Түркістаннан 11 қалаға ұшақ қатынайтын болады

126
Конкурс қорытындысы бойынша тұрақты рейстерді "SCAT" және "Qazaq Air" әуе компаниялары "CRJ2", "B-737", "Q400" әуе кемелерімен орындайды

АЛМАТЫ, 15 шілде – Sputnik. Түркістан әуежайынан бағасы 16 мың теңгеден басталатын ішкі бағыттар бойынша субсидияланған авиарейстер іске қосылады, деп хабарлады азаматтық авиация комитеті.

Комитет ақпаратына сәйкес, Қазақстанда ішкі туризмді дамыту, сондай-ақ ұшу географиясын кеңейту мақсатында Түркістан қаласынан Ақтау, Атырау, Ақтөбе, Орал, Қостанай, Қарағанды, Көкшетау, Петропавл, Павлодар, Семей, Талдықорған қалаларына субсидияланатын әуе бағыттарына конкурс өткізілді.

Конкурс қорытындысы бойынша тұрақты рейстерді "SCAT" және "Qazaq Air" әуе компаниялары "CRJ2", "B-737", "Q400" әуе кемелерімен орындайды.

Алғашқы рейстің басталуы 2021 жылдың 15 шілдесіне жоспарланған. Бұл бағыттар бойынша билеттердің құны 16-25 мың теңге.

Айта кетері, 2020 жылдың қыркүйегінде Нұрсұлтан Назарбаев Түркістан халықаралық әуежайының ашылу рәсіміне қатысты.

Азаматтық авиация комитетінің мәліметіне сәйкес, әуежайдың ауданы – 905 гектар, ұшу-қону жолағы – 3 300х45 метр, жолаушылар терминалының ауданы – 10,5 мың шаршы метр, өткізу қабілеті – сағатына 450 жол.

126
Кілт сөздер:
Түркістан, ұшақ
Тақырып бойынша
Тағы бір жантүршігерлік жол апаты: Түркістан облысында 7 адам мерт болды
Түркістан облысында досын көлікке байлап сүйреген жігіттер ұсталды – видео
SMS-ті оқып қойған: Ұшақта ұшқыш пен стюардесса төбелесіп кетті – видео
Түркістан облысының тұрғыны жеті жылға көлік жүргізу құқығынан айырылды
Түркістан облысының бас санитар дәрігері жаңа қаулы шығарды
Көл, архивтегі сурет

Өскемендік жігіт суға батқан 14 жастағы қызды құтқарып қалды

28
Ол бірнеше рет суға сүңгіген. Алғашында су лай болғандықтан, ештеңе көрмеген. Жағдай өте қауіпті су қоймасында болды

АЛМАТЫ, 4 тамыз – Sputnik. Өскемендік жігіт суға батқан 14 жастағы қызды құтқарды, деп хабарлайды Sputnik Қазақстан.

Шығыс Қазақстан облысы төтенше жағдай департаменті баспасөз қызметінің хабарлауынша, Виктор Землянухин туыстарымен бірге "Ермак" бау-бақша қоғамы аумағындағы саяжайда болған. Ол көмек сұрап айқайлаған дауыс естіген. Бірден учаскеге жақын жердегі су қоймасына жетті. Жігіт жағаға келіп, ол жерде жүзе алмайтын бірнеше адамның не істерін білмей абдырап тұрғанын көрген. Олардың айтуынша 14 жасар қыз суға батқан.

Посмотреть эту публикацию в Instagram

Публикация от Shygys Qazaqstan oblysynyn TJD (@shygysqaz_tjd)

Виктор Землянухиннің айтуынша, ол бірнеше рет суға сүңгіген. Алғашында су лай болғандықтан, ештеңе көрмеген.

"Екінші рет ауа жұтып сүңгіген кезде қызды көріп қалдым. Су бетіне шығарып, жағаға қарай сүйрей бастадым. Сол жерде жасанды тыныс алуға көмектесіп, жүрегіне массаж жасадым. Анам Элла Землянухина мені алмастырып, жедел жәрдем келгенше алғашқы көмек көрсетуді жалғастырды", - дейді ол.

Жағдай өте қауіпті су қоймасында болған. Қазір қыздың өміріне қауіп жоқ.

 

28
Кілт сөздер:
Өскемен, су
Тақырып бойынша
Он үш жастағы бала ата-анасының көзінше суға батып кетті
Әкесі ұлдарының киімін жағадан тапқан: Ақмола облысында екі ағайынды суға батып кетті
Сыныптастарымен кездескен: Ақмола облысында жасөспірім суға батып кетті
Павлодарда "суға батқан" жасөспірім мен ер адам аман табылды
Батыс Қазақстанда балықшы суға батып кетті
Құжатқа қол қою

Облыс бас санитар дәрігерінің жаңа қаулысы шықты не өзгерді

1312
(Жаңартылды 11:32 04.08.2021)
Сауда ойын-сауық орталықтары, сауда үйлері, сауда желілері жұмыс күндері сағат 17:00-ге дейін ашық болады

АЛМАТЫ, 4 тамыз – Sputnik. Ақтөбе облысында бас санитар дәрігердің жаңа қаулысы шықты, деп хабарлайды Sputnik Қазақстан.

Соған сәйкес, сұлулық салондары, шаштараз және косметологиялық қызмет көрсететін нысандар алдын ала жазылу бойынша сағат 09:00-17:00 аралығында жұмыс істейді. Ashyq жобасына қосылған нысандар жұмыс күндері сағат 07:00-20:00 аралығында, толтырылуы 50% болып жұмыс істейді.

