Бұқа, көрнекі фото

Солтүстік Қазақстанда бұқа ер адамды сүзіп өлтірді

78
(Жаңартылды 13:42 15.07.2021)
Қайғылы оқиға бақташы мал үйірін қараусыз қалдырған сәтте болған. Сол сәтте өгіздің бірі үйірден шығып, жақын маңда балық аулап отырған ер адамға тап берген

НҰР-СҰЛТАН, 15 шілде — Sputnik. Солтүстік Қазақстан облысында үйірінен қашып кеткен бұқа ер адамға тап беріп, оны сүзіп өлтірді, деп хабарлады облыстық полиция департаментінің баспасөз қызметінде.

Оқыс оқиға Ақжар ауданында болған. Симментал тұқымына жататын өгіз өзен жанында 67 жастағы балықшыға шабуыл жасаған.

"Мал үйірін уақытша қараусыз тастап кеткен бақташы қайта оралғанда жараланған ер адамды көрген. Дене жарақатын алған ауыл тұрғыны аудандық ауруханада көз жұмды", - деді полицияда.

Полицияда атап өткендей, бұл жағдай қараусыз қалған малдың қаншалықты қауіпті екенін дәлелдеп отыр. Бақташы әкімшілік құқық бұзушылықтар туралы кодексінің 408-бабы 2-бөлімі бойынша мал бағу ережелерін бұзудың адам денсаулығына залал келтіруін әкеп соғуы бойынша жауапкершілікке тартылды.

Атап өтсек, бұл құқық бұзушылық үшін он айлық есептік көрсеткіш көлемінде (29 170 теңге) айыппұл қарастырылған. Жыл басынан бері осы бап бойынша 229 хаттама толтырылды.

Оқи отырыңыз: Сиырларды қағып кеткен: Алматы облысында жол апатынан бір адам көз жұмды

"Иелері анықталғанға дейін 3 225 бас мал арнайы қораға жабылды. Осыған байланысты облыс тұрғындарын заңнама талаптарын сақтауға, малды өз бетімен жібермеуге және қауіпсіздік шараларын сақтауға шақырамыз", - деді жергілікті полиция қызметі басқармасының басшысы Айдын Байматов.

Сонымен қатар дәл осы күні Есіл ауданында 60 жастағы ер адам аттан құлап көз жұмды.

Аудандық полиция бөлімінің қызметкерлері екі факті бойынша тексеру жүргізді. Оқиғаның қылмыстық сипаты жоқ екеніне көз жеткізу үшін арнайы сараптамалар тағайындалды.

78
Кілт сөздер:
сиыр, қайтыс болды
Құжатқа қол қою

Облыс бас санитар дәрігерінің жаңа қаулысы шықты не өзгерді

39
(Жаңартылды 11:32 04.08.2021)
Сауда ойын-сауық орталықтары, сауда үйлері, сауда желілері жұмыс күндері сағат 17:00-ге дейін ашық болады

АЛМАТЫ, 4 тамыз – Sputnik. Ақтөбе облысында бас санитар дәрігердің жаңа қаулысы шықты, деп хабарлайды Sputnik Қазақстан.

Соған сәйкес, сұлулық салондары, шаштараз және косметологиялық қызмет көрсететін нысандар алдын ала жазылу бойынша сағат 09:00-17:00 аралығында жұмыс істейді. Ashyq жобасына қосылған нысандар жұмыс күндері сағат 07:00-20:00 аралығында, толтырылуы 50% болып жұмыс істейді.

Облыстағы жабық базарлар жұмыс күндері сағат 16:00-ге дейін ашық болады. Ashyq жобасына қосылған базарлар жұмыс күндері сағат 17:00-ге дейін, "Лидер" мәртебесі бар қатысушылар сағат 19:00-ге дейін жұмыс істейді. Сенбі-жексенбі қызметіне тыйым салынған.

Банк, ХҚКО, "Қазпочта" АҚ бөлімшелері Ashyq жобасына қатысатындарын қоспағанда сағат 09:00-18:00 аралығында жұмыс істейді, сенбі және жексенбі жұмысына тыйым салынған. Aqshyq жобасына сәйкес, ХҚКО жұмыс күндері сағат 10.00-ден 20.00-ге дейін жұмыс істей алады.

Мейрамхана, дәмхана және кофехана типі бойынша қоғамдық тамақтану объектілері жұмыс күндері  сағат 09:00-18:00 аралығында жұмыс істейді. Алайда нысанның толтырылуы 50%-ке дейін, 30 орыннан аспауы қажет. Ashyq жобасына қосылмаған нысандар сенбі және жексенбі жабылады. Тамақты жеткізу штаттық режимде орындалады.

Ұжымдық және бұқаралық іс-шара өткізуге қатаң тыйым салынған.

Сауда ойын-сауық орталықтары, сауда үйлері, сауда желілері жұмыс күндері сағат 17:00-ге дейін ашық болады. Ashyq жобасына қатысатын балалардың ойын-сауық орталықтары жұмыс істейді, қалған жерде жабық болады. Aqshyq жобасына қосылған сауда ойын-сауық орталықтары жұмыс күндері сағат 07.00-20.00-ге дейін, "Лидер" мәртебесі бар қатысушылар сағат 07.00-22.00 аралығында жұмыс істейді. Сенбі-жексенбі жабылады.

Ashyq жобасына қосылмаса, қызметіне тыйым салынатын нысандар:

  • Театр, кинотеатр, концерт залдары, филармония;
  • Боулинг клубтары;
  • Мәдениет нысандары;
  • Бильярд;
  • Караоке;
  • Көрмелер;
  • Цирктер.

