Павлодар, архивтегі фото

Павлодарда тәртіптік жауапкершілікке тартылған әкімдер сайлауға жіберілді

76
Екібастұз ауылдық округінде тәртіптік жауапкершілікке тартылған әкімдерге сайлауға қатысуға рұқсат берілді

НҰР-СҰЛТАН, 12 шілде  – Sputnik. Павлодар облысында қазір қызметте отырған бес ауыл әкіміне тәртіптік жауапкершілікке тартылғанына қарамастан алдағы сайлауға қатысуға рұқсат берілді, деп хабарлайды Sputnik Қазақстан.

"Сонша жыл еңбектенгеннен кейін сайлауға қатысуға мүмкіндік бермеу дұрыс болмайтын еді. Сондықтан осы жолы біз оларға, яғни Екібастұз ауылдық аймағындағы бес әкімге сайлауға түсуге мүміндік бердік. Қазір бұл әкімдер Nur Otan саяси партиясы атынан ұсынылды", - деп мәлімдеді өңірлік коммуникациялар қызметінде өткен баспасөз конференциясы кезінде Екібастұз қаласындағы аймақтық сайлау комиссиясының төрағасы Сансызбай Төлеубаев.

Журналистер тарапынан "бұған қалайша рұқсат берілгені, себебі қазіргі қолданыстағы заңға сәйкес мемлекеттік қызметке нұқсат келтірген әрекеті үшін соңғы үш жылда тәртіптік жауапкершілікке тартылған азамат мемлекеттік қызметке тағайындалмауы керек" екені туралы сұраққа жауап берген спикер мемлекеттік қызмет жөніндегі агенттікке сілтеме жасады.

Посмотреть эту публикацию в Instagram

Публикация от kerek (@kerek.pv)

"Мемлекеттік қызмет агенттігі осы жағдайды қарап, заңға үңіліп, оларға сәйкес құжаттарымен сайлауға қатысуға мүмкіндік берді", - деді ол.

Осы жылдың мамыр-маусымында бес ауыл әкімі "Еңбек" мемлекеттік бағдарламасын жүзеге асыру барысында заң бұзушылыққа жол бергені үшін тәртіптік жазаға тартылды. Олардың барлығы көп жылдан бері округ басқарып келе жатыр.

Оқи отырыңыз: СҚО-да 225 адам ауыл әкімі қызметі үшін сайлауға түседі

Sputnik Қазақстан бұған дейін хабарлағандай, Павлодар облысында 44 ауылдық округте ауыл әкімі қызметі үшін сайлауға қатысатын кандидаттарды ұсыну кезеңі аяқталды.

Облыстық сайлау комиссиясының төрағасы Гүлнәр Аманжолаваның айтуынша, 168 адам әкімдікке үміткер болып отыр. Оның ішінде саяси партиядан 59 адам ұсынылды. Атап өтсек, Nur Otan - 35, "Ауыл" - 4, "Ақ жол" - 8, "Адал" - 3, Қазақстанның халық партиясы - 7, Жалпыұлттық социал-демократиялық партиясы - 2. Өзін-өзі ұсынғандар саны 109 кандидатты құрап отыр. Бұл сайлауға қатысушылардың жалпы санының 65%-і. 168 кандидаттың ішінде 118 әйел мен 50 ер адам бар.

Ауыл әкімі қызметі үшін сайлауға түсетін 126 адам бүгінгі күнге дейін заңнама талаптарына сәйкестік бойынша тексеруден өтті.

76
Кілт сөздер:
Павлодар облысы, сайлау, әкім, ауыл
Тақырып бойынша
Қазақстанда түбегейлі жаңа институт - "кеңестер" пайда болады
Ауыл әкімдерінің сайлауы 25 шілдеде өтеді - Карин
Тоқаев Имашевқа сайлауға қатысты тапсырма берді
Президенттің көмекшісі алдағы сайлауда болатын маңызды жаңалық жайында жазды 
Полицей формасы, архивтегі фото

Павлодарда бірден 200 адам полиция бөліміне жеткізілді

899
Рестобарлардың бірі санитарлық талаптарға қарамастан істеп тұрған. Барда шамамен 200 адам болған

НҰР-СҰЛТАН, 27 шілде – Sputnik. Павлодар қаласында санитарлық-эпидемиологиялық талапты бұзған ойын-сауық орнынан бірден 200 адам полиция бөліміне жеткізілді, деп хабарлады облыстық полиция департаменті.

Атап айтқанда, 24  шілде күні Абай көшесінде орналасқан рестобарлардың бірі санитарлық талаптарға қарамастан істеп тұрған. Барда шамамен 200 адам болған. Барлығын орталық полиция бөліміне жеткізді. Ал келесі күні мониторингтік топ дәл сол барда тағы 40 адамның жиналғанын анықтады. Олардың ішінде кәмелет жасқа толмаған бала да болды.

"Түнгі уақытта ойын-сауық мекемесінде жасөспірім жүрді. Осыған байланысты бардың әкімшісі құқық бұзушылық туралы кодекстің 132-бабы бойынша жауапқа тартылды. Оған сәйкес, жеке тұлғалар 10 АЕК (29 170 теңге), шағын кәсіпкерлік нысандар - 15 АЕК (43 700 теңге), ал орта бизнес өкілдері екі есе артық айыппұл төлеуге міндеттеледі", - дейді полицейлер.

