Мужчина в маске укрывается зонтом во время сильного ветра

Қазақстанның 10 өңірінде дабылды ескерту жарияланды

139
Синоптиктердің хабарлауынша, ертең кей өңірде аптап ыстық болса, кей облыста найзағай ойнап, жел күшейеді

НҰР-СҰЛТАН, 17 шілде – Sputnik. Ауа райына байланысты 10 облыста дабылды ескерту жарияланды, деп хабарлайды Sputnik Қазақстан.

18 шілдеде Қызылорда облысында 40 градус аптап ыстық болады деп болжанып отыр. Өте жоғары өрт қаупі сақталады.

Маңғыстау облысының кей жерінде ауа температурасы 39 градусқа дейін көтеріледі. Өңірдің басым бөлігінде өте жоғары өрт қаупі сақталмақ.

18-20 шілдеде Жамбыл облысының таулы және тау бөктерлі аудандарында найзағай, бұршақ, шаңды дауыл күтіледі. Солтүстік-шығыстан соғатын жел оңтүстік-батыс бағытқа ауысады, найзағай кезінде жел екпіні 15-20 м/с-ке жетеді. Төтенше өрт қаупі болжанған.

Атырау облысында 39 градусқа дейін күн ысиды. Кей жерде төтенше өрт қаупі сақталады.

Ақмола облысының кей жерінде найзағай, бұршақ, тұман түседі. Оңтүстік-батыстан соққан жел солтүстік-батысқа ауысады, күндіз кей жерде жел 15-20 м/с-ке дейін күшейеді.

Оқи отырыңыз: Шілдеге ауа райы болжамы

Ақтөбе облысында кей жерінде найзағай ойнайды. Өңірдің оңтүстігінде ауа температурасы 38 градусқа дейін көтеріледі. Кей жерде өте жоғары өрт қаупі сақталады.

Павлодар облысының кей жерінде найзағай ойнайды. Оңтүстік-батыстан, батыстан жел соғады, күші кей жерде 15-20 м/с-ке дейін жетеді.

Солтүстік Қазақстан облысының кей жерінде найзағай күтіледі. Түнде және таңертең кей жерде тұман түседі.

Батыс Қазақстан облысының кей жерінде найзағай ойнайды деп болжанып отыр. Жел солтүстік-батыстан, батыстан соғады, күндіз кей жерде 15-20 м/с-ке дейін күшейеді. Күндіз 37 градус аптап ыстық болады. Кей жерде өте жоғары өрт қаупі сақталады.

Қостанай облысының кей жерінде найзағай, тұман түседі. Оңтүстік-батыстан соғатын жел солтүстік-шығысқа ауысады, күші кей жерде 15-20 м/с болады.

139
Кілт сөздер:
ауа райы, дабылды ескерту
Архивтегі фото

Жүргізушілердің бір-біріне жол бермеуінің кесірінен әкелі-балалы жолаушылар көз жұмды

35
Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кеткен

НҰР-СҰЛТАН, 29 шілде – Sputnik. Қарағанды облысында жантүршігерлік жол апатынан әкелі-балалы көз жұмды. Трагедия жүргізушілердің бір-біріне жол бермеуінің кесірінен болған.

36 жастағы ер адам мен 10 жасар ұлы Lada Granta көлігінде жолаушы болып отырған, деп хабарлады КТК.

Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кетеді. Қатты соққының салдарынан әкесі мен баласы сол арада тіл тартпай кетті. Ал Lada иесі ауруханаға жеткізілді.

Ақтауда жол апаты адам өмірін қиды: көлік ішінде түсірілген видео жарияланды

Howo-ны 34 жастағы жігіт тізгіндеген. Мәліметтерге қарағанда ол қарама-қарсы бағытта келе жатқан жеңіл көлікке жол бермей солға бұрып жіберген. Оқиғаның анық-қанығын полиция тергеп жатыр.   

35
Бақытжан Сағынтаев

Сағынтаев алматылықтарға үндеу жасады

89
(Жаңартылды 21:48 28.07.2021)
Қала басшысы алматылықтар мен қала қонақтарын КВИ екпесін алып, сақтық пен жауапкершілік танытуға шақырды

НҰР-СҰЛТАН, 28 шілде – Sputnik. Алматы әкімі Бақытжан Сағынтаев "Алматы" телеарнасындағы Akimat Live бағдарламасының тікелей эфирінде эпидемиологиялық ахуал күрделеніп, КВИ індетінің асқынғанын хабарлады.

Әкім вирустың таралуына қарсы тұру үшін қалалықтарды белсенді түрде вакцина салдыруға шақырды.

КВИ бойынша эпидемиологиялық ахуал соңғы аптада айтарлықтай нашарлады. 23 шілдеден бастап күн сайын мыңнан астам науқас тіркеліп жатыр.   

Апта ішінде науқастар саны 1,2 есеге өсті – 5483 жағдайдан 6818-ге дейін, тәуліктік өсім 1,3%-ті құрады. Симптомды науқастардың үлес салмағы баяулап, 90% деңгейінде қалды.

27 шілдедегі мәлімет бойынша Алматы қаласында вакцинаның I компонентін халықтың 49,9%, II компонентін 33,6%-і алды. Алайда бұл COVID-19 "дельта" нұсқасынан туындаған эпидемияның кезекті толқынын тұрақтандыру үшін әлі де жеткіліксіз.

Сонымен қатар, соңғы 2 аптадағы жас құрамыны талдау мынаны көрсетеді: 1 жасқа дейінгі балалардың дертке шалдығу көрсеткіші 0,3%-ке артып, 2,8% болды. Өткен аптада 135 бала дертке шалдықса, қазір олардың саны 178 балаға артты. КВИ дерті 20-дан 40 жасқа дейінгі азаматтар арасында – 38%, 40-59 жаста – 25% және 60 жастан асқан адамдарда - 20%.

Осыған орай Сағынтаев алматылықтар мен қала қонақтарын КВИ екпесін алып, сақтық пен жауапкершілік танытуға шақырды.  

89
Тақырып:
COVID-ке қарсы вакцина
Архивтегі фото

Жеті жарым мыңға жуық науқас тіркелді ковид рекорды тағы жаңарды

6
Нұр-Сұлтанда 1 571, Алматыда 1450, Қарағанды ​​облысында 1011 адам коронавирус инфекциясын жұқтырған

НҰР-СҰЛТАН, 29 шілде – Sputnik. Қазақстанда өткен тәулікте 7 479 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 6 925 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1571,
  • Алматы қаласы - 1450,
  • Шымкент қаласы - 445,
  • Ақмола облысы - 238,
  • Ақтөбе облысы - 230,
  • Алматы облысы - 270,
  • Атырау облысы - 424,
  • Шығыс Қазақстан облысы - 298,
  • Жамбыл облысы - 197,
  • Батыс Қазақстан облысы - 198,
  • Қарағанды облысы - 1011,
  • Қостанай облысы - 224,
  • Қызылорда облысы - 175,
  • Маңғыстау облысы - 220,
  • Павлодар облысы - 251,
  • Солтүстік Қазақстан облысы - 145,
  • Түркістан облысы - 132.

Жалпы ел бойынша ауырғандар саны – 557 107.

 

6
Тақырып:
Коронавирус эпидемиясы