Ауа райы, қар

13 бірдей өңірде дабылды ескерту жарияланды

2525
(Жаңартылды 14:45 25.11.2021)
Төтенше жағдайлар министрлігі алыс жолға шықпауға кеңес беріп отыр. Толассыз жауған қар мен көктайғақ салдарынан жаппай жол апаты болуы мүмкін

НҰР-СҰЛТАН, 25 қараша — Sputnik. Ауа райының күрт өзгеруіне байланысты елдің 13 өңірінде дабылды ескерту жарияланды. Орталықта толассыз қар жауса, батыс пен шығысқа күн жылынып, көктайғақ болды.

Дабылды ескерту

Нұр-Сұлтанда желдің жылдамдығы 15-20 м/с, екпіні 23 м/с-ке дейін жетеді. Екі күн бойы қар тоқтамай жауып тұр.

Синоптиктер Шымкентте де жел 23 м/с-ке дейін күшейетінін ескертті.

Ақмола облысының оңтүстік-шығысында бұрқасын, көктайғақ және жел болады. Өңірдің шығысында желдің екпіні секундына 15-20 метрге дейін жетеді. 

Ақтөбе облысының оңтүстігінде - көктайғақ. 

Шығыс Қазақстан облысының солтүстігінде күндіз қар, жаңбыр жауып, бұрқасын жүреді. Жол көктайғақ, облыстың солтүстігі мен батысында жел жылдамдығы - 15-20, екпіні - 25 м/с.

25-26 қарашада Жамбыл облысының солтүстік-шығысы мен таулы аудандарында жауған жаңбыр қарға ұласады. 26-27 қарашада облыстың солтүстігі мен таулы аудандарында тұман түсіп, көктайғақ болады.

Батыс Қазақстан облысының солтүстігі мен солтүстік-батысында желдің екпіні секундына 15-20 м/с шамасында. 

Синоптиктер Қарағанды облысының батысы, солтүстігі мен шығысында бұрқасын, көктайғақ, оңтүстігінде тұман болатынын болжады. Өңір шығысы мен орталығында желдің жылдамдығы 15-20, екпіні 23 м/с.

Қостанай облысының оңтүстігі мен шығысында - тұман, көктайғақ.

Қызылорда облысының солтүстігінде көктайғақ, солтүстігі мен орталығында желдің екпіні секундына 15-20 м/с-ке жетеді.

Маңғыстау облысының солтүстігі, солтүстік-шығысында - көктайғақ, тұман. Батыста жел күшейеді, екпіні -  15-20 м/с.

Павлодар облысының солтүстігі мен шығысында көктайғақ пен бұрқасын болжанып отыр. Оңтүстігі мен шығысында жел күшейеді.

Түркістан облысының солтүстігі мен шығысында - шаңды дауыл. Таулы аймақтарда желдің жылдамдығы 23-28 м/с-ке жетеді.

2525
Кілт сөздер:
өңірлер, дабылды ескерту, ауа райы болжамы
Тақырып бойынша
Нұр-Сұлтан полициясы жүргізушілер мен жаяу жүргіншілерге үндеу жасады
Астана қалың қардың астында қалды – видео
Нұр-Сұлтанда кейбір сынып оқушылары үшін сабақ болмайды
Елорда әуежайы қалың қарға байланысты уақытша жабылды
Шенеунік астанадағы қалың қар жайлы: жұмысқа әдеттегіден ұзағырақ жеттім
Иллюстративті фото

"Басына түскен": Павлодарда аула сыпырып жүрген әйел полиция шақырды

1360
Оқиға қала тұрғыны Малайсары батыр көшесіндегі банктердің бірінің аумағын тазалап жүрген кезде болған

НҰР-СҰЛТАН, 4 желтоқсан – Sputnik. Павлодарда ер адам кеуіп қалған гүлдерді подъездің терезесінен лақтырған, деп хабарлады Рavlodarnews.kz.

Облыстық полиция департаменті баспасөз қызметінің мәліметінше, гүл шоғы аула сыпырушының басына түскен.

"Полицияға Малайсары батыр көшесіндегі банктердің бірінің аумағын тазалап жүрген қала тұрғынының басына гүл шоғы түскені туралы хабарлама келді. Учаскелік полиция инспекторы аталған фактіге қатысы бар қала тұрғынын анықтады", - деді баспасөз қызметі.

Ұсақ бұзақылық жасағаны үшін ер адамға қатысты Қазақстан Әкімшілік құқықбұзушылық туралы кодексінің 434-бабы бойынша әкімшілік іс қозғалып, материал сотқа жіберілді.

Айта кетері, жыл басынан бері облыста ұсақ бұзақылық жасағаны үшін 1092 тұрғын жауапкершілікке тартылды.

Оқи отырыңыз:

1360
Кілт сөздер:
полиция, гүл
Архивтегі фото

Жалдамалы пәтерден екі қыздың мәйіті табылды полиция түсінік берді

3686
(Жаңартылды 12:54 04.12.2021)
Бір іс бойынша күдікті қамауға алынды. Ал екінші жағдайда жазатайым оқиға болған, дейді полицейлер

НҰР-СҰЛТАН, 4 желтоқсан – Sputnik. Шымкент полициясы жалдамалы пәтерде екі қыздың қаза табуына байланысты қозғалған қылмыстық істердің жай-жапсарын жариялады.

