Елорда тұрғындары

Алдағы үш күнде ауа райы қандай болады

693
8-10 шілде аралығында Каспий теңізінің солтүстігінде қалыптасқан циклон Қазақстанның бүкіл аумағын қамтып, солтүстік-шығысқа қарай ығысады

НҰР-СҰЛТАН, 7 шілде – Sputnik. Қазгидромет алдағы үш күнге арналған ауа райы болжамын жариялады, деп хабарлайды Sputnik Қазақстан.

Ресми мәліметке сәйкес, 8-10 шілде аралығында Каспий теңізінің солтүстігінде қалыптасқан циклон Қазақстанның бүкіл аумағын қамтып, солтүстік-шығысқа қарай ығысады.

"Осыған байланысты батыста, солтүстік-батыс, солтүстік, орталық және шығыста қатты жаңбыр жауады. Найзағай, бұршақ пен екпінді жел қатар жүреді", - дейді синоптиктер.

Батыста ауа температурасы түнде +13+23℃-ге дейін жылынады, ал күндіз плюс 23 - 32℃ болады. Солтүстік пен солтүстік-батыста түнде +10+21℃, күндіз сынап бағанасы +20+28 градусты көрсетеді.

Қазақстанның орталығы мен шығысында түнде +13+23℃, күндіз +25+37℃, ал оңтүстігінде және оңтүстік-шығысында түнгі температура +18+25°С, күндіз +30+42°С болады.

Мегаполистерде ауа райы қандай болады

Алдағы үш күннің ішінде ел астанасы – Нұр-Сұлтан қаласында ауа температурасы +23+25℃-тан жоғары көтерілмейді. Түнде +13+15℃. Көшпелі бұлт жүреді. Найзағай ойнап, жаңбыр жауады.

Алматыда жауын-шашынсыз, үш күнде де күндіз+36+38℃, түнде +23+25℃-тың маңайында болады.

Ал Шымкент қаласында 8 шілдеде +40+42℃. Жұма күні +36+38℃ шамасында. Көшпелі бұлт жүреді, жауын-шашынсыз.

693
Кілт сөздер:
шілде, ауа райы
Тақырып бойынша
Бурабай әлде Мальдив? Министрлер жазда қайда демалатынын айтты - видео
Аптап ыстықта не жеу керек – маманның кеңесі
Назарбаевтың кіші қызы демалыста түскен суреттерін жариялады
Күндіз ұйқы басса, не жеу керек – мамандар жауабы
Көктем мен жазда қандай киімдер сәнге айналады – мамандар кеңесі
Қасым-Жомарт Тоқаев

Тоқаев жұрт қандай шешімді кеңінен қолдап жатқанын айтты

1313
(Жаңартылды 21:41 27.07.2021)
Бүгін президент Ақмола облысының орталығы Көкшетау қаласына жұмыс сапарымен барды. Бірқатар маңызды мәселелер көтерілді

НҰР-СҰЛТАН, 27 шілде – Sputnik. Мемлекет басшысы Қосшы ауылына облыстық маңызы бар қала мәртебесін беру туралы шешімін түсіндірді, деп жазады Ақорда.

"Жарлыққа қол қойылды. Аталған құжатқа қол қойылуын және облыстық маңызы бар қала мәртебесінің берілуін көпшілік кеңінен қолдап жатыр. Бірақ, осы шешімнің мәні мен маңызын тек облыс көлемінде ғана емес, жалпы еліміз бойынша халыққа қосымша түсіндіру керек", - деді президент.

Мемлекет басшысының айтуынша, бұл шешім, ең алдымен, Қосшы тұрғындарының өмірін жеңілдету мақсатында қабылданды. Ол жерде қағаз бойынша 40 мыңға жуық тұрғын өмір сүреді.

"Шын мәнінде, ол жерде 80 мың адам тұрады. Олар өз мәселелерімен облыс орталығы Көкшетауға баруға мәжбүр болады. Бұған көп уақытпен күш жұмсайды. Әрине, бұл тұрғындардың жүйкесін жұқартады. Сондықтан қаланың әкімшілік мәртебесін өзгертетін осындай шешім қабылданды. Мен мұны дұрыс шешім деп есептеймін" – деді Тоқаев.

Бүгін президент Ақмола облысының орталығы Көкшетау қаласына жұмыс сапарымен барды. Ол Көкшетау қаласының тұрғындарына берген уәдесінің орындалуы және жылу электр орталығының құрылысына кірісу қажет екенін айтты.

