Архивтегі фото

Талдықорғанда бұрынғы сүйіктісінің интимді суреттерін жариялап жіберген ер адам ұсталды

613
Отыз төрт жастағы ер адам полицияға жеткізілді, ол кінәсін мойындап, істеген ісіне өкінетінін айтты

НҰР-СҰЛТАН, 22 шілде – Sputnik. Талдықорған тұрғыны бұрынғы сүйіктісін қайтаруға тырысып, оның интимді суреттерін әлеуметтік желіде жариялаған.

Қыз полицияға шағымданды, оған сәйкес қылмыстық іс қозғалды, деп хабарлады Алматы облысының полиция департаменті.

"23 жастағы қыздың бұрынғы жігітіне шара қолдану туралы арызы Талдықорған полициясына 19 шілдеде түсті. Белгілі болғандай, ол жігітпен біраз уақыт қарым-қатынаста болған, бірақ 2020 жылдың шілде айында онымен айырылысуға шешім қабылдаған. Ер адам бір жыл бойы оның соңынан қалмай, көңілін табуға тырысқан. Ақыр соңында интимді суреттеріңді әлеуметтік желіге саламын деп қорқытқан", - деп түсіндірді Талдықорған полиция басқармасының бастығы Асқар Нұрсапа.

Отыз төрт жастағы ер адам бұрынғы сүйіктісінің аккаунтын бірнеше рет бұзған. Ол оның атынан әлеуметтік желілерде парақшалар ашып, интимді суреттерін жүктеген.

Ол сондай-ақ қыздың жақын адамдарына арналған түрлі фотосуреттер мен видеоларды жариялай бастаған.

Талдықорған қаласының тұрғыны полицияға жеткізілді. Ол кінәсін мойындап, өкінетінін мәлімдеді. Соған қарамастан қылмыстық тергеу жалғасып жатыр, өйткені бұл оны жауапкершіліктен босатпайды.

Түркістан облысының тұрғыны жасөспірім қызды интимді видеомен бопсалаған

Полиция сотқа дейінгі тергеу Қылмыстық кодекстің 147-бабының 4-бөлігі "Жеке бақа қол сұқпаушылықты және Қазақстан Республикасының дербес деректер және оларды қорғау туралы заңнамасын бұзу" бойынша жүргізіліп жатқанын хабарлады. Ер адам бес жылға дейін бас бостандығынан айырылуы мүмкін.  

613
Жандарбек Бекшин

Алматыда карантин күшейтілді Бекшин себебін түсіндірді

10370
(Жаңартылды 14:20 24.07.2021)
Қаулыға медициналық инфрақұрылымға қысымды азайту мақсатында қол қойылды, деп атап өтті қаланың бас санитар дәрігері  

НҰР-СҰЛТАН, 24 шілде – Sputnik. Алматы қаласының бас санитар дәрігері Жандарбек Бекшин карантинді күшейтуге індетті жұқтырғандар санының артуы себеп болғанын мәлімдеді – өткен тәулікте мегаполисте 1080 науқас тіркелді.

"Қаулыға медициналық инфрақұрылымға қысымды азайту мақсатында қол қойылды. Біздің дәрігерлер ауруханаларда 12-14 сағаттан жұмыс істеп жатыр. Бұл жағдай аптап ыстықта болып жатқанын ескеру керек", - деді ол баспасөз конференциясында.

Ол сондай-ақ дәмханалар мен мейрамханалар азық-түлік сатып алып қойғандықтан, кәсіпкерлерге дайындалуға 3 күн (қаулы 23 шілдеде шықты, 26 шілдеде күшіне енеді) берілгенін атап өтті, сондай-ақ олардың экономикалық жағдайы да ескерілуі керек.

Оқи отырыңыз: Цой Тоқаевқа коронавирустың жаңа штамы пайда болғанын хабарлады 

Кеше Нұр-Сұлтан мен Алматыда және бірқатар облыста карантин күшейтілді. Түркістан облысынан басқа барлық өңір мен мегаполистер эпидемиологиялық жағдайдың қызыл аймағына кірді. Бір тәулік ішінде Қазақстанда коронавирус пен пневмониядан 74 адам қайтыс болды, 6,5 мыңнан астам науқас тіркелді. Билік жағдайдың өте қиын екенін мәлімдеп, халықты мүмкіндігінше тезірек вакцина салдыруға шақырды.

10370
Кілт сөздер:
Жандарбек Бекшин, карантин, коронавирус
Тақырып:
Коронавирус эпидемиясы
Архивтегі фото

Оралда өгей қызын зорлаған педофилдің анасы кінәні келініне жапты

801
Сотталушының кінәсі жәбірленуші мен куәгерлердің сөзімен және бірнеше сараптама нәтижесімен толық дәлелденген

НҰР-СҰЛТАН, 24 шілде – Sputnik. Оралда сот педофил әкеге кесілген үкімді өзгеріссіз қалдырды.