Бұл нысандар Ashyq жобасына қосылған жағдайда жұмыс күндері 07.00-20.00-ге дейін, "Лидер" мәртебесі бар қатысушылар сағат 07.00-22.00 аралығында жұмыс істейді. Сенбі-жексенбі жабылады.

Қаулының толық мәтіні мен нысандар тізімін мына жерден көруге болады. Құжат бүгіннен бастап күшіне енеді.

39
Кілт сөздер:
Ақтөбе облысы, дәрігер
Тақырып бойынша
Цой тамыз-қыркүйектегі эпидемиологиялық ахуалға болжам жасады
"Жағдай нашарлады": Мамин министрлер мен әкімдерге тапсырма берді
Қазақстанда коронавирус жұқтырғандар саны 600 мыңнан асты
Түркістан облысы COVID-19 таралуы бойынша "жасыл" аймаққа енді
Бір тәулікте 149 қазақстандық коронавирус пен пневмониядан көз жұмды
Гүл, архивтегі сурет

Жамбыл облысы әкімінің орынбасары қайтыс болды

65
(Жаңартылды 12:04 04.08.2021)
58 жастағы Ұлан Жазылбек Жамбыл облысы әкімдігінде өнеркәсіп пен кәсіпкерлік бағытына жетекшілік етті. Бұл қызметке былтыр мамыр айында кіріскен болатын

АЛМАТЫ, 4 тамыз – Sputnik. Жамбыл облысы әкімінің орынбасары Ұлан Жазылбек қайтыс болды. Ақпаратты Sputnik Қазақстан тілшісіне облыс әкімдігінің баспасөз қызметі растады.

58 жастағы Ұлан Жазылбек Жамбыл облысы әкімдігінде өнеркәсіп пен кәсіпкерлік бағытына жетекшілік етті.

Ұлан Жазылбек былтыр мамырдан бастап Жамбыл облысы әкімінің орынбасары қызметін атқарды. Оның алдында 2017 жылдың қарашасынан бастап Павлодар облысы әкімінің бірінші орынбасары болды. 

Оған дейін Ұлан Жазылбек ұлттық экономика, өңірлік даму министрліктерінің құрылымында жұмыс істеген. 

2009-2011 жылдары "Қорғас шекара маңы ынтымақтастығы халықаралық орталығы" АҚ департаментінің директоры, "Қорғас-сервис" ЖШС құрылыс бөлімінің бастығы болды.

Кейбір БАҚ Ұлан Жазылбектің өліміне коронавирус себеп болғанын жазып жатыр. Жамбыл облысы әкімдігінің баспасөз қызметі марқұм тыныс жеткіліксіздігі салдарынан көз жұмғанын хабарлады.

65
Кілт сөздер:
Жамбыл облысы
Тақырып бойынша
Қазақстанның еңбек сіңірген әртісі дүниеден өтті
Қазақстанның бұрынғы бас мүфтиі өмірден озды
Белгілі дәрігер Қуаныш Маскеев өмірден озды
Төрт бала жетім қалды: ерлі-зайыпты ковидтік пневмониядан қайтыс болды
Ұлын 10 жылдан кейін көрген әйел төрт күннен соң қайтыс болды
Архивтегі сурет

Қазақстанның он тоғыз миллионыншы тұрғыны туралы жаңа дерек шықты

0
Қазақстанның он тоғыз миллионыншы тұрғыны ретінде тіркелген Жания Азаматқызы Алматы қаласында дүниеге келді

НҰР-СҰЛТАН, 4 тамыз – Sputnik. Қазақстанның он тоғыз миллионыншы азаматы 20 маусымда Алматы қаласында туды. Бұл туралы ұлттық статистика бюросы хабарлайды.

Халықтың ағымдағы есебі деректеріне сәйкес 2021 жылдың 20 маусымында Қазақстан Республикасының 19 миллионыншы тұрғыны дүниеге келді.

"Еліміздің он тоғыз миллионыншы тұрғыны ретінде Жания Азаматқызы анықталды. Ол Алматы қаласында туған, отбасында төртінші бала", - делінген хабарламада.

Туу туралы актісіне сәйкес, нәрестенің ата-анасы Алматы облысы Іле ауданы Чапаево ауылында тұрады. Анасы – 1986 жылғы Назгүл Көбентаева, әкесі – 1982 жылғы Азамат Нұрғалиев.

Бұл ретте Ұлттық статистика бюросы он тоғыз миллионыншы тұрғын қалай анықталғанын түсіндірді. Оны анықтау кезінде табиғи қозғалыс өсімі (белгілі бір кезеңде дүниеге келгендер мен қайтыс болғандар арасындағы айырма) және халықтың көші-қон айырымы (ел аумағына белгілі бір кезеңде келгендер саны және оның шегінен тыс кеткендер саны арасындағы айырма) ескерілген. Кандидатура жалпы республика бойынша, тұратын жеріне тәуелсіз анықталды.

Тағы оқыңыз: Алматы облысында еліміздің он тоғыз миллионыншы азаматы дүниеге келді – Тоқаев

Тәуелсіздік жылдары ішінде Қазақстан халқының саны 2 557,9 мың адамға (15,5%) өсіп, биыл 1 шілдеде 19 009,6 мың адамды құрады.

3 тамыз күні президент Қасым-Жомарт Тоқаев Twitter-де Қазақстан халқы 19 миллион адамға жеткенін хабарлады. Мемлекет басшысы он тоғыз миллионыншы азаматтың ата-анасы мен қазақстандықтарды осы қуанышпен құттықтады.

0
Кілт сөздер:
Қазақстан халқы, статистика