Мал, архивтегі сурет

Қостанай облысында үш адам сібір жарасын жұқтырды

54
Аурудың таралуына құрғақшылық себеп болуы мүмкін. Өрісте жайылған мал шөпті тамырымен жұлып жегенде топырақта қалған сібір жарасын жұқтыруы мүмкін деген болжам бар

НҰР-СҰЛТАН, 13 шілде – Sputnik. Қостанай облысының Денисов ауданында сібір жарасы бойынша қолайсыз эпидемиологиялық жағдай қалыптасты. Ірі шаруашылықтардың бірінде мал қырылды. Бұл туралы Қостанай облысы санитарлық-эпидемиолгиялық бақылау департаменті аса қауіпті  инфекциялар бөлімінің басшысы Людмила Налобина мәлімдеді.

Оның айтуынша, малдың қырылу себебін анықтау бойынша жұмыс жүргізу барысында осы шараларға қатысқан үш адам ауру жұқтырды. Қазір олар  облыс орталығының инфекциялық стационарында жатыр, деп жазады өңірлік "Алау" басылымы.

Бұл жағдайды тергеу барысында эпидемиологтар мен ветеринарлар ауруға сібір жарасының қоздырғышы себеп болғанын анықтады.

"Қазір ауру жұқтыру ошағында профилактикалық эпидемияға қарсы және эпизоотияға қарсы шаралар өткізіліп жатыр. Індетке қатысы бар адамдар бактерияға қарсы профилактикалық ем қабылдауда, содан кейін оларға сібір жарасына қарсы вакцина егіледі. Инфекция көзі әзірге анықталған жоқ", - деп атап өтті Людмила Налобина.

Сондай-ақ ол көп жағдайда ескі сібір жарасы көмінділері инфекция көзі болатынын айтты. Ондай аумақта мал жаюға тыйым салынса да, жергілікті тұрғындар мұны елемейді.

Бірақ, оның айтуынша, мал қырылған шаруашылық аумағында мұндай көмінділер жоқ.

Тағы оқыңыз: Қазақстанға коронавирустан басқа қандай жұқпалы аурулар қауіп төндіруі мүмкін

"Сібір жарасына аптап ыстықтан болған құрғақшылық себеп болуы мүмкін. Өрісте жайылған мал шөпті тамырымен жұлып жеп, топырақтағы сібір жарасының спораларын жұқтыруы мүмкін", - деді Налобина.

Сібір жарасының инкубациялық кезеңі 14 күнді құрайды. Бастапқы белгілері – әлсіздік, дене қызуы, бас және бұлшықеттің ауыруы. Ауру көбінесе теріні зақымдайды.

Сібір жарасының өршуі терінің қызаруымен басталады. Содан кейін іші қанды сұйықтыққа толы көпіршік пайда болады. Кейін көпіршік жарылып, қара көмір түсті жараға айналады. Сібір жарасы көп жағдайда жеңіл өтеді.

54
Кілт сөздер:
Қостанай облысы
Архивтегі фото

Шымкентте ене мен келін ковидтен бір күнде қайтыс болды құрсақтағы бала аман қалды

736
Егде жастағы әжей той-томалаққа барып індет жұқтырған. Кейін үйіндегі аяғы ауыр келінінен де қауіпті індет анықталған

НҰР -СҰЛТАН, 31 шілде – Sputnik. Шымкентте бір үйде тұратын екі әйел коронавирустан көз жұмды, деп хабарлады Otyrar.kz.

Қалалық денсаулық сақтау басқармасының басшысы Бақытжан Пазыловтың сөзінше, егде жастағы әжей той-томалаққа барып індет жұқтырған.

Кейін үйіндегі аяғы ауыр келінінен де қауіпті індет анықталыпты. Емханаға екеуі де қиын жағдайда түскен, дейді қаланың бас дәрігері. Ақ халаттылар келіншектің баласын аман алып қалды.

"Енесі тойда коронавирус жұқтырып, ауруханаға түскен. Артынша аяғы ауыр келіні ауруханаға жатқызылды. Екеуі де вакцина салдырмаған. 1 күнде қайтыс болады. Баласын аман алып қалдық", - дейді Бақытжан Пазылов.

Айта кетейік, өткен тәулікте Шымкентте 18 адам коронавирустан көз жұмды. Мамандар індеттен қайтыс болғандардың вирусты той-томалақтан жұқтырғанын айтады.

736
Тақырып:
Коронавирус эпидемиясы
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

3263
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

3263
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0