Қыз

Анасы сенбеген: қыз зорланған сәтін аудиоға жазып алды, өгей әкесі ұсталды

10227
(Жаңартылды 17:54 12.10.2021)
Қыздың анасы мен әжесі, сондай-ақ колледж әкімшілігі оның сөзіне сенбеген. Ол өзіне қол жұмсағысы келгені үшін біраз уақытын психиатриялық клиникада өткізіпті

НҰР-СҰЛТАН, 12 қазан – Sputnik. Оралда 52 жастағы ер адам кәмелетке толмаған қызды зорлады деген күдікке ілінді. Жәбірленуші өгей әкесі төрт жыл бойы азғындық әрекет жасап келгенін мәлімдеді, деп жазды "Уральская неделя".

Қазір қыз 17 жаста. Ол өгей әкесі 13 жасынан бастап зорлағанын мәлімдеді. Оның айтуынша, анасы жұмыстан кеш келіп жүрген. Кәмелетке толмаған қыз өгей әкесіне қарсылық көрсетуге тырысқан, әр жолы денесі көгеріп қалса да ешкім мән бермеген.  

4 жыл бойы көмек сұраған

Төрт жыл бойы қыз анасынан, психологтар мен мектептегі, содан кейін колледждегі мұғалімдерден көмек сұраған. Бірақ оған сенбепті, "қиялдан" бас тартуды талап еткен, тіпті өзін-өзі өлтіруге әрекет жасағаны үшін психиатриялық ауруханаға жатқызып қойған.

Қыз кезекті рет зорлық-зомбылық туралы хабарлаған кезде, анасы мен өгей әкесі колледжге шақырылған. Сол кезде жәбірленуші зорлықты растайтын аудиожазбаны қосқан.

"Олардың барлығы есеңгіреп қалды. Өгей әкемнен "бұл сенің дауысың ба?" деп сұрады. Ол "иә" деп мойындады. Мас болғанын айтты. Содан кейін оны полицияға жеткізді, үйге қайтып келмеді", - деп атап өтті бойжеткен.

Полицияның хабарлауынша, 52 жастағы күдікті өткен жұмада ұсталған. Сараптама тағайындалып, тергеу жүргізіліп жатыр.

Оқи отырыңыз:

10227
Аэропорт

Орал әуежайының атауын өзгерту туралы ұсыныс түсті

55
(Жаңартылды 16:57 20.10.2021)
Әуежай атауын өзгерту туралы ұсыныс Nur Otan партиясы жанындағы "Мирас" қоғамдық кеңесі және облыстық мәслихат депутаттарынан келіп түскен

НҰР-СҰЛТАН, 20 қазан — Sputnik. "Орал" Халықаралық әуежайы" ЖШС атауын  Мәншүк Мәметова атындағы әуежай деп өзгерту жоспарланып отыр. Бұл туралы шешім облыстық мәслихат сессиясында қабылданды.

20 қазанда өткен сессияда тілдерді дамыту басқармасы басшысының міндетін атқарушы Света Ғаниева әуежай атауын өзгерту туралы ұсыныс Nur Otan партиясы жанындағы "Мирас" қоғамдық кеңесі және облыстық мәслихат депутаттарынан келіп түскенін хабарлады.

"Олар әуежай атауын өзгерту туралы ұсыныс жолдады. Әуежайға кеңес одағының батыры Мәншүк Мәметова есімін беру туралы ұсынысты қолдауды сұраймын", - деп Ғаниеваның сөзін келтірді "Мой город" порталы.

Депутаттар бұл ұсынысты бірауыздан қолдады.

Мәншүк Мәметова туралы

Мәншүк Мәметова - Орал облысының (қазіргі Батыс Қазақстан) тумасы, Ұлы Отан соғысына қатысқан қазақ қызы.

Ол Қызыл Армияда пулеметші болды. Мәншүк Мәметова соңғы шайқаста 70-тен астам қарсыластың көзін жойып, 1943 жылдың күзінде қаза тапты. Оған қайтыс болғаннан кейін Кеңес Одағының Батыры атағы берілді.

Оқи отырыңыз: 

55
Кілт сөздер:
әуежай, Орал
Тақырып бойынша
Нұр-Сұлтанда әуежай мен вокзалда вакциналау пункті ашылды
Қызылордада жаңа әуежай салынбайтын болды
Шымкентте жаңа жыл қарсаңында жоғалған әуежай қызметкері табылды
Қостанай облысында әуежай пәтер бағасымен сатылғалы жатыр
кісен

Белбеумен буындырған: Шығыс Қазақстанда 13 жыл бұрын жасалған қылмыс ашылды

313
(Жаңартылды 16:38 20.10.2021)
Күдікті сот санкциясы негізінде қамауға алынды. Оған қатысты сотқа дейінгі тергеу жалғасып жатыр

АЛМАТЫ, 20 қазан – Sputnik. Шығыс Қазақстан облысында 13 жыл бұрын жасалған қылмыс ашылды.

2008 жылдың сәуірінде Аягөз – Қарағанды тасжолының маңынан 35 жастағы әйелдің мәйіті табылды. Ол буындырылып өлтірілген.