Бұдан бөлек, ойын-сауық мекемесінің иесін әкімшілік жауапқа тарту үшін барлық материал санитарларға жіберілді. Әкімшілік құқық бұзушылық туралы кодекстің 425-бабы (санитарлық-эпидемиологиялық талаптарды бұзу) бойынша жеке тұлғаларға 30 АЕК (87 510 теңге), лауазымды тұлғаларға, шағын кәсіпкерлік нысандарына - 230 АЕК (670 910 теңге), орта бизнес өкілдеріне - 310 АЕК  (904 270 теңге), ал ірі  кәсіпкерлерге 1600 АЕК (4 667 200 теңге) көлемінде айыппұл салу жазасы қарастырылған.

899
Тақырып:
Төтенше жағдай және карантин
Архивтегі фото

Алматыда пәтер тонауды кәсіп еткен қылмыстық топ ұсталды

509
Пәтер тонаушылар қолма-қол ақша, шағын тұрмыстық техника,  әшекей секілді құнды заттардың бәрін алып кетіп отырған  

АЛМАТЫ, 27 шілде – Sputnik. Алматыда үш ер адам өзгенің пәтеріне кіріп, құнды заттарды ұрлауды кәсіп еткен. Қазірге дейін олардың 5 қылмысы әшкереленді, деп хабарлады Polisia.kz.

Полицияның хабарлауынша, қаскөйлер аула аралап, көпқабатты үйлердің терезесі мен кіреберісін бақылаған.

Алматы қалалық полиция департаменті криминалдық полиция басқармасының бастығы Қуатбек Науатов қаскөйлер жұмыс күндері, адамдар жұмыста болған кезде әрекет еткенін айтты.

"Олар кілт таңдау арқылы есікті ашып, құнды заттардың бәрін алып шыққан. Бұл қолма-қол ақша, шағын тұрмыстық техника және түрлі әшекейлер. Екеуі үйді тонап жатқанда, үшіншісі көлікте отырып, қауіпсіздікті бақылаған", - дейді Қуатбек Науатов.

Қазіргі уақытта үшеуі де ұсталды.

Соңғы рет қаладағы бір пәтерден алтын бұйымдар мен ақша ұрлаған. Шығынның жалпы көлемі – миллион теңге. Қолға түскен кезде ұсталғандар заттай айғақтан құтылып үлгермеген. Олар тұтқындау кезінде тәркіленді. Қазір қылмыстық үштік уақытша ұстау изоляторына қамалды.

Қылмыстық кодекстің 188-бабы 3-бөлігі ("ұрлық") бойынша сотқа дейінгі тергеу амалдары жүргізіліп жатыр.

Полицияның хабарлауынша, ұсталғандардың барлығы Шығыс Қазақстан облысының тумасы. Үшеуі де осыған ұқсас қылмыстары үшін қылмыстық жауапкершілікке тартылған.

509
Бокс, Олимпиада

Қазақстан үшін сәтті салмақтағы боксшы алғашқы жекпе-жекте ұтылды

10
(Жаңартылды 15:13 27.07.2021)
Бұған дейін Серік Теміржанов, Закир Сафиуллин мен Сәкен Бибосынов алғашқы жекпе-жектерін сәтті өткізген болатын. Бүгін Василий Левит те рингке шығады

НҰР-СҰЛТАН, 27 шілде – Sputnik. Токио Олимпиадасына 69 салмақ дәрежесі бойынша жолдама алған Абылайхан Жүсіпов алғашқы жекпе-жекте ұтылды, деп хабарлайды Sputnik Қазақстан тілшісі.

Қазақстандық боксшы бірден екінші айналымнан бастады. Оған қарсы америкалық Деланте Джонсон шықты. Бірінші раундта бес төрешінің үшеуі Жүсіповқа жоғары ұпай қойды. Ал екінші раунда америкалық боксшы басым болды. Үшінші раунда бір төреші ғана Абылайханның дайындығын жоғары бағалады. Осылайша, жерлесіміз 1:4 есебімен ұтылып қалды. 

Бұған дейін Серік Теміржанов (57 келі), Закир Сафиуллин (63 келі) мен Сәкен Бибосынов (52 келі) алғашқы жекпе-жектерін сәтті өткізген болатын. Бүгін Василий Левит (91 келі) те рингке шығады. Одан бөлек, Әбілхан Аманқұл (75 келі), Бекзат Нұрдәулетов (81 келі) пен Қамшыбек Қоңқабаев (91 келіден жоғары) бар. Ал әйелдер арасындағы бокста ел намысын жалғыз Надежда Рябец (75 келі) қана қорғайды.

Айта кетері, 2004 жылдан бері Қазақстан үшін бокста 69 келі салмақ дәрежесі сәтті болған. Боксшыларымыз төрт Олимпиадада қатарынан алтын медаль иеленген. Мәселен, Рио Олимпиадасында Данияр Елеусінов, оған дейін Серік Сәпиев Лондонда чемпион атанған болатын. Оның алдында Бақыт Сәрсекбаев пен Бақтияр Артаев та дәл осы салмақта топ жарды. Боксшылармыз екі рет Вэл Баркер кубогын да иеленді.

10
Кілт сөздер:
олимпиада, жекпе-жек, бокс
Тақырып:
Токио Олимпиадасы
Тақырып бойынша
Зал шулап кетті: Левит төрешілердің шешіміне аң-таң болды – видео
Олимпиада жүлдегері Елдос Сметовке Алматы әуежайында тосын сый жасалды – видео
Олимпиада ойындары өтіп жатқан Токиоға жойқын тайфун жақындап келеді
Алға, Қазақстан: әртістер Токиодағы Олимпиада құрамасына ән арнады –  видео
Олимпиада ойындары бас стадионының көрінісі – видео