Қылмыстық іс, архивтегі фото

"Істемегендері жоқ": Қаза болған полицейдің әйелі 8 ай бойы қорлық көргенін айтты

3667
(Жаңартылды 09:40 17.07.2021)
Құзырлы органдар тергеуді шала жүргізіп, күдікті бірден бостандыққа жіберілді, деп мәлімдеді келіншек

НҰР-СҰЛТАН, 17 шілде – Sputnik. Ақмола облысында былтыр қараша айында жол апатынан қаза болған учаскелік полицей Мәди Қадыровтың әйелі 8 ай бойы қорлық көріп келгенін мәлімдеді, деп хабарлады "Астана" арнасы.

3 баламен жесір қалған Меруерт жолдасы 10 жылдан астам қызмет істеген полиция учаскесінен ешқандай қолдау көрмедім дейді. Керісінше оған жиі қоқан-лоққы көрсетіп, жәбірлегенін айтады. "Ал қайтыс болғаннан кейін мені шақырып, қысым жасады" деп отыр.

"Кадр бастығы мені шақырып алып, видеоға түсіріп, істемегендері жоқ. Сенің жолдасың сол күні мас болған, әріптестерінің бәрі көрген. Маған ақша ұсынып, осы істі жылы жауып қояйық, жүк көлігінде болған 8 тонна тауарды мойныңа іліп қоймағанына рахмет айт, осылай іс жабылғанына қуан деді", - дейді марқұмның жұбайы Меруерт Қадырова.  

Сараптамалық зерттеу нәтижесінде қаза тапқан Мәдидің қанында этиль спирті анықталмаған. Сол түні ол қызмет көлігінің орнына өзінің жеке көлігімен шақыртуға кетіпті. Себебі жұмыс орнынан берген көліктің қысқы дөңгелегі болмай, жөндеуде тұрған. Ауылға 500 метр қалған жерде инспекторды 31 жастағы жүк көлігінің жүргізушісі келіп соққан. Алайда құзырлы органдағылар марқұм қызмет бабымен қаза таппады деп отыр. Оқиғаға дәлелді айғақ болатын марқұмның жеке заттарын жұбайына бермеген.

"Жолдасымның ұялы телефонын көрсеткен де жоқ. Түсіме кіре бергесін формасын 5 айдан кейін мәйітханадан таптым", - деп атап өтті Меруерт Қадырова.  

Мәдидің жол апаты кезінде  қызметтік формада болғанына дәлелдейтін видео бар дейді Меруерт. Бірақ мұның тергеуде неліктен ескерілмей отырғанын түсінбейді. Марқұмның әкесі тергеу ісіне күдікпен қарайтынын айтты. Оның пікірінше құзырлылар кінәліні ақтап алып жатыр. Олар тіпті оқиға болғаннан кейін дәлелдерді суытуға тырысқан көрінеді.

"Ташетов түсініктемесінде 102-ге қоңырау шалдым дейді. Ал 102-де ол тіркелмеген. Бұлар тойға барғандай сағат 6-да бір-ақ барады. Жедел жәрдемі бар, өрт сөндірушісі бар, барлығы бірге барады. Соғылғанын алдын ала білген, әдейі уақыт өткізген", - деп болжап отыр марқұмның әкесі Қайреш Қадыров.

Полиция қызметкерлері марқұмның әйелімен бірде-бір рет оқиға бойынша тілдеспепті, оның орнына ескертусіз 11 жастағы қызына қоңырау шалып, сұрақтар қойған.  Бұл әрекет баланың жүйкесіне ауыр тиді, онымен қоса тергеу тек біржақты жүріп жатыр. Жол апаты болған жердегі фотосурет пен сызба бір-біріне сай келмейді дейді жәбірленуші тарап.    

"Қызметтік тергеу нәтижесі бойынша Қадыровтың өлімі қызметтік міндетін атқарумен байланысты емес, қызметтен тыс уақытта болғаны анықталды. Қандай да бір шақыру туралы мәліметтер расталмады.Сот-медициналық сараптама нәтижесіне сәйкес Қадыровтың қанында алкоголь табылған жоқ", - деп түсіндірді Ақмола облыстық полиция департаменті.

Марқұмның жұбайы тергеудің кейбір нәтижелерімен мүлдем келіспейді. Оның айтуынша Ақмола облыстық полиция басшылығы істі бұрмалап, күдіктіні ақтап алып, барлық кінәні жолдасына жабуда.                       

