Адамның қолы

Үлкен Алматы арнасынан әйел мәйіті табылды күдікті ұсталды

7891
(Жаңартылды 10:24 16.09.2021)
Марқұмның денесі алты күннен кейін табылды. Осы қылмыс үшін 8 жылдан 12 жылға дейiнгі мерзiмге бас бостандығынан айыру жазасы қарастырылған

НҰР-СҰЛТАН, 16 қыркүйек – Sputnik. Алматы облысының тұрғыны өз әйелін өлтіріп, денесін Үлкен Алматы арнасына лақтырып жіберді.

Марқұмның денесі 12 қыркүйекте Еңбекшіқазақ ауданына қарасы Ават ауылының жанынан табылды. Әйелдің денесі қанталап кеткен. Біреудің аяусыз ұрғаны анық байқалды. Сараптама кезінде қабырғалары бірнеше жерден сынғаны да анықталды.

Полицияның мәліметіне сәйкес, 37 жастағы әйел Талғар тұрғыны болған. Осы қылмысқа қатысы бар деген күдікпен оның күйеуі ұсталды.

Тергеушілер ер адамның қылмысқа не себепті барғанын анықтады. 6 қыркүйекте үйде жанжал шыққан. Сол кезде ер адам әйелін ұрып өлтірген. Одан кейін денесін арбаға салып, Үлкен Алматы арнасына лақтырып жіберді.

Қазіргі кезде күдікті қамауға алынды. Қылмыстық кодекстің 106-бабы 3-бөлігі ("Денсаулыққа қасақана ауыр зиян келтіру, абайсызда жәбірленушінің өліміне әкеп соққан әрекет") бойынша сотқа дейінгі тергеу басталды.

Осы қылмыс үшін 8 жылдан 12 жылға дейiнгі мерзiмге бас бостандығынан айыру жазасы қарастырылған.

7891
Кілт сөздер:
әйел, мәйіт
Тақырып бойынша
Пышақтап тастаған: Ақсуда әйел мен екі кішкентай баласының денесі табылды
Ақсуда полиция майорының мәйіті табылды
Батыс Қазақстанда ер адамның мәйіті табылды: полиция тұрғындардан көмек сұрады
Жамбыл облысындағы трагедия: жарылыс орнынан тағы бір адамның мәйіті табылды
Алматы облысында мәйіті айдаладан табылған малшы бассыз жерленді
Архивтегі сурет

Екібастұзда саябаққа "бомба қойылды"

435
Белгісіз біреу полицияға телефон соғып, қалалық саябақтардың біріне бомба қойылғанын айтқан

НҰР-СҰЛТАН, 23 қазан – Sputnik. Бомба туралы жалған хабар таратқан Екібастұз тұрғыны қылмыстық жауапқа тартылады, деп хабарлайды Павлодар облысы полиция департаментінің баспасөз қызметі.

Өткен сейсенбі, 19 қазан сағат 20.35-те Екібастұз қаласының полициясына белгісіз біреу телефон соғып, саябақтардың біріне бомба қойылғанын айтты.

Оқиға орнына дереу шұғыл күштер аттанды. Саперлер мен кинолог қызметтік итпен бірге бүкіл аумақты мұқият қарап шықты, алайда жарылғыш зат табылмады.

Осыдан кейін жедел уәкілдер бомба жайлы хабарлаған адамды іздеуге кірісті. Ол 66 жастағы қала тұрғыны болып шықты. Ер адам полицияға қоңырау шалғанда мас болған.

Бұл факті бойынша Қылмыстық кодекстің 273-бабы "Терроррлық акті туралы көрінеу жалған ақпарат" бойынша сотқа дейінгі тергеу жүріп жатыр.

Бұл бап бойынша кінәлі адамға 5000 АЕК-ке дейін (14 585 000 теңге) айыппұл салынады немесе сол мөлшерде түзету жұмыстарына тартылады, не бес жылға дейін бас бостандығы шектеледі немесе сол мерзімге бас бостандығынан айырылады.

Полиция құқық қорғау органдарында мұндай әзілқойларды табу үшін қажетті техникалық мүмкіндіктер бар екенін еске салды.

Оқи отырыңыз: 

435
Кілт сөздер:
Екібастұз, бомба, саябақ
су қоймасы

Жайық пен Каспийдің тартылуынан балықшылар кәсіпсіз қалуы мүмкін - видео

43
Мемлекеттік квотамен 30 мың тонна балық аулауға тиіс балықшылар жоспардың жартысын да орындай алмаған

НҰР-СҰЛТАН, 23 қазан – Sputnik. Жайық өзенінің тартылып, Каспий теңізінің таязданып кетуі Атыраудағы балық шаруашылығының дамуына кедергі келтіріп отыр.