Облыстағы жабық базарлар жұмыс күндері сағат 16:00-ге дейін ашық болады. Ashyq жобасына қосылған базарлар жұмыс күндері сағат 17:00-ге дейін, "Лидер" мәртебесі бар қатысушылар сағат 19:00-ге дейін жұмыс істейді. Сенбі-жексенбі қызметіне тыйым салынған.

Банк, ХҚКО, "Қазпочта" АҚ бөлімшелері Ashyq жобасына қатысатындарын қоспағанда сағат 09:00-18:00 аралығында жұмыс істейді, сенбі және жексенбі жұмысына тыйым салынған. Aqshyq жобасына сәйкес, ХҚКО жұмыс күндері сағат 10.00-ден 20.00-ге дейін жұмыс істей алады.

Мейрамхана, дәмхана және кофехана типі бойынша қоғамдық тамақтану объектілері жұмыс күндері  сағат 09:00-18:00 аралығында жұмыс істейді. Алайда нысанның толтырылуы 50%-ке дейін, 30 орыннан аспауы қажет. Ashyq жобасына қосылмаған нысандар сенбі және жексенбі жабылады. Тамақты жеткізу штаттық режимде орындалады.

Ұжымдық және бұқаралық іс-шара өткізуге қатаң тыйым салынған.

Сауда ойын-сауық орталықтары, сауда үйлері, сауда желілері жұмыс күндері сағат 17:00-ге дейін ашық болады. Ashyq жобасына қатысатын балалардың ойын-сауық орталықтары жұмыс істейді, қалған жерде жабық болады. Aqshyq жобасына қосылған сауда ойын-сауық орталықтары жұмыс күндері сағат 07.00-20.00-ге дейін, "Лидер" мәртебесі бар қатысушылар сағат 07.00-22.00 аралығында жұмыс істейді. Сенбі-жексенбі жабылады.

Ashyq жобасына қосылмаса, қызметіне тыйым салынатын нысандар:

  • Театр, кинотеатр, концерт залдары, филармония;
  • Боулинг клубтары;
  • Мәдениет нысандары;
  • Бильярд;
  • Караоке;
  • Көрмелер;
  • Цирктер.

Бұл нысандар Ashyq жобасына қосылған жағдайда жұмыс күндері 07.00-20.00-ге дейін, "Лидер" мәртебесі бар қатысушылар сағат 07.00-22.00 аралығында жұмыс істейді. Сенбі-жексенбі жабылады.

Қаулының толық мәтіні мен нысандар тізімін мына жерден көруге болады. Құжат бүгіннен бастап күшіне енеді.

1312
Кілт сөздер:
Ақтөбе облысы, дәрігер
Тақырып бойынша
Цой тамыз-қыркүйектегі эпидемиологиялық ахуалға болжам жасады
"Жағдай нашарлады": Мамин министрлер мен әкімдерге тапсырма берді
Қазақстанда коронавирус жұқтырғандар саны 600 мыңнан асты
Түркістан облысы COVID-19 таралуы бойынша "жасыл" аймаққа енді
Бір тәулікте 149 қазақстандық коронавирус пен пневмониядан көз жұмды
Студенттер, архивтегі сурет

Ақылы негізде оқуға түсу үшін ҰБТ тапсыруға өтініш қабылдау басталды

0
(Жаңартылды 13:26 04.08.2021)
ҰБТ-ға Ұлттық тестілеу орталығының сайты арқылы тіркелу керек. Тестілеу 10-13 тамыз аралығында электронды форматта өтеді

АЛМАТЫ, 4 тамыз – Sputnik. Тамызда өтетін ҰБТ-ға қатысу үшін өтініш қабылдау басталды, деп хабарлайды Sputnik Қазақстан.

Білім және ғылым министрлігінің хабарлауынша, өтінім қабылдау 4 тамызда басталып, 6 тамызға дейін жалғасады. ҰБТ-ға тіркелу Ұлттық тестілеу орталығының сайты арқылы жүргізіледі.

"Тамыздағы ҰБТ шекті балл жинай алмаған талапкерлердің тестілеуден қайта өтіп, ЖОО-ға ақылы негізде түсу мүмкіндігі болуы үшін өткізіледі. Бұл ҰБТ-ға биыл және былтырғы мектеп түлектері, колледж түлектері мен шетелдік мектептерде білім алғандар қатыса алады", - делінген ақпаратта.

Оқуға түсу үшін шектік балл ретінде әр пәннен кемінде 5 балл жинау қажет.

Негізгі ҰБТ секілді тамыздағы тестілеу 10-13 тамыз аралығында электронды форматта өтеді. Тіркелу кезінде тест тапсырушылар емтихан өтетін орынды, күнді және уақытты өзі таңдайды.

0
Кілт сөздер:
ҰБТ
Тақырып бойынша
"Құпия емес": сарыағаштық түлек ҰБТ-да 140 ұпайды қалай жинағанын айтты
"Жоғары көрсеткішке жетуге тырыстым": павлодарлық түлек ҰБТ-да 140 балл жинады
Биылғы ҰБТ-да бір түлек қана ең жоғары ұпай жинады
ҰБТ-дан шекті балл жинай алмағандар жоғары оқу орнына қалай түсе алады
Жоғары балл жинаған 19 талапкердің ҰБТ нәтижесі жойылды