Жол, көлік

Түркістан облысының тұрғындары жолды не үшін жапты видео

736
Шенеуніктер бұл мәселені бір ай ішінде шешеміз деп уәде еткен. Алайда жарты жылдан астам уақыт өткен

АЛМАТЫ, 7 қазан — Sputnik. Түркістан облысы Ақжар елді мекенінің тұрғындары жолды жауып, көлік қозғалысын тоқтатуға мәжбүр болды.

Олар жарты жыл бойы сусыз отыр. Ауылдағы су айдайтын мұнара жөнделмей тұр, деп хабарлайды КТК телеарнасы.

Тұрғындардың айтуынша, жарты жыл бойы судың орнына арықтан иісі жағымсыз лай келіп жатыр. Басқа амал болмағандықтан сол сұйықтықты ішуге тура келіп отыр. 

"Бұл мұнара істелген жағдайда біз суды 1-2 теңгеден сатып аламыз. Көлігі бар адам барып сатып алады. Жоқ адамға ауылда су сататын жігіттер бар. Қазір біз ағын суды ішіп жатырмыз. Ағын су болсын, егін су болсын, басында өліктері жатыр. Кейбір кезде адамның мәйіті болады, ел сол суды ішіп жатыр", - деді ауыл тұрғыны Әбдіуәлі Сұлтанов.

Ағын су дегені ауылдан үш шақырым жерде жатқан Өзбекстаннан келетін арық суы. Былтыр мамандар "бұл су – зиян" деген қорытынды берген. Көктем мен күз аралығында келетін мұның өзін Өзбекстан тарапы тыйып  тастайды. Ал жұрт таза суға зәру екенін ауыл әкімінен бастап аудандық шенеуніктерге дейін сан рет ескерттік дейді.

"6 миллион 758 мың ақша түсті деді. Соған ары кетсе бір айдың ішінде сүзгі қоямыз деген. Сонымен қазір алты ай болды. Қазір 7-ші айға кетіп бара жатыр", - деді Сарыағаш ауданының тұрғыны Ілгербай Төребеков.

Мұнара сүзгісі әр үш жылда ауысып тұруға тиіс екен. Құрылғы сегіз жылдан бері жаңартылмаған. Мамандар қайта-қайта тазалап амалдағанымен, биыл істен шығыпты. Ал сүзгісіз жер астынан шығып жатқан суды ішу мүлдем мүмкін емес.

Таза тіршілік нәріне зар болған жұрт жарты сағаттан астам жолды жауып, аудан әкімін талап еткен. Жедел жәрдемнен өзгесін жібермей, өзге шенеуніктерге көнбей қойған соң, ақыры Сарыағаш ауданының басшысы келді. Айтуынша, компаниялардың барлығы арзан сүзгі ұсынған соң тәуір мердігер іздеп жүріп қалыпты. Сүзгінің бағасы бар-жоғы 4 жарым миллионға да жетпейді.

"Мердігер мекеме бүгінгі таңда келісімшартқа қол қойып отыр. Келесі аптаның жұма күніне дейін деп отыр. Соған дейін біз барынша тырысамыз", - деді Сарыағаш ауданының әкімі Мұхит Отаршиев.

Ал тұрғындар шенеуніктер айтқан мерзімде таза су берілмесе, ауданаралық емес, халықаралық тасжолды жауып тастаймыз деп тарқасты.

736
Кілт сөздер:
Түркістан облысы, тұрғындар, жол, видео
Тақырып бойынша
Түркістан облысында ауыл тұрғындары әкімге арықтың суын ішкізді
Алматы облысында оқушының өлімінен кейін ауыл тұрғындары жолды жауып тастады
Түркістан облысында медицина қызметкерлері вакцина паспортын қолдан жасап келген
Алматылықтар Солтүстік айналма жолды жауып тастады – видео
Өскемен тұрғындары жаппай көшеге шығып, жолды жауып тастады
ақша

Түркістан облысының екі тұрғыны жәрдемақы алу үшін 1 миллион теңге берген

257
(Жаңартылды 16:46 27.11.2021)
Полиция қызметкерлері аталған жайтты Қылмыстық кодекстің 190-бабы бойынша тіркеді

НҰР-СҰЛТАН, 27 қараша – Sputnik. Түркістан облысы Қазығұрт ауданының полиция басқармасына алаяқтың арбауына түскен екі бірдей тұрғын арызданды.

Олардың айтуынша, сырттай танысы мүгедектік бойынша жәрдемақы алуға көмектесемін деп ақша алып, 1 жылдан астам уақыт алдап жүр.

Жәбірленуші әйелдерге келтірілген жалпы шығын көлемі 1 миллион теңгеден астам. Полиция қызметкерлері аталған жайтты Қылмыстық кодекстің 190-бабы, яғни "Алаяқтық" бойынша тіркеді. 

Аудандық сақшылар хабар алысымен күдіктіні анықтауға бірден кірісті. Ауыл тұрғындарынан жауап алып, жан-жақты тексеру жұмыстарын жүргізді.

Күдікті ретінде жұмыссыз, жергілікті әйел тұрғын ұсталды. Оның бұған дейін сотталғаны белгілі болды. Қазіргі уақытта тергеу амалдары жүргізіліп жатыр.

Күдікті әйел алаяқтық жолмен алған ақшасын өз қажеттілігіне жұмсап жіберген.