Өңірдегі мыңдаған балықшы Жайық-Қиғаш өзені мен Каспий теңізінен мемлекеттік квотамен 30 мың тонна балық аулауы керек болатын. Бірақ өзен суының тартылып, теңіз жағасының 20 шақырымға алыстап кетуінен бұл жоспардың жартысы да орындалмаған, деп хабарлайды Almaty.tv.

Жайықтың деңгейі 2019 жылы тарихи минимумға түскен. Ал Каспийдің жағасы жылдан жылға алыстап, биыл 20 шақырымға құрғаған.

Бұған дейін күз келе салысымен, квота алған балықшылар жылдық қорын жинап алатын. Алайда биыл балықтан нәпақа көретіндер одан қағылайын деп отыр.

"Жайық құрып бара жатыр. 250 метр ауға 30 келі ғана балық шығып тұр. Бұрын 4-5 тонна шығатын. Былтырлары жақсы еді, биыл жағдай қиын. Енді су толмаса, кәсіпсіз қалатын түріміз бар", – дейді балықшы Ғаббас Мұратов.

Өзендегі судың таяздығынан балықтың шығуы қиын. Жайық бойын жағалай 15 тартым аумақта 11 кооператив орналасқан. Бірақ түсім нашар.

Балық ауланатын кейбір тартым жабылып та үлгерген. Ал Каспий теңізіне қарай бағыт алғандар жарты метрге дейінгі таяздан өте алмайды.

"Биыл Жайықтың деңгейі 2 метрдей түсіп кетті. Он күн бұрын солтүстіктен соққан желдің бағытынан Жайықта да, теңізде де су деңгейі қатты төмендеді. Осы жерден теңізге қарай қайықтардың шығуына мүмкіндік жоқ, үлкен кемелер де, шағын қайықтар да шыға алмай тұр", – деді балық қорғау инспекциясының бас маманы Амангелді Ахтанов.

Квота негізінде Атырау балықшылары Жайық, Қиғаш өзендерінен 30 мың тонна балық аулауы керек болатын.

Дегенмен қорда әзірге 8 мың тонна бар. Ал су деңгейі көтерілмесе 2022 жылдың көктемінен де үміт жоқ деген сөз.

Табиғи апат жалғаса берсе, Жайық-Қиғаш бойын мекендеген 17 балықшы кооперативінде мыңдаған адам жұмыссыз қалуы да мүмкін.

Оқи отырыңыз: 

43
Кілт сөздер:
балықшылар, Каспий, видео
Тақырып бойынша
Тоқаев Каспий теңізін ластанудан қорғау хаттамасына қол қойды
Қазақстан мен Ресей Жайық өзенін құтқарады – негізгі 5 проблема аталды
Жайық өзенін бірге құтқару: министр Мырзағалиев ресейлік әріптесімен кездесті
Жайық өзеніндегі өлі балықтар: министр түсініктеме берді
Нұр-Сұлтанда қаржыгерлер аллеясы ашылды

Елордада қаржыгерлер аллеясы ашылды

0
Сонымен қатар соңғы 100 жылдағы қаржы-бюджет жүйесінің қалыптасуы мен дамуы туралы деректі фильм жарыққа шығады

НҰР-СҰЛТАН, 23 қазан – Sputnik. Нұр-Сұлтанда Қазақстан Тәуелсіздігінің 30 жылдығы мен қаржы министрлігінің 100 жылдығына орай қаржыгерлер аллеясы ашылды.

Қаржы министрлігі ғимаратының жанына 100 көшет отырғызылды, ол енді елорданың жасыл қорын толықтырады, деп хабарлайды ведомствоның баспасөз қызметі.

Қаржыгерлер аллеясының ашылу салтанатында қаржы министрі Ерұлан Жамаубаев аллеяның ашылуы министрлік мерейтойына арналған іс-шаралар легінің бастауы болғанын атап өтті.

Нұр-Сұлтанда қаржыгерлер аллеясы ашылды
© Photo : Қаржы министрлігінің баспасөз қызметі
Қаржыгерлер аллеясы

Осылайша, жақын арада әр жылдары министрлікті басқарған тұлғалар туралы бірнеше жарияланым ұсынылады. Сондай-ақ, соңғы 100 жылдағы қаржы-бюджет жүйесінің қалыптасуы мен дамуы туралы деректі фильм жарыққа шығады деп жоспарлануда.

Сонымен қатар, Тәуелсіздік күні қарсаңында үздік қызметкерлер қалыптасқан дәстүр бойынша "Қаржы саласының үздігі" медалімен, бірқатар мемлекеттік және ведомстволық наградалармен марапатталады.

Қаржы министрлігінің ақпаратынша, тәуелсіздік жылдарында министрлікке 14 адам басшылық еткен.

Оқи отырыңыз: 

0
Кілт сөздер:
Қаржы министрлігі, Нұр-Сұлтан