Солтүстік Қазақстанда орман өртенді

Солтүстік Қазақстанда орман өртенді

502
Табиғи саябаққа қауіп төндірген өрт бес сағаттан кейін ауыздықталды

НҰР-СҰЛТАН, 12 шілде - Sputnik. Солтүстік Қазақстан облысында табиғи парктің орманды ауқабына қауіп төндірген өрт тікұшақ көмегімен сөндірілді, деп хабарлады облыстық төтенше жағдайлар департаментінің баспасөз қызметі.

Лес горел возле села Имантау в Северном Казахстане
© Photo : ПС ДЧС СКО
Солтүстік Қазақстанда орман өртенді

11 шілде күні 101 телефонына Айыртау ауданы Имантау ауылынан 5 шақырым жерде орналасқан Қарауылтөбе орман шаруашылығының орманды аумағына қарай шарпыған құрғақ шөптің өртеніп жатқаны туралы ақпарат келіп түсті.

"Өрт болған жерге құрлықтағы және әуе күштері жұмылдырылды атап айтқанда, Солтүстік Қазақстан облысының төтенше жағдайлар департаментінің, "Көкшетау" мемлекеттік ұлттық табиғи паркінің Арықбалық және Шалқар филиалдары, шаруа қожалықтары және жергілікті тұрғындар күші мен құралдары жедел жіберілді", - деп хабарлады төтенше жағдайлар департаментіндегілер.

Қарағайлы-қайыңды ормандағы өртті 114 жеке құрам, 16 техника және бір тікұшақ сөндірді.

Оқи отырыңыз: Қарағанды облысының үш ауылында төтенше жағдай жарияланды

Уақытылы қабылданған шаралардың арқасында табиғи парктің орман алқаптарына қауіп төндіретін өрттің одан әрі таралуын болдырмауға мүмкіндік туды. Өрт бес сағаттан кейін ауыздықталды.

Зардап шеккендер жоқ. Алдын ала мәлімет бойынша өрт ауданы 100 гектарды құрады. Оның себебі анықталып жатыр.

502
Кілт сөздер:
Солтүстік Қазақстан облысы, орман өрті, орман
Тақырып бойынша
Ғалымдар аптап ыстыққа байланысты дабыл қағып жатыр
Петропавлда көпқабатты тұрғын үйден өрт шықты – видео
Шығыс Қазақстанда орман өрті 14 үйге шарпыды – видео
Риддерде сілесі қатқан өрт сөндірушілер далада ұйықтап жатыр – видео
Риддердегі өрт толығымен сөндірілді
Полицей формасы, архивтегі фото

Павлодарда бірден 200 адам полиция бөліміне жеткізілді

0
Рестобарлардың бірі санитарлық талаптарға қарамастан істеп тұрған. Барда шамамен 200 адам болған

НҰР-СҰЛТАН, 27 шілде – Sputnik. Павлодар қаласында санитарлық-эпидемиологиялық талапты бұзған ойын-сауық орнынан бірден 200 адам полиция бөліміне жеткізілді, деп хабарлады облыстық полиция департаменті.

Атап айтқанда, 24  шілде күні Абай көшесінде орналасқан рестобарлардың бірі санитарлық талаптарға қарамастан істеп тұрған. Барда шамамен 200 адам болған. Барлығын орталық полиция бөліміне жеткізді. Ал келесі күні мониторингтік топ дәл сол барда тағы 40 адамның жиналғанын анықтады. Олардың ішінде кәмелет жасқа толмаған бала да болды.

"Түнгі уақытта ойын-сауық мекемесінде жасөспірім жүрді. Осыған байланысты бардың әкімшісі құқық бұзушылық туралы кодекстің 132-бабы бойынша жауапқа тартылды. Оған сәйкес, жеке тұлғалар 10 АЕК (29 170 теңге), шағын кәсіпкерлік нысандар - 15 АЕК (43 700 теңге), ал орта бизнес өкілдері екі есе артық айыппұл төлеуге міндеттеледі", - дейді полицейлер.

Бұдан бөлек, ойын-сауық мекемесінің иесін әкімшілік жауапқа тарту үшін барлық материал санитарларға жіберілді. Әкімшілік құқық бұзушылық туралы кодекстің 425-бабы (санитарлық-эпидемиологиялық талаптарды бұзу) бойынша жеке тұлғаларға 30 АЕК (87 510 теңге), лауазымды тұлғаларға, шағын кәсіпкерлік нысандарына - 230 АЕК (670 910 теңге), орта бизнес өкілдеріне - 310 АЕК  (904 270 теңге), ал ірі  кәсіпкерлерге 1600 АЕК (4 667 200 теңге) көлемінде айыппұл салу жазасы қарастырылған.

0
Тақырып:
Төтенше жағдай және карантин
Архивтегі фото

Алматыда пәтер тонауды кәсіп еткен қылмыстық топ ұсталды

202
Пәтер тонаушылар қолма-қол ақша, шағын тұрмыстық техника,  әшекей секілді құнды заттардың бәрін алып кетіп отырған  

АЛМАТЫ, 27 шілде – Sputnik. Алматыда үш ер адам өзгенің пәтеріне кіріп, құнды заттарды ұрлауды кәсіп еткен. Қазірге дейін олардың 5 қылмысы әшкереленді, деп хабарлады Polisia.kz.

Полицияның хабарлауынша, қаскөйлер аула аралап, көпқабатты үйлердің терезесі мен кіреберісін бақылаған.

Алматы қалалық полиция департаменті криминалдық полиция басқармасының бастығы Қуатбек Науатов қаскөйлер жұмыс күндері, адамдар жұмыста болған кезде әрекет еткенін айтты.

"Олар кілт таңдау арқылы есікті ашып, құнды заттардың бәрін алып шыққан. Бұл қолма-қол ақша, шағын тұрмыстық техника және түрлі әшекейлер. Екеуі үйді тонап жатқанда, үшіншісі көлікте отырып, қауіпсіздікті бақылаған", - дейді Қуатбек Науатов.

Қазіргі уақытта үшеуі де ұсталды.

Соңғы рет қаладағы бір пәтерден алтын бұйымдар мен ақша ұрлаған. Шығынның жалпы көлемі – миллион теңге. Қолға түскен кезде ұсталғандар заттай айғақтан құтылып үлгермеген. Олар тұтқындау кезінде тәркіленді. Қазір қылмыстық үштік уақытша ұстау изоляторына қамалды.

Қылмыстық кодекстің 188-бабы 3-бөлігі ("ұрлық") бойынша сотқа дейінгі тергеу амалдары жүргізіліп жатыр.

Полицияның хабарлауынша, ұсталғандардың барлығы Шығыс Қазақстан облысының тумасы. Үшеуі де осыған ұқсас қылмыстары үшін қылмыстық жауапкершілікке тартылған.

202