жасыл" статус беріледі. Егер вакцина салғызған адам коронавирус жұқтырса, оның статусы қалай өзгереді? Егер статус "қызылға" ауысса, оған "жасыл" статус қалай қайтарылады?", - деп сұрады журналист эпидемиологиялық ахуал туралы баспасөз мәслитында.

"Бізде жүйе интеграцияланған. Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады. "Қызыл" статус 14 күн бойы сақталады. Екі апта өткен соң, ол автоматты түрде "жасылға" ауысады. Өйткені адам бәрібір де вакциналанған болып саналады", - деп жауап берді Айжан Есмағамбетова.

Ол бүгінде вакцина салдырғандар арасында індетке шалдыққандар өте аз екенін атап өтті.

0
Тақырып:
COVID-ке қарсы вакцина