НҰР-СҰЛТАН, 26 тамыз – Sputnik. Павлодар полициясы жанар-жағармай ұрлаған жұмысшыларды ұстады, деп хабарлайды Polisia.kz.
Криминалды полиция басқармасы жанар-жағармай ұрлады деген күдікке ілінгендердің қылмыстық әрекетінің жолын кесті.
Анықталғандай, күдіктілер – Павлодардың жанармай құю стансаларына мұнай өнімдерін тасымалдаумен айналысатын ұйымның қызметкерлері.
Полиция қылмыс жасады деген күдікпен 50 және 47 жастағы екі павлодарлықты ұстады.
Алдын ала мәлімет бойынша шығын 17 миллион теңгені құрайды.
Тағы оқыңыз: Оңтүстікте мұнай құбырынан шикізат ұрлаған қылмыстық топ ұсталды
Бұл фактіге қатысты Қылмыстық кодекстің 189-бабы 4-тармағы 2-тармақшасы бойынша сотқа дейінгі тергеу басталды. Бұл бап бойынша мүлкi тәркiленiп, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып немесе онсыз, жеті жылдан он екі жылға дейiн бас бостандығынан айыру жазасы көзделген.
Күдіктілерге қатысты ешқайда кетпеу туралы қолхат түрінде бұлтартпау шарасы таңдалды.