Су, архивтегі сурет

Алматыда аудан тұрғындары лас су ішуге мәжбүр: жауапты мекеме себебін айтты

28
(Жаңартылды 18:24 13.10.2021)
Тастыбұлақ шағын ауданының инженерлік инфрақұрылымын дамытудың кешенді жоспары аясында 2020 жылы су құбыры мен кәріздің магистралдық желілері салынған

АЛМАТЫ, 13 қазан – Sputnik. Алматыдағы Тастыбұлақ ауданының тұрғындары суаруға арналған лас суды ішуге мәжбүр екенін мәлімдеді. Сол аймақты сумен қамтамасыз етуге жауапты "Алматы су" кәсіпорны жағдайға байланысты түсініктеме берді, деп хабарлайды Sputnik Қазақстан.

Жауапты мекеменің хабарлауынша, Тастыбұлақ шағын ауданына судың сапасы барлық санитарлық нормаларға сәйкес келеді. Алайда ауданның шығыс бөлігінде тұрғындарды суық сумен қамтамасыз ету жүйесі жоқ. Бұл аумаққа су жеке ұңғымалардан беріледі.

"Шағын ауданның "Алматы су" кәсіпорны қызмет көрсететін аймағында сумен қамтамасыз ету штаттық режимде жүзеге асырылып жатыр. Кәсіпорын еншісіндегі сумен қамтамасыз етудің магистралдық желілері аталған шағын ауданның батыс бөлігін сумен қамтамасыз етеді. Демек бау-бақша қоғамдарының шекарасына дейінгі қашықтықты қамтиды. Ал саяжай алаптары бау-бақша серіктестіктерінің құбырлары арқылы сумен қамтамасыз етіледі", - деді кәсіпорын.

Тастыбұлақ шағын ауданының инженерлік инфрақұрылымын дамытудың кешенді жоспары аясында 2020 жылы су құбыры мен кәріздің магистралдық желілері салынған.

Биыл 18 бау-бақша қоғамының ішінде желілердің құрылысына жобалық-сметалық құжаттама әзірлеу басталды.

Сонымен қатар "Ақсай" сүзгі станциясын қайта жаңартуға конкурс жарияланды, бұл жұмыс кезінде Ақжар, Тастыбұлақ және Таужолы шағын аударының тұрғындары сапалы әрі үздіксіз сумен қамтамасыз етіледі.

Бұған дейін жергілікті тұрғындар да ауыз су болмағандықтан, қыста арықтағы суды тұндырып, сүзіп ішетінін жеткізді. Енді бірі су сатып ішуге мүмкіндігі болмаған соң суды туыстарынан алып келетінін айтты.

Олардың сөзінше, біраз уақыт бұрын мердігерлер су құбырын жүргізу үшін шағын ауданда көшеде қазу жұмыстарын жүргізген, бірақ бұл шағын ауданда су әлі тартылмаған.

Жауапты мекеме қазір көшелерде пайда болған шұңқырларды уақытша қалпына келтіру жұмыстары жүргізіліп жатқанын мәлімдеді.

28
Кілт сөздер:
Алматы, аудан, су
Тақырып бойынша
Астана іргесіндегі Қоянды әлі сусыз отыр - әкім уәдесінде неге тұрмады
Дәрігерлер суды көп ішетін адамдар өліп кетуі мүмкін екенін ескертті
Алматы іргесіндегі тұрғындар ауыз суға неге жарымай отыр - видео
Нұр-Сұлтанда ішкі істер министрлігінің орталық госпиталі сусыз қалды
Мамандар Ақтау тұрғындарына ыстық суды пайдаланбауға кеңес берді
Аэропорт

Орал әуежайының атауын өзгерту туралы ұсыныс түсті

52
(Жаңартылды 16:57 20.10.2021)
Әуежай атауын өзгерту туралы ұсыныс Nur Otan партиясы жанындағы "Мирас" қоғамдық кеңесі және облыстық мәслихат депутаттарынан келіп түскен

НҰР-СҰЛТАН, 20 қазан — Sputnik. "Орал" Халықаралық әуежайы" ЖШС атауын  Мәншүк Мәметова атындағы әуежай деп өзгерту жоспарланып отыр. Бұл туралы шешім облыстық мәслихат сессиясында қабылданды.

20 қазанда өткен сессияда тілдерді дамыту басқармасы басшысының міндетін атқарушы Света Ғаниева әуежай атауын өзгерту туралы ұсыныс Nur Otan партиясы жанындағы "Мирас" қоғамдық кеңесі және облыстық мәслихат депутаттарынан келіп түскенін хабарлады.

"Олар әуежай атауын өзгерту туралы ұсыныс жолдады. Әуежайға кеңес одағының батыры Мәншүк Мәметова есімін беру туралы ұсынысты қолдауды сұраймын", - деп Ғаниеваның сөзін келтірді "Мой город" порталы.

Депутаттар бұл ұсынысты бірауыздан қолдады.

Мәншүк Мәметова туралы

Мәншүк Мәметова - Орал облысының (қазіргі Батыс Қазақстан) тумасы, Ұлы Отан соғысына қатысқан қазақ қызы.

Ол Қызыл Армияда пулеметші болды. Мәншүк Мәметова соңғы шайқаста 70-тен астам қарсыластың көзін жойып, 1943 жылдың күзінде қаза тапты. Оған қайтыс болғаннан кейін Кеңес Одағының Батыры атағы берілді.