Оқи отырыңыз: 

Қазақстанда жаңа жәрдемақы енгізілді – ол кімге төленеді

2022 жылдан бастап 2,3 миллион қазақстандықтың зейнетақысы өседі

 

257
Кілт сөздер:
Түркістан облысы, мүгедек, ақша
көктайғақ

"Үйден шықпаған абзал": төтенше жағдайлар қызметі алматылықтарды сақ болуға шақырды

2250
(Жаңартылды 14:47 27.11.2021)
Алматыда қар аралас жауын жауады. Ауа температурасы төмендейді. Тұман түсіп көктайғақ болуы ықтимал

НҰР-СҰЛТАН, 27 қараша – Sputnik. Алматы қаласының төтенше жағдайлар басқармасы ауа райының бұзылуына байланысты тұрғындарды сақ болуға шақырды.

"Алматыда қар аралас жауын жауып, кешкі және түнгі уақытта ауа температурасы 8-10 градусқа дейін төмендейді. Тұман түсіп, ауаның жоғары ылғалдылығына байланысты көктайғақ болуы ықтимал", - делінген хабарламада.

Осыған байланысты Алматы қалалық ТЖД көлік жүргізушілерін жылдамдықты төмендетіп, автомобиль арасындағы қашықтықты ұлғайтуға және жылдам маневр жасамауға шақырады.

Жаяу жүргіншілерге тротуарда сақ болып, аса қажеттілік болмаған жағдайда үйден шықпағаны абзал.

Алматы қаласының ТЖД жаяу жүргіншілерге бірқатар ұсыныс берді: 

  • есіңізде болсын, қар мен көктайғақ кезінде көлік жүргізуі күрт нашарлайды және жүргізушінің көлікті бақылауды жоғалтуы мүмкін, нәтижесінде жаяу жүргіншілердің қағып кетуі мүмкін;
  • көшелерді жол қозғалысы ережелерімен белгіленген орындарда өту керек;
  • абай болыңыз, жолдан өткен кезде, басқа істерге (ұялы телефонмен сөйлесу және т. б. алаңдамаңыз.;
  • әрқашан алдыңызда аяқтың астына қараңыз;
  • аяқ киімді дұрыс таңдауға назар аудару керек. Аяқ киім бұдырлы өрнегі бар тайғанамайтын материалдан жасалған тегіс табанды болуы тиіс;
  • қолыңызды қалтаңызда ұстамаңыз, бұл сізге мұзда тепе-теңдікті сақтауға мүмкіндік береді;
  • есіңізде болсын, тротуарлар, қалалық көлік аялдамалары, дүкендерге кіре берістегі баспалдақтар, тіпті өз үйінің кіреберісі- адамдар жиі жарақат алып құлайтын жер.

Оқи отырыңыз: 

13 бірдей өңірде дабылды ескерту жарияланды

Петропавлда көктайғақтан автокөлік самосвал астына кіріп кетті, жүргізуші көз жұмды

Көліктер өртеніп кетті: Алматы облысында жол апатынан бес адам көз жұмды

2250
Кілт сөздер:
Алматы, ауа райы
коронавирус

Оқушыларды ата-ана келісімінсіз вакциналау туралы бұйрық шыққаны рас па

0
Санитарлық-эпидемиологиялық бақылау комитеті қазақстандықтарды әлеуметтік желілерде тараған күмәнді ақпаратқа сенбеуге шақырды

НҰР-СҰЛТАН, 27 қараша – Sputnik. Әлеуметтік желілерде 1-11 сынып оқушыларын ата-ана келісімінсіз COVID-19-ға қарсы вакциналау туралы бұйрық шыққаны туралы хабарлама тарады. Бұл ақпаратты Денсаулық сақтау министрлігінің санитарлық-эпидемиологиялық бақылау комитеті жоққа шығарды, деп хабарлайды StopFake.

Ведомствоның хабарлауынша, мұндай бұйрық ешқашан болмаған.

"Осы жарияланымға қатысты кез келген профилактикалық егу, соның ішінде коронавирусқа қарсы вакциналау да ата-аналардың ақпараттандырылған келісімімен ғана жүргізілетінін хабарлаймыз. Вакциналауға жататын жасөспірімдердің тізімін жоспарлау және жасау процесінде келісім алдын ала жиналады. Осыған байланысты алдын ала жасалған тізім бойынша вакциналауға ата-анасы қол қойған келісімі бар балалар және ата-анасының қатысуымен ғана екпе салдыруға шақырылады", – деп түсіндірді санитарлық-эпидемиологиялық бақылау комитетінің ресми өкілі Ержан Байтанаев.

Оқи отырыңыз: Цой ақылы вакцинация қашан басталатынын айтты

Оның айтуынша, мектептерде мәжбүрлі вакциналау жүргізіліп жатқан жоқ. Қазақстан Республикасы Бас мемлекеттік санитар дәрігерінің № 36 қаулысына сәйкес оқу мекемелерінде күн сайын кіру кезінде тексеру жүргізіледі. Мектептің барлық қызметкері термометриядан өтіп, кіреберісте қолын санитайзермен өңдеуге міндетті. Сабақ кестесі оқушылар бір-бірімен барынша аз байланыста болатындай етіп жасалады.

Ержан Байтанаев қазақстандықтарды әлеуметтік желілер мен мессенджерлерде тараған күмәнді ақпаратқа сенбеуге шақырды. Шынайы ақпарат алу үшін комитеттің ресми интернет-ресурсына, "COVID-19 таралуына жол бермеу жөніндегі ВАК" телеграмм-арнасы сияқты ресми дереккөздерге және Facebook, Instagram және YouTube әлеуметтік желілеріндегі аккаунттарға жүгінуге немесе комитетке жазбаша сауал жолдауға болады.

0