Серікбай Үсенов, Өзбекстан қазағы

Өзбекстан қазағы: Атажұртқа оралуға асықпаймыз

3701
(Жаңартылды 11:28 28.06.2017)
Бүгінгі күні өзбек елінде 1 миллионнан астам қазақ тұрып жатыр

АСТАНА, 23 маусым — Sputnik, Айымгүл Әбіл. Астанада үш күн бойы Дүниежүзі қазақтарының V құрылтайы өтті. Жиынға әлемнің алыс және жақын 39 елінен 350 қандасымыз келді. Тарихи Отанға көрші өзбек елінен ат терлетіп келген Серікбай Үсенов құрылтайдан алған әсері және Өзбекстан қазақтарының өмірі туралы әңгімелеп берді. 

Серікбай Үсенов — Өзбекстандағы қазақ ұлттық-мәдени орталығының төрағасы. Сол жерде туып-өсіп, көп жыл мемлекеттік қызметте істеген. 

"Ата топырақ Қазақстан болса, ана жеріміз осы ел, осы жерде өсіп-өніп жатқан жағдайымыз бар. Балаларым жоғары оқу орындарын бітірді. Тегін оқыттым. Лауазымдар беріп жатыр. Мен өзім он төрт жыл үш аудан әкімінің орынбасары, әкім болдым. Қай қазаққа басқа мемлекетте осындай жасайды мәселен. Сол сияқты генерал ағаларымыз бар. Бүгінде президентіміздің мемлекеттік кеңесшісі қазақ — Тұрсынхан Құдайбергенов.  Сол сияқты Айдарқұлов деген ағамыз Науаи уалаятының әкімі, Әлішер Ғаппарұлы он жылдай аудан әкімі болды. Жетпіс пайыз қазақтар тұратын жерде, міне, қазақ әкімдері де істеп жатыр. Бізге ешқандай кедергі жоқ. Конституцияның сегізінші тармағында жазып қойған, бізде ұлтқа қарамайды", — деп әңгімеледі Серікбай Үсенов. 

Осылайша, оның айтуынша, Өзбекстанда қазақтардың жағдайы жақсы. Сондықтан  аға буын атажұртқа асықпайды, ал жастардың ынтасы бар. 

"Жағдайымыз жақсы, сондықтан Қазақстанға келуге асықпаймыз. Жасым алпыс екіде, бұл жақта таныс тауып, бауыр тапқанша, қанша өміріміз қалғанын білмейміз. Екі ұлым осында болса, қызым Алматыда тұрып жатыр. Біздің асығатын жеріміз жоқ, немерелеріміз ертең келуі мүмкін. Оқимын деген жастар барып жатыр", — дейді ол. 

Жыл сайын жүзден астам жас Қазақстанға оқуға келеді екен. "Биыл 200-300-ге жететін шығар" дейді орталық төрағасы. Жақында Қазақстанның 51 университетінің өкілі көрші елге барып, үлкен көрме өткізіп, әр оқу орнын таныстырған. Әрі кеше құрылтайдың салтанатты ашылу жиынында Елбасы шеттегі қандастарымыз үшін бөлінетін квотаны екі есе арттыруды тапсырды. 

Сондай-ақ, Серікбай Үсеновтың сөзінше, Өзбекстан қазақтары үшін тіл мәселесі жоқ. Көрші елдегі қандастарымыз туған елден жырақта жүрсе де, ана тілін біледі. 

"Өзбекстанда 396 қазақ мектебі бар. Төрт университетте жеті тілде ұлттар оқиды. Мәселен, Қарақалпақстанда 350 мың қазақ болса, сол жердегі институттарда қазақ тілінде факультеттер бар. Балаларымыз қиналмастан жоғары оқу орындарын бітіріп жүр. Ташкенттің өзінде Низами атындағы педагогикалық университетте мектептерге қазақ тілді мұғалімдер дайындаймыз. Сол сияқты Сырдария облысы Гүлстан қаласында қазақша оқуға мүмкіндік бар. Қазақтар қазақ тілін де, өзбекшені де, орысшаны да білеміз. Балаларға балабақшадан ағылшын тілін де үйретіп жатырмыз", — дейді ол. 

Серікбай Назарұлы көрші елдегі қазақтар өзбектеніп бара жатыр деген пікірмен келіспейтінін де айтты:

"Ондай нәрсеге көнбейді. Өзбекке өт десе, кім өтеді оған. Қазақтың қаны болса. Төлқұжатта Өзбекстан азаматы, ұлты қазақ деп жазып қояды. Анасы қазақ, әкесі өзбек болғанда, әкесі өзбек болғаннан кейін өзбек болып жазылады. Бірақ қазақ тілін де, өзбек тілін де біледі. Енді өзбек жігіті қазақ қызын жақсы көрсе, махаббат болса, кім оған жоқ дейді. Орыстан, өзбектен қыз алғандар да бар".  