Оқи отырыңыз: 

52
Кілт сөздер:
әуежай, Орал
Тақырып бойынша
Нұр-Сұлтанда әуежай мен вокзалда вакциналау пункті ашылды
Қызылордада жаңа әуежай салынбайтын болды
Шымкентте жаңа жыл қарсаңында жоғалған әуежай қызметкері табылды
Қостанай облысында әуежай пәтер бағасымен сатылғалы жатыр
кісен

Белбеумен буындырған: Шығыс Қазақстанда 13 жыл бұрын жасалған қылмыс ашылды

271
(Жаңартылды 16:38 20.10.2021)
Күдікті сот санкциясы негізінде қамауға алынды. Оған қатысты сотқа дейінгі тергеу жалғасып жатыр

АЛМАТЫ, 20 қазан – Sputnik. Шығыс Қазақстан облысында 13 жыл бұрын жасалған қылмыс ашылды.

2008 жылдың сәуірінде Аягөз – Қарағанды тасжолының маңынан 35 жастағы әйелдің мәйіті табылды. Ол буындырылып өлтірілген.

Шығыс Қазақстан облысы полиция департаментінің баспасөз қызметінің хабарлауынша, аса ауыр қылмысты ашу бойынша бастапқы тергеу әрекеттері нәтиже бермеді, қылмыскер анықталмады.

"Соған қарамастан қылмыстық іс бойынша жұмыс тоқтамады. Биыл қазанда департамент қызметкерлері күдіктінің ізіне түсті. Риддердің 51 жастағы тұрғыны ұсталды. Әйел жиналған дәлел мен айғақтарды көрсеткен кезде қылмыс жасағанын мойындады", - деді полицияның баспасөз қызметі.

Қылмысқа сүйіктісін қызғану себеп болған. Бір отырыста күдікті жігітін сол әйелден қызғанған. Ол жәбірленушіні пальто белбеуімен буындырып өлтірді.

Облыстық полиция департаменті бастығының орынбасары Талғат Шаяхметовтың айтуынша, күдікті сот санкциясы негізінде қамауға алынды. Оған қатысты сотқа дейінгі тергеу жалғасып жатыр.

Кінәсін мойындаған жағдайда оған 20 жылға дейін бас бостандығынан айыру немесе өмір бойына бас бостандығынан айыру жазасы тағайындалады.

Оқи отырыңыз: 

271
Кілт сөздер:
Шығыс Қазақстан, қылмыс, полиция
Тақырып бойынша
Қазақстан өлім жазасын алып тастайды: елде қылмыс көбейіп кетпей ме
Талғарда ауыр қылмыс жасалды: полиция екі қызды ұстады
Атырауда баласының күйеуінен екеніне күмәнданған мұғалім жантүршігерлік қылмыс жасады
"Не деген қатыгездік": Алмалы тұрғыны бүкіл ауылды дүр сілкіндірген қылмыс жасады
азық-түлік

"Жемқорлыққа жол беріп алдық": Тоқаев азық-түлік бағасына қатысты пікір білдірді

2
Оның айтуынша, азық-түлік бағасының өсімі әлем нарығындағы күрделі мәселе

НҰР-СҰЛТАН, 20 қазан — Sputnik. Мемлекет басшысы Қасым-Жомарт Тоқаев азық-түлік бағасының қымбаттауына қатысты пікір білдірді, деп хабарлады Ақорда. 

Президент жұмыс сапарымен Қарағанды облысына барды. Ол жерде мемлекет басшысы "Қазақмыс корпорациясы" жауапкершілігі шектеулі серіктестігінің жоспарымен танысты.

Оның айтуынша, азық-түлік бағасының өсімі әлем нарығындағы күрделі мәселе. 

Әлемде барлық тауардың бағасы шамамен 40-50 пайызға қымбаттады. Елде азық-түлік бағасы қордаланған мәселелердің салдарынан қымбаттап отыр.

"Бұл мәселені шұғыл шешуге қанша тырыссақ та, жағдайды өздеріңіз де көріп отырсыздар. Аталған мәселені жүйелі түрде шешуіміз қажет. Ауыл шаруашылығы саласына қыруар қаржы бөлсек те, азық-түліктің басым бөлігін сырттан аламыз. Өзге елдер субсидияның не екенін де білмейді. Білсе де, дәл осындай мол қаржы бөлінбейді. Бір жағынан адамдарды босаңсытып жібердік, екінші жағынан сыбайлас жемқорлыққа жол беріп алдық", – деді президент.

Президент бұл мәселемен түбегейлі айналысу керек екенін, үкіметке, ауыл шаруашылығының жаңа министріне міндет жүктегенін атап өтті.

Оқи отырыңыз: 

2
Кілт сөздер:
президент, азық-түлік, баға
Тақырып бойынша
"Әрбір 10-шы тұрғын зардап шегеді": президент азық-түлік тапшылығы туралы айтты
Азық-түлік қымбаттады: Үкіметте баға өсімін тежеу мәселесі талқыланды
Қостанай облысының тауар өндірушілері елордаға 270 тонна азық-түлік әкеледі
Нұр-Сұлтандағы жәрмеңке: Қарағанды облысы 600 тонна азық-түлік әкеледі