"РУВД-ның басшысы жолдасымды шақырып алып, басқа ауданға ауысқың келмесе, жұмыстан шыққың келмесе, биыл соғымдыққа 1 жылқы әкеп бересің деген. Жолдасым не істерін білмей, банктен 600 мың кредит алады. Сол күні қалтасында 600 мың ақша болған. Ақшасы да, басқа заттары да жоқ", - дейді жұбайы.

Әділдік іздеп елордаға келген марқұмның жақындары президентке хат жолдапты. Жол апатынан кейін көлік жүргізу құқығы да шектелмеген күдікті тиісті жазасын алса дейді.  
 

3667
Полицей формасы, архивтегі фото

Павлодарда бірден 200 адам полиция бөліміне жеткізілді

772
Рестобарлардың бірі санитарлық талаптарға қарамастан істеп тұрған. Барда шамамен 200 адам болған

НҰР-СҰЛТАН, 27 шілде – Sputnik. Павлодар қаласында санитарлық-эпидемиологиялық талапты бұзған ойын-сауық орнынан бірден 200 адам полиция бөліміне жеткізілді, деп хабарлады облыстық полиция департаменті.

Атап айтқанда, 24  шілде күні Абай көшесінде орналасқан рестобарлардың бірі санитарлық талаптарға қарамастан істеп тұрған. Барда шамамен 200 адам болған. Барлығын орталық полиция бөліміне жеткізді. Ал келесі күні мониторингтік топ дәл сол барда тағы 40 адамның жиналғанын анықтады. Олардың ішінде кәмелет жасқа толмаған бала да болды.

"Түнгі уақытта ойын-сауық мекемесінде жасөспірім жүрді. Осыған байланысты бардың әкімшісі құқық бұзушылық туралы кодекстің 132-бабы бойынша жауапқа тартылды. Оған сәйкес, жеке тұлғалар 10 АЕК (29 170 теңге), шағын кәсіпкерлік нысандар - 15 АЕК (43 700 теңге), ал орта бизнес өкілдері екі есе артық айыппұл төлеуге міндеттеледі", - дейді полицейлер.

Бұдан бөлек, ойын-сауық мекемесінің иесін әкімшілік жауапқа тарту үшін барлық материал санитарларға жіберілді. Әкімшілік құқық бұзушылық туралы кодекстің 425-бабы (санитарлық-эпидемиологиялық талаптарды бұзу) бойынша жеке тұлғаларға 30 АЕК (87 510 теңге), лауазымды тұлғаларға, шағын кәсіпкерлік нысандарына - 230 АЕК (670 910 теңге), орта бизнес өкілдеріне - 310 АЕК  (904 270 теңге), ал ірі  кәсіпкерлерге 1600 АЕК (4 667 200 теңге) көлемінде айыппұл салу жазасы қарастырылған.

772
Тақырып:
Төтенше жағдай және карантин
Архивтегі фото

Алматыда пәтер тонауды кәсіп еткен қылмыстық топ ұсталды

477
Пәтер тонаушылар қолма-қол ақша, шағын тұрмыстық техника,  әшекей секілді құнды заттардың бәрін алып кетіп отырған  

АЛМАТЫ, 27 шілде – Sputnik. Алматыда үш ер адам өзгенің пәтеріне кіріп, құнды заттарды ұрлауды кәсіп еткен. Қазірге дейін олардың 5 қылмысы әшкереленді, деп хабарлады Polisia.kz.

Полицияның хабарлауынша, қаскөйлер аула аралап, көпқабатты үйлердің терезесі мен кіреберісін бақылаған.

Алматы қалалық полиция департаменті криминалдық полиция басқармасының бастығы Қуатбек Науатов қаскөйлер жұмыс күндері, адамдар жұмыста болған кезде әрекет еткенін айтты.

"Олар кілт таңдау арқылы есікті ашып, құнды заттардың бәрін алып шыққан. Бұл қолма-қол ақша, шағын тұрмыстық техника және түрлі әшекейлер. Екеуі үйді тонап жатқанда, үшіншісі көлікте отырып, қауіпсіздікті бақылаған", - дейді Қуатбек Науатов.

Қазіргі уақытта үшеуі де ұсталды.

Соңғы рет қаладағы бір пәтерден алтын бұйымдар мен ақша ұрлаған. Шығынның жалпы көлемі – миллион теңге. Қолға түскен кезде ұсталғандар заттай айғақтан құтылып үлгермеген. Олар тұтқындау кезінде тәркіленді. Қазір қылмыстық үштік уақытша ұстау изоляторына қамалды.

