Пышақ, архивтегі сурет

Ақсудағы үш адамның өлімі: көршілері оқиғаның мән-жайын айтты

599
(Жаңартылды 10:33 14.07.2021)
Тергеушілер қайғылы жағдай болған түні марқұм мен күдіктінің арасында не болғанын анықтап жатыр. Қанды қылмысқа қатысы бар күдікті 20 жылға немесе өмір бойына сотталуы мүмкін

АЛМАТЫ, 14 шілде – Sputnik. 35 жастағы әйел мен оның екі қызының кісі қолынан қаза болуы Павлодар облысы Ақсу қаласы тұрғындарын дүрліктірді. Полиция ақпаратына сәйкес, үш адамның өліміне қатысы бар деген күдікпен ер адам ұсталды.

Ол марқұм әйелмен таныс болған. Трагедия түні екеуінің арасында жанжал шығып, әйелге пышақ сұққан. Содан кейін оның 7 жасар Гүлдана және 5 жасар Раяна деген қыздарын өлтірген.

Алайда сол түні көршілері ешқандай шу естімегенін айтты.

"Әйел таңнан кешке дейін жұмыста болатын. Тіпті үйдің алдындағы орындықтарда отыруға уақыты жоқ еді. Ол көп жұмыс істеді. Ешкімнің ештеңе естімегеніне, неге тыныш болғанына таңғалып отырмыз. Әйелдің көршісі түнгі сағат 2:00-де темекі тартқанын айтты, бірақ еш нәрсе естімеген. Қазір жаз кезі болғандықтан, барлық терезе ашық тұрады, бәрі естіледі. Алайда ол бәрі тыныш болғанын айтты", - деп жеткізді марқұмның көршісі Виктория Вольфтың сөзін AstanaTV телеарнасы.

Көршілердің айтуынша, әйел жуырда ғана осы пәтер мен азық-түлік бөлімін сатып алған. Қыздары да үнемі ұқыпты жүрген.

Зухра мен оның қыздарының денесін қайтыс болғандардың әкесі мен атасы тапқан.

Марқұмның туыстары БАҚ өкілдерімен байланысқа шықпай отыр. Жерлеу рәсімін Шымкентте өткізгісі келетіні ғана белгілі.

Ал тергеу кісі өлтіруге не себеп болуы мүмкін екенін анықтап жатыр.

"11 шілде түнгі сағат үш шамасында олардың арасында жанжал шығып, ер адам әйелді пышақтап өлтірген. Шуға қыздары оянған, салдарынан ол балаларға да пышақ сұққан. Қазір ер адам ұсталды, қылмыс құралы мен заттай айғақтар тәркіленді. Күдікті уақытша ұстау изоляторына қамалды", - деді Павлодар облысы полиция департаменті бастығының міндетін атқарушы Жасқайрат Қайыров.

Сотқа дейінгі тергеу екі бап бойынша жүргізіліп жатыр: "екі және одан да көп адамды өлтіру" және "жас балаларды өлтіру". Кінәлі 20 жылға немесе өмір бойына бас бостандығынан айырылуы мүмкін.

599
Кілт сөздер:
көрші, Павлодар облысы
Тақырып бойынша
Үйіне оралған павлодарлық әйелі мен 3 баласының денесін тапты
Ақсуда әйел мен оның екі баласын өлтіріп кетті: полиция күдіктіні ұстады
Топпен зорлаған: Шымкентте 7 жыл бойы жасырынып келген күдікті ұсталды – видео
Пышақтап тастаған: Ақсуда әйел мен екі кішкентай баласының денесі табылды
Павлодар облысында адам өлтірді деген күдікті 17 жылдан кейін ұсталды
Архивтегі фото

Жүргізушілердің бір-біріне жол бермеуінің кесірінен әкелі-балалы жолаушылар көз жұмды

4
Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кеткен

НҰР-СҰЛТАН, 29 шілде – Sputnik. Қарағанды облысында жантүршігерлік жол апатынан әкелі-балалы көз жұмды. Трагедия жүргізушілердің бір-біріне жол бермеуінің кесірінен болған.

36 жастағы ер адам мен 10 жасар ұлы Lada Granta көлігінде жолаушы болып отырған, деп хабарлады КТК.

Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кетеді. Қатты соққының салдарынан әкесі мен баласы сол арада тіл тартпай кетті. Ал Lada иесі ауруханаға жеткізілді.

Ақтауда жол апаты адам өмірін қиды: көлік ішінде түсірілген видео жарияланды

Howo-ны 34 жастағы жігіт тізгіндеген. Мәліметтерге қарағанда ол қарама-қарсы бағытта келе жатқан жеңіл көлікке жол бермей солға бұрып жіберген. Оқиғаның анық-қанығын полиция тергеп жатыр.   

4
Бақытжан Сағынтаев

Сағынтаев алматылықтарға үндеу жасады

80
(Жаңартылды 21:48 28.07.2021)
Қала басшысы алматылықтар мен қала қонақтарын КВИ екпесін алып, сақтық пен жауапкершілік танытуға шақырды

НҰР-СҰЛТАН, 28 шілде – Sputnik. Алматы әкімі Бақытжан Сағынтаев "Алматы" телеарнасындағы Akimat Live бағдарламасының тікелей эфирінде эпидемиологиялық ахуал күрделеніп, КВИ індетінің асқынғанын хабарлады.

Әкім вирустың таралуына қарсы тұру үшін қалалықтарды белсенді түрде вакцина салдыруға шақырды.

КВИ бойынша эпидемиологиялық ахуал соңғы аптада айтарлықтай нашарлады. 23 шілдеден бастап күн сайын мыңнан астам науқас тіркеліп жатыр.   

Апта ішінде науқастар саны 1,2 есеге өсті – 5483 жағдайдан 6818-ге дейін, тәуліктік өсім 1,3%-ті құрады. Симптомды науқастардың үлес салмағы баяулап, 90% деңгейінде қалды.

27 шілдедегі мәлімет бойынша Алматы қаласында вакцинаның I компонентін халықтың 49,9%, II компонентін 33,6%-і алды. Алайда бұл COVID-19 "дельта" нұсқасынан туындаған эпидемияның кезекті толқынын тұрақтандыру үшін әлі де жеткіліксіз.

Сонымен қатар, соңғы 2 аптадағы жас құрамыны талдау мынаны көрсетеді: 1 жасқа дейінгі балалардың дертке шалдығу көрсеткіші 0,3%-ке артып, 2,8% болды. Өткен аптада 135 бала дертке шалдықса, қазір олардың саны 178 балаға артты. КВИ дерті 20-дан 40 жасқа дейінгі азаматтар арасында – 38%, 40-59 жаста – 25% және 60 жастан асқан адамдарда - 20%.

Осыған орай Сағынтаев алматылықтар мен қала қонақтарын КВИ екпесін алып, сақтық пен жауапкершілік танытуға шақырды.  

80
Тақырып:
COVID-ке қарсы вакцина