Бұған дейін бір апта ішінде Шымкентте тәуліктік пәтерлерден 23 жастағы екі қыздың мәйіті табылғаны хабарланған болатын.

Шымкент полициясының бастығы Ералы Жұмаханбетов бір факті бойынша күдікті ұсталғанын, екінші жағдайда жазатайым оқиға болғанын айтты, деп хабарлады жергілікті Otyrar басылымы.

"Қазір тергеу жүріп жатыр, кінәлілер жазаланады. Бір іс бойынша күдікті қамауға алынды. Ал екінші іске келсек, жазатайым оқиға болған", - деді қала полициясының басшысы.

Қыздардың бірінің денесін 25 қарашада Республика даңғылындағы тәуліктік тұрғын үйдің иесі тапқан. Іс бойынша 31 жастағы әйел күдікке ілінді.

"Бұл факті бойынша қылмыстық іс қозғалды. Күдіктілер қамауға алынды, тергеу жалғасып жатыр", - деді Ералы Жұмаханбетов.

Екінші қыздың денесін тәртіп сақшылары 30 қараша күні Тыныбаев көшесіндегі жалдамалы пәтерден тапты.

"Екінші іс бойынша күдікті жоқ, есік құлыптаулы болған, пәтерден мәйіт табылды. Барлық терезе жабық тұрған", - деді Шымкент қаласы полиция департаментінің басшысы.

Оқи отырыңыз: Шымкентте жалдамалы пәтерден тағы бір қыздың мәйіті табылды 

Қала тұрғындары тәулікке және сағатқа жалға берілетін баспаналардың проблемасын көптен бері көтеріп келеді. Пәтер иелері салық органдарына есеп бермейтіндіктен, қаладағы жалдамалы пәтерлердің нақты саны туралы мәлімет жоқ.

Еске сала кетейік, осы жылдың 25 ақпанында Шымкенттегі сегізінші шағын аудандағы пәтерлердің бірінен 40 жастағы әйелдің мәйіті табылған болатын. Оны тұншықтырып өлтірген.

3686
Кілт сөздер:
жалдамалы баспана, полиция
Жусан операциясы

Сирияға кеткен мыңға жуық қазақстандықтың 600-і оралды Назарбаев

0
Қазақстанның тұңғыш президенті елге оралған 600 қазақстандықтың ішінде 33 адамға қатысты тергеу жүргізіліп жатқанын мәлімдеді

НҰР-СҰЛТАН, 4 желтоқсан — Sputnik. Нұрсұлтан Назарбаев Сирияға кеткен қазақстандықтар туралы айтты.

"Qazaq. History of the Golden Man" ("Қазақ. Алтын адамның тарихы") фильмінде америкалық режиссер Оливер Стоунға берген сұхбатында Елбасы Ислам мемлекетінің* қызметі толығымен экстремистік идеологияға негізделгенін мәлімдеді.

"Құранда бір адамды өлтіру бүкіл адамзатты өлтірумен тең деп айтылған. Олардың мұсылмандықпен ешқандай байланысы жоқ, олар дінді өз мақсаты үшін пайдаланатын экстремистер. Бұл Исламның өзіне зиян тигізеді", - деді Назарбаев.

Қазақстанның тұңғыш президенті республикадан Сирияға бір мыңға жуық азамат кеткенін, олардың 600-і отанға оралғанын хабарлады.

"Біз 600 адамды қайтардық, оның ішінде 303 ер адам. Отыз үшіне қатысты тергеу жүргізіп жатырмыз. Жұмысы жоқ, қиыншылық көрген адамдар сол жерге кетті. Онда өмір керемет болатынына уәде береді. Сондықтан ол жаққа бүкіл отбасымен бірге барды. Өздерін ұрып-соғып, өлтірген кезде ғана жағдайды түсінді", - деді ол.

Сондай-ақ, Елбасы исламның және бүкіл әлемнің ірі орталықтарының бірі болып табылатын Сирияның қирауы мәселесіне қатысты өз өкінішін білдірді.

"Мен ол жерде болдым, керемет ғимараттарды көрдім... Олар біздің балалар көре алмайтын бүкіл адамзаттың тарихи, мәдени естелігін жойды", - деді Назарбаев.

2019 жылдың қаңтар айынан бастап ұлттық қауіпсіздік комитеті "Жусан" гуманитарлық арнайы операциясы аясында Сирия мен Ирактан қазақстандықтарды қайтару бойынша 5 арнайы операция өткізді.

Бұл арнайы гуманитарлық операцияның бірінші кезеңі Елбасы Нұрсұлтан Назарбаевтың тапсырмасы бойынша 2019 жылдың 6 қаңтарында ұйымдастырылды.

ИМ* – Қазақстанда, Ресейде және басқа да бірқатар елде тыйым салынған террористік ұйым.

0
Кілт сөздер:
Назарбаев, Сирия, қазақстандықтар
Тақырып бойынша
Назарбаев өзінің арманы туралы айтты
Назарбаев Қазақстан Қырымға қатысты дауыс беруден неге қалыс қалғанын түсіндірді
Назарбаев Қазақстан жастарына үндеу жасады – видео
Қазақстан алдағы жүз жылда ешкімге соғыс ашпайды – Назарбаев
Назарбаев Горбачевтің кабинетінде қандай келеңсіз жайтқа куә болғанын еске алды