Қылмыстық кодекстің 188-бабы 3-бөлігі ("ұрлық") бойынша сотқа дейінгі тергеу амалдары жүргізіліп жатыр.

Полицияның хабарлауынша, ұсталғандардың барлығы Шығыс Қазақстан облысының тумасы. Үшеуі де осыған ұқсас қылмыстары үшін қылмыстық жауапкершілікке тартылған.

477
Автомат, архивтегі фото

Биыл Ауғанстандағы қақтығыстан 3 мыңнан астам бейбіт тұрғын жараланды БҰҰ

0
Ауғанстан Ислам Республикасындағы ірі әскери-саяси қақтығыс салдарынан халық пен мемлекет зардап шегіп отыр

АҚШ-тың әскери-әуе күштері ауған қалаларын бомбалап, тәлібтер шабуылды үдетіп жатыр. Екі тараптың әрекетінен де зардап шегіп отырған бейбіт халық. Ауған босқындары Орталық Азияға қарай ығысып жатыр. Тәжікстан 100 мың адамды қабылдауға дайын екенін мәлімдеді. Ауқымды маневрлер сериясын жүргізу үшін Өзбекстан, Тәжікстан, Қырғызстан мен Ресей әскері Ауғанстан шекарасына қарай жақындады.

Дүйсенбіде Ауған армиясының әскери-әуе күштері Тәжікстан шекарасынан 46 километр қашықтықта орналасқан Талукан қаласының аумағындағы тәлібтерге соққы жасап, нәтижесінде 20-дан астам содырдың көзін жойды. Зардап шеккен бейбіт тұрғындар жайлы ақпарат жоқ. Алайда мұндай шабуылда қарапайым халықтың да құрбан болуы ықтимал.

БҰҰ (UNAMA) миссиясының мәліметінше, 2021 жылдың бірінші жартысында Ауғанстанда бейбіт халық арасындағы құрбандардың саны 5 183 адамға (1 659 мерт болған және 3 254 жараланған) жеткен. Бұл 2020 жылдың маусымындағы көрсеткіштен 47%-ке жоғары. Соның ішінде көз жұмғандар мен жараланғандардың 46%-і әйелдер мен балалар болса, құрбандардың 25%-і – үкімет күштерінің өкілдері.

АҚШ Әскери-әуе күштері Ауған армиясына қолдау ретінде авиасоққылар санын арттырды. Америкалық генерал Кеннет Маккензи алдағы аптада да әуеден жасалатын соққы еселене түсетінін мәлімдеді. Біраз бұрын Пентагон 21 және 22 шілдеде америкалықтар Ауғанстанда 4 әуе соққысын жасағанын хабарлады.

Ал тәлібтер АҚШ Әскери-әуе күштерінің бұл шабуылына қатысты наразылық танытып, Кандагар мен Гильмендтегі бомбалау салдарынан содырлар ғана емес, бейбіт тұрғындар да қаза тапқанын мәлімдеді. "Талибан"* "өз аумағын мейлінше қорғап", соғыс жалғасқан жағдайда шабуылдау операциясын қарқындатуды жоспарлап отыр.

Соғыстың аяқталатын түрі жоқ. Нангархар, Пактика, Логар, Газни, Кандагар, Герат, Балх, Джаузджан, Саманган, Сари-Пуль, Гильменд, Бадахшан, Кундуз бен Баглан провинцияларында соғыс қимылдары белсенді жүріп жатыр. Ауғанстан үкіметі содырлардың түнгі жорығына кедергі болу мақсатында 34 провинцияның 31-інде комендант сағатын жариялады.

Алайда Пәкістанның әскери қызметкерлері тәлібтердің бақылауында тұрған Ауғанстанның шекараға жақын аудандарында еркін қозғалып жүр. Нангархар шығыс провинциясының губернаторы Зия-уль-Хак Амархейль мерт болған содырлардың қатарында Пәкістаннан шыққан 39 азамат бар кенін айтты.

Тәлібтер өз бақылауындағы аумақты кеңейтіп жатыр. Жергілікті халыққа қысым көрсетіп, басып алған аудандардағы әйелдер мен балаларды күң мен құл деп санап отыр. Бейбіт тұрғындар енгізілген жаңа қатаң ережелер, күштеп некеге тұру, кәмелетке толмағандарды жихадшыға айналдыру фактілеріне қатысты алаңдаушылық танытуда.

