Оқушы, көрнекі фото

Қарағандылық екі баланың әрекеті тұрғындарды шошытты видео

9801
(Жаңартылды 16:16 14.07.2021)
Екі бала мысықты жоғары қабаттан лақтырып жіберген. Оны сол маңнан өтіп бара жатқан адам көріп, ветеринарлық емханаға жеткізген

АЛМАТЫ, 14 шілде – Sputnik. Қарағандыда екі бала мысықты тоғызыншы қабаттан лақтырып жіберді, деп хабарлады "5 арна". Олардың әрекеті подъезде орнатылған бейнебақылау камераларына түсіп қалған.

Оқиға 12 шілдеде Ержанов көшесінде болған.

"Оларды табуға көмектесіңіздер, арамызда қандай құбыжықтар бар екенін бәрі біліп, көрсін. Бүгін мысықты лақтырды, ертең баланы лақтырады. Подъездегі бейнебақылау камерасының видеосы бар. Ол балалардың ата-анасы жазалануы керек", - деді жергілікті тұрғын журналистерге.

"Новый вестник" басылымы мысықты сол маңнан өтіп бара жатқан адамның ветеринарлық емханаға апарғанын анықтады. Мамандар жануардың ауыр халде екенін хабарлады. Мысықтың ішіндегі баласы өліп қалған.

Құқық қорғау органдарының қызметкерлері 9 және 10 жастағы екі баланы анықтады.

Посмотреть эту публикацию в Instagram

Публикация от Газета «Новый Вестник» [16+] (@nv.kz)

Балалардың ата-анасына қатысты әкімшілік құқық бұзушылық туралы кодекстің 127-бабының 1-бөлігі (кәмелетке толмаған балаларды тәрбиелеу және (немесе) оларға білім беру, олардың құқығын және мүддесін қорғау жөніндегі міндеттерді орындамауы) бойынша әкімшілік хаттамалар толтырылды. Балалардың ата-анасы мысықты емдеу үшін барлық шығынды төлеуге уәде берген.

Мысықтың иесі де анықталды, ол қаланың 37 жастағы тұрғыны болып шықты.

9801
Кілт сөздер:
мысық, бала
Архивтегі фото

Шымкентте ене мен келін ковидтен бір күнде қайтыс болды құрсақтағы бала аман қалды

752
Егде жастағы әжей той-томалаққа барып індет жұқтырған. Кейін үйіндегі аяғы ауыр келінінен де қауіпті індет анықталған

НҰР -СҰЛТАН, 31 шілде – Sputnik. Шымкентте бір үйде тұратын екі әйел коронавирустан көз жұмды, деп хабарлады Otyrar.kz.

Қалалық денсаулық сақтау басқармасының басшысы Бақытжан Пазыловтың сөзінше, егде жастағы әжей той-томалаққа барып індет жұқтырған.

Кейін үйіндегі аяғы ауыр келінінен де қауіпті індет анықталыпты. Емханаға екеуі де қиын жағдайда түскен, дейді қаланың бас дәрігері. Ақ халаттылар келіншектің баласын аман алып қалды.

"Енесі тойда коронавирус жұқтырып, ауруханаға түскен. Артынша аяғы ауыр келіні ауруханаға жатқызылды. Екеуі де вакцина салдырмаған. 1 күнде қайтыс болады. Баласын аман алып қалдық", - дейді Бақытжан Пазылов.

Айта кетейік, өткен тәулікте Шымкентте 18 адам коронавирустан көз жұмды. Мамандар індеттен қайтыс болғандардың вирусты той-томалақтан жұқтырғанын айтады.

752
Тақырып:
Коронавирус эпидемиясы
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

3289
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

3289
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0