"Көкшетау қаласы өз жылу электр орталығы жоқ, тек жылу қазандықтары ғана бар жалғыз облыс орталығы болып отыр. Бұл жобаның құны бірнеше есе өсіп, 240 миллиард теңге болды. Біз бұдан аздау қаржыға жоспарладық. Бірақ  жуырда тиісті шешім қабылданады. Бұл облыс орталығында тұратын халық тұрмысын жеңілдетеді. Үкімет аталған шешімді аяғына дейін жеткізеді деп ойлаймын", – деді мемлекет басшысы.

Президент ауыл шаруашылығы машиналарын жасау ісін дамыту мәселесіне де назар аударып, Көкшетау қаласы осы саладағы басты тірек орталықтардың бірі екенін атап өтті.

"Бүгін мен Қазақстан ауыл шаруашылығы державасына айналуы тиіс деп айттым. Осы ретте облыстың рөлін асыра бағалау қиын. Бұл бағытта біз мемлекетіміздің ауыл шаруашылығы әлеуетін күшейтуге бағытталған Ақмола облысының күш-жігерін қолдаймыз", – деді Қасым-Жомарт Тоқаев.

Мемлекет басшысы әкімдіктің тұрғын үй құрылысы жөніндегі жоспарын қолдады. Оның пікірінше, әлеуметтік тұрғын үй бөлу мәселесін реттеу қажет.

1313
Кілт сөздер:
Қасым-Жомарт Тоқаев
Тақырып бойынша
"Жағдай жақсаратын емес": Тоқаев жаппай вакцина салуға қатысты не деді
Тоқаев қазақстандықтарға үндеу жасады
Тоқаев екі министрлікті қайта құрды
Азық-түліктің бағасы 40 процентке қымбаттады – Тоқаев
Тоқаев ауыл әкімдерін сайлау туралы: алғаш рет ашық әрі әділ өткізіліп отыр
Алматыдағы карантин

Бес қалада карантин күшейтіледі комиссия шешімі

4024
(Жаңартылды 18:41 27.07.2021)
Ведомствоаралық комиссия тәуліктік сырқаттанушылықтың 65%-ін және тәуліктік өлім-жітімнің 55%-ін құрайтын қалаларда карантинді күшейту керек деп шешті

НҰР-СҰЛТАН, 27 шілде – Sputnik. Премьер-министр орынбасары Ералы Тоғжановтың төрағалығымен коронавирус инфекцияның таралуына жол бермеу жөніндегі ведомствоаралық комиссияның кезекті отырысы өтті, деп хабарлайды Sputnik Қазақстан

"Ведомствоаралық комиссия елдегі тәуліктік сырқаттанушылықтың 65%-ін және тәуліктік өлім-жітімнің 55%-ін құрайтын Нұр-Сұлтан, Алматы, Шымкент, Атырау, Қарағанды қалаларында карантин шараларын күшейту туралы шешім қабылдады", - делінген ресми хабарламада.

Комиссия мүшелері 2 тамыздан бастап осы қалаларда бірқатар шектеу шарасын енгізуді ұйғарды. Олар:

  • орталық мемлекеттік органдар, әкімдіктер, құқық қорғау органдары, денсаулық сақтау ұйымдары, БАҚ, азық-түлік дүкендері, дәріханалар және тіршілікті қамтамасыз ету ұйымдарын қоспағанда, "Ashyq" жобасына қатыспайтын барлық кәсіпорындар мен ұйымдардың қызметін тоқтата тұру;
  • ойын-сауық, спорттық, отбасылық, естелік және өзге де бұқаралық іс-шараларды өткізуге тыйым салу; 
  • мемлекеттік органдар, кеңселер, ұлттық компаниялар мен өзге де ұйымдар қызметкерлерінің 80%-ін (вакцина салдырғандарды және соңғы 3 ай ішінде ауырып жазылғандарды қоспағанда) қашықтан жұмыс істеуге ауыстыру.

Сондай-ақ, облыс әкімдіктеріне Нұр-Сұлтан, Алматы, Шымкент пен Қарағанды қаласымен шекаралас жатқан аудандарда карантинді күшейту ұсынылды. Олар:  

  • Ақмола облысы - Бурабай, Целиноград және Аршалы аудандары;
  • Алматы облысы - Қарасай, Талғар, Іле мен Еңбекшіқазақ аудандары;
  • Қарағанды облысы – Теміртау, Шахтинск мен Абай аудандары;
  • Шымкент қалаларымен – Сайрам мен Төлеби аудандары.

