Түйе, архивтегі фото

24 жағдай тіркелді: Қызылордада түйелердің табаны түсіп жатыр

1317
Ветеринар мамандар жануарлар арасында дерттің жылдам таралуына түйелердің аштықтан иммунитеттері әлсіреуі себеп болып отыр дейді

НҰР-СҰЛТАН, 9 шілде — Sputnik. Қызылорда облысының Арал ауданындағы Аққұм, Қарақұм және Жақсықылыш ауылдарында жергілікті халықтың қорасындағы төрт түліктің бірі - түйелер ауруға шалдығып жатыр.

Жануарлардың тұяқтары іріңдеп, шіріп, түсіп қалып жатыр.

"Бүгінгі күнге дейін осындай 24 жағдай тіркелді. Ветеринар мамандар ауру жұқтырған малды тексеріп, емдеп жатыр. Бұл не ауру екенін анықтадық. Бұл – некробактериоз және онымен кез келген мал ауыруы мүмкін", - деді облыстық ветеринария басқармасы басшысының орынбасары Әнуарбек Дармағанбетов.

Некробактериоз – ауыр және созылмалы сипатта жүретін инфекциялық ауру және терінің, шырышты қабықтың және ішкі органдардың жара-әріңді қабынуымен сипатталады. Оның қодырғышы - Fusobacterium necroforит.

Некробактериозды барлық мал-жануар түрі мен адам (зооантропоноз) да жұқтыруы мүмкін. Бұл дертті уақытында емдемесе, ол өлімге алып келуі мүмкін.

"Бұл ауру жем-шөптің жетіспеуі, қуаңшылық салдарынан арық, көтерем болып қалған және иммунитеті төмен жануарларда көптеп таралады. Түйелерде көбіне табаны некробактериозға шалдығып, сүйелді қабық бұзылады", - деді Дармағанбетов.

Оқи отырыңыз: Ірі қара арасында індет тарап жатыр: Солтүстік Қазақстанда шаруашылықта шектеу күшейді

Арал ауданындағы барлық ауру малды қазір емдеп жатыр және жануарлардың дәрі-дәрмегіне қажетті ақшаны мал иесі беріп отыр.

"Түйелерге "Бициллин-3", "АСД фракция-3", "Ашокси", "Нитокс-200" сынды препарат салынып жатыр. Емдеу курсының бағасы тоғыз-он мың теңге шамасында", - деді Дармағанбетов.

Аталған ауру белгісі бар түйелерден де қажетті сынамалар алынды. Ол сынамалар толық көлемде зерттеу жүргізу үшін Қызылорда облысындағы республикалық ветеринария зертханасының филиалына жолданады.

1317
Кілт сөздер:
Қызылорда, індет, ауру
Архивтегі фото

Алматының бас дәрігері қалаға SinoVac вакцинасы қашан жеткізілетінін айтты

11
Табынбаев вакциналау қарқынының төмендеуіне вакцинаға уақытылы келмеу, Qazvac, Hayat Vax, Sinovac вакциналарын күтіп қалу секілді факторлар әсер етіп отырғанын атап өтті  

АЛМАТЫ, 28 шілде – Sputnik. Алматы қаласы қоғамдық денсаулық басқармасының басшысы Нариман Табынбаев қала тұрғындары арасында SinoVac вакцинасына үлкен сұраныс бар екенін мәлімдеді, деп хабарлады Sputnik Қазақстан.  

"Қазақстан Республикасы денсаулық сақтау министрлігімен келіссөздер жүргізілді. Жақын арада SinoVac вакцинасын жеткізу туралы ақпарат алдық", - деді ол.

Айта кетейік, қазір қалада педагогтардың 100%-і коронавирусқа қарсы вакцина салдырды.

"Осындай жұмыс жоғары оқу орындарында да жүргізіліп жатыр. Студенттердің көпшілігі басқа қаладан келетіндіктен иммундау жұмысы қарқын алмай отыр", - деді Табынбаев.

Өткен тәулікте қалада 5 001 адам вакцина алды. Мұның алдында басқарма басшысы қалада вакциналау қарқыны не себепті төмендегенін түсіндірді.

