Архивтегі сурет

Ертеңнен бастап тағы бір облыста карантин күшейеді

860
Маңғыстау облысы бас мемлекеттік санитар дәрігерінің жаңа қаулысы жарияланды, ол жеті шілдеден бастап күшіне енеді

НҰР-СҰЛТАН, 6 шілде – Sputnik. Маңғыстау облысында карантиндік шектеулер қатаңдатылады. Тиісті қаулыға өңірдің бас санитар дәрігері қол қойды.

Қаулыға сәйкес, мейрамхана, дәмхана типіндегі жабық қоғамдық тамақтану нысандары жұмыс күндері сағат 07:00-ден 20:00-ге дейін ашық болады. Сенбі және демалыс күндері жұмыс істеуіне тыйым салынады. Ал даладағы дәмханалар жұмыс және демалыс күндері 07:00-ден 20:00-ге дейін істейді. Тамақты өзімен бірге алып кету және жеткізу штаттық режимде жалғасады.

"Ashyq" жобасына қатысатын қоғамдық тамақтану объектілері, оның ішінде банкет залдары (мейрамханалар мен дәмханалар типі бойынша қызмет көрсету, ас беру) жұмыс және демалыс күндері сағат 07:00-ден 20:00-ге дейін және ашық ауада (жазғы залдар) сағат 7:00-ден 22:00-ге дейін жұмыс істейді.

Тағы оқыңыз: Бекшин жаңа қаулыға қол қойды

Ұжымдық, салтанатты шаралар, отбасылық басқосу және басқа да бұқаралық шараларды ұйымдастыруға және өткізуге қатаң тыйым салынады. "Ashyq" жобасына қатысатын нысандарда еске алуды өткізуге рұқсат бар.

Сонымен қатар "Ashyq" жобасына қосылған фитнес орталықтардың, фитнес клубтардың, йога орталықтарының, спорттық-сауықтыру нысандарының қызметіне рұқсат етіледі. Алайда топта бес адамнан аспауы керек. Жұмыс күндері 10:00-ден 22:00-ге дейін істесе, демалыс күндері жабық болады.

Қалааралық тұрақты автобустардың (шағын автобустардың) қозғалысына тыйым салынады.

Қаулы 7 шілдеден бастап күшіне енеді.

860
Кілт сөздер:
карантин, Маңғыстау облысы, коронавирус
Тақырып бойынша
Облыстардың бірінде карантин күшейтілді
Шектеу шараларына бағынбай отыр: елордада 12 нысан карантин талаптарын бұзған
Нұр-Сұлтанда тағы да карантин күшейтіледі
Қазақстанның тағы бір облысында карантин күшейтілді
Архивтегі фото

Шымкентте ене мен келін ковидтен бір күнде қайтыс болды құрсақтағы бала аман қалды

695
Егде жастағы әжей той-томалаққа барып індет жұқтырған. Кейін үйіндегі аяғы ауыр келінінен де қауіпті індет анықталған

НҰР -СҰЛТАН, 31 шілде – Sputnik. Шымкентте бір үйде тұратын екі әйел коронавирустан көз жұмды, деп хабарлады Otyrar.kz.

Қалалық денсаулық сақтау басқармасының басшысы Бақытжан Пазыловтың сөзінше, егде жастағы әжей той-томалаққа барып індет жұқтырған.

Кейін үйіндегі аяғы ауыр келінінен де қауіпті індет анықталыпты. Емханаға екеуі де қиын жағдайда түскен, дейді қаланың бас дәрігері. Ақ халаттылар келіншектің баласын аман алып қалды.

"Енесі тойда коронавирус жұқтырып, ауруханаға түскен. Артынша аяғы ауыр келіні ауруханаға жатқызылды. Екеуі де вакцина салдырмаған. 1 күнде қайтыс болады. Баласын аман алып қалдық", - дейді Бақытжан Пазылов.

Айта кетейік, өткен тәулікте Шымкентте 18 адам коронавирустан көз жұмды. Мамандар індеттен қайтыс болғандардың вирусты той-томалақтан жұқтырғанын айтады.

695
Тақырып:
Коронавирус эпидемиясы
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

3240
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

3240
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0