Өңір әкімдіктеріне шектеулер енгізу және олардың сақталуын бақылау бойынша барлық шараларды қабылдау тапсырылып отыр.

Вице-премьер коронавирус инфекциясының таралуына қарсы күресте мониторинг топтары жұмысының маңыздылығын және барлық өңірлерде осы бағыттағы белсенділік төмен екенін атап өтті. Осыған байланысты барлық өңірде мониторинг топтары жұмысын жандандыру тапсырылды.

 

4024
Кілт сөздер:
карантин, коронавирус
Тақырып бойынша
Цой Тоқаевқа коронавирустың жаңа штамы пайда болғанын хабарлады
Балаларда коронавирус ауыр түрде өте бастады – елордалық дәрігер
Алматыда тәулігіне 400-ге жуық адам ауруханаға түсіп жатыр
Қазақстанда тағы 110 адам коронавирус пен пневмониядан қайтыс болды
Алматыда карантин күшейтілді – Бекшин себебін түсіндірді
Нью-Йорк қаласы

АҚШ экономикасына дефолт қаупі төнді 

0
Пандемия кезінде экономика көлемінен асып түскен Американың мемлекеттік қарызы шарықтау шегіне жетті. Үкімет дефолт қаупі жайлы сөз етуде. Шығынға жол бермес үшін конгресс тез арада жедел әрекетті қолға алмақ

НҰР-СҰЛТАН, 27 шілде – Sputnik. Америкалықтар 2008 жылдағы дағдарыстан бері сырттан қарыз алуды арттырып келеді. Обама билікте болған кезде тоғыз триллионға, Трамптың кезінде жеті триллион долларға ұлғайды. 2018 жылы жалпы ішкі өнімнің 78 процентіне жетті – Дүниежүзілік банк мұны қауіпті деп атады.

Қарыз шегін арттыру керек, әйтпесе күзде қаржы міндеттемелеріне қызмет көрсету бойынша проблема туындауы мүмкін. Кредиторлар АҚШ-тың қарызды өтеу мүмкіндігіне күмәнданса, не болатыны туралы РИА Новости материалында. 

Болжам бойынша мемлекеттік қарыз АҚШ экономикасының көлемінен он жылдан кейін ғана асуы керек. Алайда пандемия мен ұлттық шаруашылықты қолдауға арналған үлкен шығындардың салдарынан бұл әлдеқайда ертерек қалыптасты. Тәуелсіз есептеулер бойынша 2020 жылы билік ел экономикасына тоғыз триллион долларға жуық қаражат салды. Соның нәтижесінде мемлекеттік қарыз ЖІӨ-ден асып түсті. 

Наурыздың соңына қарай 28 триллион доллар немесе ЖІӨ-нің 101 проценті. Мұндай жағдай тарихта бір рет қана – Екінші дүниежүзілік соғыстан кейін бірден, 1946 жылы болды. Ол кезде көрсеткіш 106 процентті құрады. Ал қарыз өсіп жатыр: қазір - 28,5 триллион доллар. Заң бойынша енді қарыз алуға болмайды. 

АҚШ мемлекеттік қарыздың шарықтау шегіне бірінші рет жетіп отырған жооқ. 2008 жылдағы дағдарыстан кейін бұл көрсеткіш тұрақты өсіп жатыр. 

2019 жылы Трамп 2021 жылдың 31 шілдесіне дейін мемлекеттік қарызды шектеусіз ұлғайтуға мүмкіндік беретін заңға қол қойды. Межелі күннен кейін Қаржы министрлігі облигациялар сату есебінен қосымша қаражат тарта алмайды.

Алайда Вашингтонның бұдан басқа амалы жоқ. Пандемия кезінде экономиканы қолдауға жұмсалған қомақты шығын салдарынан бюджетте үлкен саңылау пайда болды. 

Бюджет тапшылығы негізінен мемлекеттік облигацияларды сату есебінен жабылып жатыр. 2020 қаржы жылында (30 қыркүйекте аяқталды) тапшылық кемінде үш есе – 3,1 триллион долларға дейін ұлғайды. Алайда коронавирусқа қарсы күрес бойынша барлық шараларды есептегенде, ол төрт триллионға жететінін анық. 