"Осыдан бір ай бұрын бір күнде 15-16 мың адамға дейін вакцина салдырды. Вакциналау қарқынының төмендеуіне әсер ететін 3 фактор бар: вакцинаға уақытылы келмеу, Qazvac, Hayat Vax, Sinovac вакциналарын күтіп қалу, науқастар көбейгендіктен, үйден шығуға қорқу", - деді Табынбаев.

Ол сондай-ақ коронавирустың таралуына төтеп беретін жалғыз жол вакцина екенін мәлімдеді.

Айта кетейік, Алматыда күн сайын 15-20 мыңға дейін вакцина салуға мүмкіндік бар.

2021 жылдың 1 ақпаны мен 27 шілде аралығында Алматыда екпенің I компонентін 690 711 адам алды. Мегаполистегі медициналық ұйымдарда, мектеп, мәдениет, спорт нысандарында, базар мен қаланың сауда ойын-сауық орталықтарында 212 вакцина пункті жұмыс істейді.

11
Тақырып:
COVID-ке қарсы вакцина
Архивтегі фото

Қарағандыда жарты жыл бойы 13 жасар қызды зорлаған имам сотталды

85
Жергілікті мешіт қызметкері жарты жылға жуық кәмелет жасына толмаған қызды зорлаған, ол жүкті болып қалды

АЛМАТЫ, 28 шілде – Sputnik. Қарағанды облысының соты бірнеше ай бойы 13 жасар қызды зорлаған ауыл мешітінің қызметкеріне қатысты үкім шығарды.

Іс Қарағанды облысының мамандандырылған ауданаралық сотында қаралды. Ер адам Қылмыстық кодекстің 120-бабының төртінші бөлігі "жас баланы зорлау" бойынша сотқа тартылды.

Баланы зорлау 2020 жылдың 3 қаңтарында басталған. Сол күні ауыл молдасы қыздың отбасына үй шаруашылығына көмектескен. Бір сәтте ол ересектердің үйде болмағанын пайдаланып, қызды зорлаған.

Содан кейін ауыл молдасы қызды тағы үш рет зорлаған: сол жылдың ақпан, наурыз және маусым айында. Қыз одан жүкті болды.

Күзетші жас жігітті зорлады: Алматы орталық мешіті түсініктеме берді

Сотталушының кінәсі жәбірленушінің, оның заңды өкілдерінің, куәгерлердің айғағымен, сараптама нәтижесі және іске қатысты басқа да материалдармен дәлелденді. Прокурор соттан молданы 20 жылға бас бостандығынан айыруды сұрады, қыздың заңды өкілдері де сондай жаза талап етті.

Нәтижесінде сот ер адамды 20 жылға бас бостандығынан айырды. Ол жазасын қатаң режимдегі колонияда өтейді. Сотталушы өмір бойы педагогикалық қызметпен айналысу және кәмелетке толмағандармен жұмыс істеу құқығынан айырылды.

Сот үкім шығарған кезде сотталушының бала кезінен үшінші топтағы мүгедек екенін, бұрын сотталмағанын, сондай-ақ өз кінәсін ішінара мойындағанын ескерді.

Үкім заңды күшіне енген жоқ.

85
Архивтегі фото

Мектептер Ashyq жобасына қосылуы мүмкін

9
Балаларды қыркүйектен бастап оффлайн оқыту мәселесі пысықталып жатыр, деді Айжан Есмағамбетова

НҰР-СҰЛТАН, 28 шілде – Sputnik. Денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мектептерде Ashyq қосымшасы енгізілуі мүмкін екенін айтты, деп хабарлайды Sputnik Қазақстан тілшісі.

"Балаларды қыркүйектен бастап оффлайн оқыту мәселесі пысықталып жатыр. Бүгінде мектептерде оқитын балалар саны үш миллионнан асады. Біз оқушылардың мектепте вирус жұқтыруы немесе вирус әкелуі мүмкін екенін түсінеміз. Сол себепті мектептерді, балабақшаларды, жоғары оқу орындарын Ashyq жобасына міндетті түрде қосу мәселесі қарастырылып жатыр", - деді Есмағамбетова баспасөз мәслихатында.

Айтуынша, 12 жасқа дейінгі балалар қоғамдық орындарға көп жағдайда ата-анасымен бірге барады. Сол себепті кіреберісте ата-ананың статусы қауіпсіз екені расталса, балалар солармен бірге өте алады.

Ал ересектерсіз қыдыратын 12 жастан асқан балалар үшін ерікті тестілеу қарастырылған.

9