Содырлар АҚШ-пен ынтымақтастық орнатқан "сатқындарды" іздеп тауып, олардың көзін жойып жатыр. Біраз бұрын Хост провинциясында тәлібтер 32 жастағы аудармашы Сухайля Пардистің басын шапты. Сондықтан 20 мың ауған аудармашысының иммиграцилық визаға өтініш жолдауы кездейсоқ емес.

22 шілдеде The Wall Street Journal газеті АҚШ 35 мың ауған аудармашысы мен олардың отбасыларын Катар мен Кувейттегі америкалық базаға орналастыруға дайын екенін жазды.

Ауған президенті Ашраф Гани тәлібтер "Әл-Каида", пәкістандық "Джаиш-е-Мұхаммед", "Лашкар-е-Тайба"* топтарымен тығыз байланыс орнатып, елді террористердің тұрағына айналдыруды көздеп отырғанын айтты. Расында да Ауғанстанда отызға жуық террористік топ бар. Ал "Әл-Каида"* 15 ауған провинциясында өз содырларын орналастырған. Бұл топтардың өзара қақтығысы мен үкімет күштеріне қарсы соғысы ауған жеріндегі соғыстың жақын болашақта аяқталмайтынын аңғартады. Себебі Ауғанстандағы халықаралық терроризм жайдан-жай жойыла қоймайды.

Осы жағдайдың барлығын есепке алсақ, ауған босқындарының саны арту қаупі жоғары болып отыр. Еске салсақ, 1996-2001 жылдары тәлібтердің бақылауынан тыс Панджшер провинциясында 500 мыңға жуық босқын бас сауғалады. Олар ас-судан тарылып, ашығып жатты. Егер "ислам эмираты" ығыстырған жүз мыңдаған ауған Орталық Азияға қарай ығысса, Тәжікстан, Өзбекстан мен Түрікменстандағы гуманитарлық дағдарыс шынайы қауіпке айналады.

Тәжікстан төтенше жағдайлар комитеті басшысының орынбасары Эмомали Иброхимзода республика 100 мыңнан астам ауған босқынын қабылдауға және Тәжікстан қорғаныс министрлігінің полигондарына орналастыруға дайын екенін мәлімдеді. Бірақ бұл нақты сан емес. Себебі 2021 жылдың соңына қарай ол көрсеткіш он есе көп болуы мүмкін. Ал бұл Орталық Азияның барлық еліне әсер етеді.

Тәлібтер іргелес жатқан елдердің шекарасын бұзбауға уәде етті, бірақ Ауғанстанның солтүстігіндегі жағдай өз бағытында өршіп, бәрібір Орталық Азия аумағына қарай ығысып жатыр. Сондықтан Ресей мен оның одақтастары бірқатар әскери шара қабылдап жатыр.

Ресей Қарулы күштерінің арнайы құралымдары тамыз және қыркүйекте Өзбекстан, Тәжікстан және Қырғызстан әскерімен бірлескен тоғыз маневр өткізеді. Ол ауқымы жағынан Ресейдің бірнеше дивизиялсы мен бригадасын 2021 жылы сәуірде Украина шекарасына орналастырумен тең болады. Бұл он мыңдаған әскери қызметші мен жүздеген әскери техниканы қамтиды.

2 шілдеде Ресей мен Тәжікстанның қорғаныс министрлері Сергей Шойгу мен Шерали Мирзо тәжік-ауған шекарасындағы жағдай мен бірлескен іс-шаралар жайын талқылады. 23 шілдеден бері Ташкент 230 мың әскери қызметшіні жұмылдыру арқылы оңтүстік бағытта оқу-жаттығулар өткізіп жатыр.

30 шілде - 10 тамыз аралығында Ресей мен Өзбекстанның бірлескен әскері өзбек жеріндегі Сурхандария облысында Ауғанстанмен шекаралас аумақта маневр жүргізеді. Тәжікстан Республикасының Хатлон облысындағы Харб-Майдон полигонында 5-10 тамыз аралығында Ресей, Өзбекстан және Тәжікстан әскерінің террористерге қарсы операциялардың элементтерін пысықтайтын бірлескен маневрлер өтеді. Осы секілді Оралық Азия елдерінің аумағына "Талибан"*, "Әл-Каида"*, ИМ* секілді террористік топ содырларының кіруіне төтеп беру операциясы жүргізіледі.

* – Қазақстан Республикасында жәнеи бірқатар мемлекетте тыйым салынған террористік ұйым

0