Осылайша Вашингтонның алдында екі жол тұр: 31 шілдеге дейін мемлекеттік қарыз шегін арттыру немесе қарыз алу лимитінің әрекет етуін тоқтату. Әйтпесе АҚШ-тың қаржы министрі Джанет Йеллен конгреске жолдаған хатында ескерткендей, ел дефолтқа тап болып, экономикаға орны толмас шығын келтіріледі. 

Қаржы министрлігі "қосымша шұғыл шаралар" қабылдауға тура келеді. Алайда Йеллен атап өткендей, қаржы мекемесінің мемлекеттік төтенше қаржыландыру қолдану мүмкіндігі қатты шектеулі. 

"Мұнда көптеген факторға байланысты айтарлықтай белгісіздік бар. Соның ішінде үкіметтің төлемдері мен түсімдерін бірнеше ай бұрын есептеу проблемалары да бар", - деді министр. 

Алайда шекті көтермесе, жаңа қаржы жылында, 1 қазанға қарай қарызға қызмет көрсету қабілеті тоқтатылады. Негізінен дәл сол күні АҚШ қарзынашылығы шығынды 150 миллиард долларға қысқартуға тура келеді.

Жалпы қаржы министрі мемлекеттік қарыздың рекордтық өсімін көздеп отыр. Алайда бұған байланысты конгресте бірауызды шешім болмай тұр. Демократтардың пікірінше, шекті арттыру керек. Республикашылдар Байден мен үкіметтен шығындарды қысқартып, үлкен қарызды азайту шараларын қабылдауды талап етіп отыр.

Соған қарағанда шекті қарыздың деңгейін кезекті рет көтереді. Ал экономистер АҚШ дефолтын "ақырзаман" ретінде қарастырып жатыр. 

"Америкалықтар мұндайға ешқашан жол бермеген. Бұл қауіпті жағдай болар еді", - деп санайды JPMorgan-ның АҚШ бойынша бас экономисі Майкл Фероли. 

Бірақ дефолт болу қаупінің өзі-ақ нарықта дүрбелең тудыруы мүмкін. Егер ешқандай шара қабылданбаса, АҚШ Қаржы мекемесі 30 шілдеде мемлекеттік бағалы қағаздарды да, мемлекеттік қарызға қызмет көрсетуді қамтамасыз етіп отырған жергілікті органдардың  қағаздарын да сата алмай қалады.

2011 жылы өкілдер палатасының қарыз шегін көтеруден бас тартуы мен дефолт қаупінің туындауына байланысты Standard & Poor’s халықаралық рейтинг агенттігі тарихта алғаш рет АҚШ-тың дербес кредиттік рейтингін төмендетті. Соның артынша-ақ қор нарығында құлдырау бола жаздады: тиісті органдар бір мәмілеге келгенге дейін S&P 500 индексі бес күн қатарынан төмендеді. 

CNBC атап өткендей, осы жолы мемлекеттің қарызды өтеу мүмкіндігіне күмәнданған кредиторлар Вашингтоннан әлдеқайда жоғары процентті талап етуі мүмкін. Ал бұл өз кезегінде домино әсерін қалыптастырады: ипотекалық және автокредиттен бастап корпоративтік қарызға дейінгі проценттік мөлшерлемелер жаппай өсе бастайды.

Ал бұл тұрақтылыққа оң әсер етпейтіні анық. "Қаржы дағдарысы күшейіп, жұмыс орындары мен америкалықтардың жинақтарына қауіп төнеді. Бұл біз пандемиядан кейін қайта аяққа тұрмаған кезде болып отыр", - дейді Джанетт Йеллен. 

Кредиторлар АҚШ үкіметінің қарыз өтеу қабілетіне жиі күмәнданып отыр. Америкалық жетекші қаржыгердің бірі, Bridgewater Associates атты әлемдегі ірі хедж-қордың негізін қалаушы миллиардер Рэй Далио атап өткендей, бюджет, сауда теңгерімі мен қазіргі операциялардың есебі бойынша үштік тапшылық жақын уақытта шетелдік инвесторларды қазынашылық облигациялардан үркітіп, доллардың құлдырауына себепші болады. Бұл көлемі жағынан 2008 жылғы дағдарыстан ғана емес, 1930 жылғы Ұлы депрессиядан да асып түсуі мүмкін қаржы дағдарысына апаратын тікелей жол.

0