Шығыс Қазақстан облысы полиция департаментінің баспасөз қызметінің хабарлауынша, аса ауыр қылмысты ашу бойынша бастапқы тергеу әрекеттері нәтиже бермеді, қылмыскер анықталмады.

"Соған қарамастан қылмыстық іс бойынша жұмыс тоқтамады. Биыл қазанда департамент қызметкерлері күдіктінің ізіне түсті. Риддердің 51 жастағы тұрғыны ұсталды. Әйел жиналған дәлел мен айғақтарды көрсеткен кезде қылмыс жасағанын мойындады", - деді полицияның баспасөз қызметі.

Қылмысқа сүйіктісін қызғану себеп болған. Бір отырыста күдікті жігітін сол әйелден қызғанған. Ол жәбірленушіні пальто белбеуімен буындырып өлтірді.

Облыстық полиция департаменті бастығының орынбасары Талғат Шаяхметовтың айтуынша, күдікті сот санкциясы негізінде қамауға алынды. Оған қатысты сотқа дейінгі тергеу жалғасып жатыр.

Кінәсін мойындаған жағдайда оған 20 жылға дейін бас бостандығынан айыру немесе өмір бойына бас бостандығынан айыру жазасы тағайындалады.

Оқи отырыңыз: 

313
Кілт сөздер:
Шығыс Қазақстан, қылмыс, полиция
Тақырып бойынша
Қазақстан өлім жазасын алып тастайды: елде қылмыс көбейіп кетпей ме
Талғарда ауыр қылмыс жасалды: полиция екі қызды ұстады
Атырауда баласының күйеуінен екеніне күмәнданған мұғалім жантүршігерлік қылмыс жасады
"Не деген қатыгездік": Алмалы тұрғыны бүкіл ауылды дүр сілкіндірген қылмыс жасады
Нұр-Сұлтан

Қазақстанда 21 қазанда қандай маңызды оқиғалар болады

0
(Жаңартылды 20:06 20.10.2021)
Sputnik Қазақстан 21-26 қазан аралығында өтетін негізгі іс-шаралар мен оқиғаларға шолу жасайды (ақпарат толықтырылып отырады)

21 ҚАЗАНҒА ЖОСПАРЛАНҒАН ШАРАЛАР

НҰР-СҰЛТАН

14.30 - "Ұлттық рухани жаңғыру" Ұлттық жобасы: негізгі бағыттары. ҚР Президенті жанындағы "Орталық коммуникациялар қызметі".  Спикеры:
ҚР Ақпарат және қоғамдық даму министрі Балаева Аида Ғалымқызы; ҚР Мәдениет және спорт вице-министрі Дәуешов Нұрқиса Мұратұлы; ҚР Білім және ғылым министрлігі Тіл саясаты комитетінің төрағасы Қабаев Әділбек Күнесханұлы.

16.30 - “Білімді ұлт” сапалы білім беру” ұлттық жобасы. Өтетін жері - Орталық коммуникациялар қызметі. Спикер: ҚР білім және ғылым министрі Асхат Аймағамбетов. Көрсетілім сілтемелері: https://www.youtube.com/user/ortcomkz
https://ru-ru.facebook.com/ortcomkz. 
19.00 – "Жұбайлар жұмбағы" спектаклі (Қ.Қуанышбаев атындағы театр, Байтұрсынов көшесі, 25/1).

19.00 – "Дон Паскуале" спекатклі ("Астана Опера" театры, Камералық зал, Қонаев 1).

АЛМАТЫ

12.00 – "Дюймовочка" спектаклі (Алматы мемлекеттік қуыршақ театры, Пушкин көшесі, 63).

18.30 – "Қара шекпен" спектаклі (Ғабит Мүсірепов атындағы театр, Абылай хан даңғылы, 38).

18.30 – "Үйлену" спектаклі (Әуезов атындағы драма театры, Абай даңғылы 103).

18.30 – "Жәмилә" спектаклі ("Жас сахна" театры, Абай даңғылы 117).

19.00 – "Севильский цирюльник" операсы (Абай атындағы Қазақ МАОБТ, Қабанбай батыр көшесі, 110).

19.00 – "Любовница" ("Өркен" театр-студиясы, ағайынды Абдуллиндер көшесі, 38).

19.00 – "NE PROSTO ORCHESTRA" концерті (Республика сарайы, Достық 56)

19.00 – Amy Winehouse от "Vina"s Band" трибюті (La Boheme театры, павильон 2, Зенков, 24).

20.40 – "Утопия. Возвращение в сон" спектаклі (Пространство "ДОМ",  Бәрібаев көшесі, 36).

26 ҚАЗАНҒА ЖОСПАРЛАНҒАН ШАРАЛАР

НҰР-СҰЛТАН
14.00 - "Nobel Fest" үшінші Нобель фестивалі. Тақырыбы: "Будущее уже сегодня". Фестиваль онлайн өтеді (Толығырақ мына сілтемеден оқыңыз. Байланыс: Батихан Қалыбеков, Нобель фестивалінің баспасөз қызметі, kalibekov@inpolicy.net, Instagram: @nobel_fest).

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

 

0
Кілт сөздер:
қазан, Қазақстан, оқиғалар