Айта кетейік, 13 жастағы өгей қызына азғындық жасаған 34 жастағы жігіт 20 жылға сотталған болатын. Бірақ сотталушы мұнымен келіспей, апелляциялық шағым түсірді, деп хабарлады "Астана" арнасы.

Судьяның айтуынша, сотталушының кінәсі жәбірленуші мен куәгерлердің сөзімен және бірнеше сараптама нәтижесімен толық дәлелденген.

"Әділ үкім шығарған сотқа алғысымды айтқым келеді. Тергеу ісіне де көңілім толады", - дейді жәбірленуші Самира Дусталиева.

Ал сотталушының анасы үкіммен келіспейтінін айтады. Оның сөзінше, келіні баласына жала жауып, осының бәрін қасақана ұйымдастырған.

Оралдағы сұмдық: оқушы өгей әкесі жіберген аудио хабарламаны анасына көрсеткен  

"Келінім ұлымның қымбат көлігін сатқаннан түскен ақшаны алғысы келді. Бірақ ұлым ақшаны бермеген соң осының бәрін әдейі ұйымдастырды. Осыған дейін өткен сотта ол күйе жағып, жеңіп шықты. Сот үкімімен келіспеймін, қажет болса Жоғары сотқа да барамын", - дейді сотталушының анасы Айсұлу Аймағамбетова.

801
Кілт сөздер:
Орал, педофил
Тақырып бойынша
32 педофил бостандыққа шығады – депутат алаңдаушылық білдірді
11 жасар қыз педофилден қашып құтылды – видео
"Көршілер педофилді ұстады": полиция желіде тараған видеоға түсініктеме берді
7 жасында зорланған қыздың анасы Тоқаевқа хат жазды
Жігіт пен қыз орындықта отыр

"Клиенттерінің күйеуінен бала туады": Ақтөбеде ер адам өз ұлының анасына жала жапты

0
Сот әлеуметтік желіде жанайғайын жеткізген Ақтөбе тұрғынына ірі мөлшерде айыппұл салды

НҰР-СҰЛТАН, 25 шілде – Sputnik. Ақтөбеде сот өз ұлының анасын басқа отбасыларды ойрандайды деп айыптаған ер адамға жарты миллион теңге айыппұл салды.

Іс әкімшілік құқықбұзушылықтар жөніндегі ауданаралық сотында қаралды. Сот алдына Ақтөбе облысы экономикалық тергеу департаментінің 40 жастағы жедел уәкілі келді.

Сотта анықталғандай, 12 маусым таңертең Ақтөбе тұрғыны жергілікті Instagram-пабликтердің бірінде жаңа клиниканың ашылуы туралы жазбаны көрген. Бұл мекемеде әйел пациенттерді Т.есімді акушер-гинеколог қабылдайды.

Осыған жауап ретінде ер адам ашулы пост жазған: "Ақтөбенің қымбатты әйелдері! Бұл зұлым әйелге бармаңыз. Ол өз пациенттерінің күйеуінен бала туып, отбасын ойрандайды. Оған ұлы Әмір дәлел".

Істі қарау барысында ер адам бұл дәрігер бір кездері одан жүкті болып қалғанын, ақыр соңында ол әйелімен ажырасуға мәжбүр болғанын түсіндірді.

Тағы оқыңыз: Көңілдесінен қызғанған: Ақтау тұрғыны ауыр қылмыс жасады

Ол гинеколог жайлы жазғаны шындық екенін айтып, құқықбұзушылық құрамы жоқ болуына байланысты әкімшілік өндірісті тоқтатуды сұрады.

Жәбірленуші дәрігер әлгі ер адамнан шынымен аяғы ауыр болғанын, қазір оның ұлын тәрбиелеп отырғанын растады. Алайда оның өз клиенттерінің күйеуінен бала табатыны өтірік, бұл оның абыройы мен ар-намысына, беделіне нұқсан келтіреді. Дәрігер татуласудан бас тартып, өзіне жала жапқан адамды жазалауды талап етті, делінген сот қаулысында.

Сот ер адамды 73-3-баптың екінші тармағы "Көпшілік алдында жала жабу" бойынша кінәлі деп тапты. Енді ер адам 520 мың теңге айыппұл төлеуге тиіс. Десе де ол шағым түсіре алады.

0
Кілт сөздер:
жала жабу, сот, күйеу, Ақтөбе
Тақырып бойынша
Түркістанда үш әйел бүтін бір отбасына коронавирус жұқтырды деп жала жапты
14 еркек зорлағанын айтқан қызды жала жапты деп айыптап жатыр