Полицейс автокөлігі

Ақсудағы полицейдің өлімі: марқұмның туыстары күтпеген мәлімдеме жасады

81
Туыстары қайтыс болған полиция майоры өз-өзіне қол жұмсап, үш баланы жетім қалдыра алады дегенге сенбейді  

НҰР-СҰЛТАН, 9 шілде - Sputnik. Өзіне қол салған полиция қызметкері Аспандияр Айтқазиннің туыстары оның телефонынан қайғылы жағдайдың себебін анықтайтын видеоүндеу тапқанын айтты.

Полиция майоры 5 шілде күні Ақсу қаласы полиция бөлімінің гаражынан өлі күйінде табылды. Майор сол бөлімде басшы орынбасары қызметін атқарған. Алайда барлық ресми есептерде ол ауылдық учаске қызметкері ретінде көрсетілген, деп хабарлайды "Еуразия бірінші арнасы".

Туыстары оны өлімінен бұрын ауыстыру туралы өтініш жазуға мәжбүрлеуі мүмкін деп болжайды. Олар марқұмның учаскелік полицей болып бір күн де жұмыс істемегенін айтады.

"2021 жылдың басынан бастап менің күйеуіме Ақсу қалалық полиция бөлімінің, сондай-ақ Павлодар облыстық полиция департаменті басшылығы мен орынбасары қоқан-лоққы көрсетіп, қорқытты. Сізден бұл істі жеке бақылауыңызға алуды сұраймын", - деп марқұмның әйелі Мейрамгүл Айтқазина ел президенті Қасым-Жомарт Тоқаевқа жүгінді.

Майордың туыстары офицердің өліміне кінәлілер жазаланатынына күмәндануда. Полицейдің отбасы тергеушілер Аспандияр Айтқазиннің қайтыс болар алдында жасаған үндеуі бар телефонды алып қойғанын айтты.

Марқұмның туысы Әсемгүл Смағұлованың айтуынша, ол куәгерлермен бірге телефонға пароль енгізіп, үндеуді көрген. Ол жерде "Егер маған бірдеңе болса, полиция подполковнигі Балғабай Қапаров кінәлі деп біліңіз" деген.

"Бізге видеоның көшірмесін жасауға тыйым салынды, мен бұл видеоны өшіріп тастайды деп қорқамын", - дейді Әсемгүл Смағұлова.

Оқи отырыңыз: Павлодарда полицей өз-өзіне қол салды

Туыстары марқұмның өзіне қол жұмсағанына күмәнданады, Аспандиярдың үш баланы өз еркімен жетім қалдырғанына сене алмайды.

Телеарнаның хабарлауынша, бұл павлодарлық полиция қатарындағы өзіне-өзі қол жұмсаудың төртінші оқиғасы.

Осы оқиға бойынша облыстық полиция департаменті бұқаралық ақпарат құралдарына түсініктеме беруден бас тартты.

81
Кілт сөздер:
Павлодар облысы, полицейлер, полицей
Архивтегі фото

Алматының бас дәрігері қалаға SinoVac вакцинасы қашан жеткізілетінін айтты

11
Табынбаев вакциналау қарқынының төмендеуіне вакцинаға уақытылы келмеу, Qazvac, Hayat Vax, Sinovac вакциналарын күтіп қалу секілді факторлар әсер етіп отырғанын атап өтті  

АЛМАТЫ, 28 шілде – Sputnik. Алматы қаласы қоғамдық денсаулық басқармасының басшысы Нариман Табынбаев қала тұрғындары арасында SinoVac вакцинасына үлкен сұраныс бар екенін мәлімдеді, деп хабарлады Sputnik Қазақстан.  

"Қазақстан Республикасы денсаулық сақтау министрлігімен келіссөздер жүргізілді. Жақын арада SinoVac вакцинасын жеткізу туралы ақпарат алдық", - деді ол.

Айта кетейік, қазір қалада педагогтардың 100%-і коронавирусқа қарсы вакцина салдырды.

"Осындай жұмыс жоғары оқу орындарында да жүргізіліп жатыр. Студенттердің көпшілігі басқа қаладан келетіндіктен иммундау жұмысы қарқын алмай отыр", - деді Табынбаев.

Өткен тәулікте қалада 5 001 адам вакцина алды. Мұның алдында басқарма басшысы қалада вакциналау қарқыны не себепті төмендегенін түсіндірді.

"Осыдан бір ай бұрын бір күнде 15-16 мың адамға дейін вакцина салдырды. Вакциналау қарқынының төмендеуіне әсер ететін 3 фактор бар: вакцинаға уақытылы келмеу, Qazvac, Hayat Vax, Sinovac вакциналарын күтіп қалу, науқастар көбейгендіктен, үйден шығуға қорқу", - деді Табынбаев.

Ол сондай-ақ коронавирустың таралуына төтеп беретін жалғыз жол вакцина екенін мәлімдеді.

Айта кетейік, Алматыда күн сайын 15-20 мыңға дейін вакцина салуға мүмкіндік бар.

2021 жылдың 1 ақпаны мен 27 шілде аралығында Алматыда екпенің I компонентін 690 711 адам алды. Мегаполистегі медициналық ұйымдарда, мектеп, мәдениет, спорт нысандарында, базар мен қаланың сауда ойын-сауық орталықтарында 212 вакцина пункті жұмыс істейді.

11
Тақырып:
COVID-ке қарсы вакцина
Архивтегі фото

Қарағандыда жарты жыл бойы 13 жасар қызды зорлаған имам сотталды

84
Жергілікті мешіт қызметкері жарты жылға жуық кәмелет жасына толмаған қызды зорлаған, ол жүкті болып қалды

АЛМАТЫ, 28 шілде – Sputnik. Қарағанды облысының соты бірнеше ай бойы 13 жасар қызды зорлаған ауыл мешітінің қызметкеріне қатысты үкім шығарды.

Іс Қарағанды облысының мамандандырылған ауданаралық сотында қаралды. Ер адам Қылмыстық кодекстің 120-бабының төртінші бөлігі "жас баланы зорлау" бойынша сотқа тартылды.

Баланы зорлау 2020 жылдың 3 қаңтарында басталған. Сол күні ауыл молдасы қыздың отбасына үй шаруашылығына көмектескен. Бір сәтте ол ересектердің үйде болмағанын пайдаланып, қызды зорлаған.

Содан кейін ауыл молдасы қызды тағы үш рет зорлаған: сол жылдың ақпан, наурыз және маусым айында. Қыз одан жүкті болды.

Күзетші жас жігітті зорлады: Алматы орталық мешіті түсініктеме берді

Сотталушының кінәсі жәбірленушінің, оның заңды өкілдерінің, куәгерлердің айғағымен, сараптама нәтижесі және іске қатысты басқа да материалдармен дәлелденді. Прокурор соттан молданы 20 жылға бас бостандығынан айыруды сұрады, қыздың заңды өкілдері де сондай жаза талап етті.

Нәтижесінде сот ер адамды 20 жылға бас бостандығынан айырды. Ол жазасын қатаң режимдегі колонияда өтейді. Сотталушы өмір бойы педагогикалық қызметпен айналысу және кәмелетке толмағандармен жұмыс істеу құқығынан айырылды.

Сот үкім шығарған кезде сотталушының бала кезінен үшінші топтағы мүгедек екенін, бұрын сотталмағанын, сондай-ақ өз кінәсін ішінара мойындағанын ескерді.

Үкім заңды күшіне енген жоқ.

84
Архивтегі фото

Мектептер Ashyq жобасына қосылуы мүмкін

7
Балаларды қыркүйектен бастап оффлайн оқыту мәселесі пысықталып жатыр, деді Айжан Есмағамбетова

НҰР-СҰЛТАН, 28 шілде – Sputnik. Денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мектептерде Ashyq қосымшасы енгізілуі мүмкін екенін айтты, деп хабарлайды Sputnik Қазақстан тілшісі.

"Балаларды қыркүйектен бастап оффлайн оқыту мәселесі пысықталып жатыр. Бүгінде мектептерде оқитын балалар саны үш миллионнан асады. Біз оқушылардың мектепте вирус жұқтыруы немесе вирус әкелуі мүмкін екенін түсінеміз. Сол себепті мектептерді, балабақшаларды, жоғары оқу орындарын Ashyq жобасына міндетті түрде қосу мәселесі қарастырылып жатыр", - деді Есмағамбетова баспасөз мәслихатында.

Айтуынша, 12 жасқа дейінгі балалар қоғамдық орындарға көп жағдайда ата-анасымен бірге барады. Сол себепті кіреберісте ата-ананың статусы қауіпсіз екені расталса, балалар солармен бірге өте алады.

Ал ересектерсіз қыдыратын 12 жастан асқан балалар үшін ерікті тестілеу қарастырылған.

7