Үш күн өткен Дүниежүзі қазақтарының V құрылтайына Өзбекстаннан 60 делегат келген екен. "Жақсы әсер алып бара жатырмыз" деп бөлісті Серікбай ағамыз. 

"Көзімізбен көріп, құлағымызбен естіп, кетіп бара жатырмыз. Мұның бәрін Өзбекстан еліне жеткіземіз. Астананың әлемдегі үлкен, гүлденген қалаға айналып жатқанын көрдік. Құрылтайда сөз болған Қазақстанның рухани жаңғыру бағдарламасын Өзбекстандағы елшімен бірге қазақтарға таныстырып, түсіндіріп, өзбек тіліне аударып беріп отырмыз. Басқа елде тұрсақ та, Атажұрттың жетістіктеріне әрқашан қуанамыз", — деп түйіндеді әңгімесін Өзбекстандағы қазақ ұлттық-мәдени орталығының төрағасы.

Айта кетсек, бүгінгі күні жырақта 5 миллион қазақ болса, оның  1 миллионнан астамы Өзбекстанда тұрып жатыр. Жалпы, тәуелсіздік жылдары бір миллион қандасымыз елге оралған. 


3701
Тақырып:
Шетел қазақтары (37)
Медицина қызметкері

Өткен тәулікте коронавирус пен пневмониядан алты адам қайтыс болды

10
(Жаңартылды 10:18 26.10.2020)
Жүзден аса науқастың жағдайы ауыр, 18 адам жасанды тыныс алу аппаратына қосылған. Коронавирус инфекциясынан 240 бала ем алып жатыр

АЛМАТЫ, 26 қазан – Sputnik. Өткен тәулікте Қазақстанда коронавирус пен пневмониядан 6 адам қайтыс болды, деп хабарлайды денсаулық сақтау министрлігі.

Ведомствоның хабарлауынша, бес адам коронавирустан қайтыс болды, бір адам коронавирус белгілері бар пневмониядан көз жұмды. Ал өткен тәулікте 26 адамнан коронавирус инфекциясы табылды.

Қазір коронавирус инфекциясынан 3 042 адам ем қабылдап жатыр, арасында 246 бала бар. Стационарларда 2 283 науқас жатыр. 759 адам амбулаториялық жағдайда емделуде. 

Науқастар арасында 119 адамның жағдайы ауыр, 13 науқастың жағдайы аса ауыр деп бағаланып отыр. 18 науқас жасанды тыныс алу аппаратына қосылған.

Пандемия басталғалы коронавирус инфекциясынан 1 825 адам көз жұмды. Бірінші тамыздан бері коронавирус белгілері бар пневмониядан 394 адам қайтыс болды.

10
Кілт сөздер:
коронавирус
Тақырып:
Коронавирус эпидемиясы
Тақырып бойынша
Ғалымдар коронавирус қалай таралатынын видео арқылы көрсетті
Қысқы қолғап коронавирустан қорғай ма – вирусолог жауап берді
Жасанды тыныс алдыру аппаратынсыз коронавирустан емделудің жаңа әдісі табылды
Қазақстандағы коронавирус: комиссия соңғы ақпаратты бөлісті
Нұр-Сұлтанға келген 100-ден астам жолаушы карантинге жіберілді
Астана әуежайы

Нұр-Сұлтанға келген 100-ден астам жолаушы карантинге жіберілді

15
(Жаңартылды 10:03 26.10.2020)
Түнде Нұр-Сұлтан әуежайына шетелден алты ұшақ қонды. 108 жолаушының өзімен бірге ПЦР-тест өткені туралы анықтамасы болмаған

НҰР-СҰЛТАН, 26 қазан — Sputnik. Қазанның 25-нен 26-на қараған түні шетелден астана әуежайына келген 108 жолаушы стационарлық карантинге жіберілді. Оларның ПЦР-тесті болмаған, деп хабарлайды әуежайдың баспасөз қызметі.

Әуежайға түнде барлығы 6 ұшақ қонды. Air Astana, Turkish Airlines, Belavia және Flydubai әуе компанияларының рейстері.

"722 жолаушының 108-інде ПЦР анықтама болмады. Сондықтан стационарлық карантинге жіберілді. Тест тапсырған соң үйлеріне кете алады. Алайда вирус жұқтырғаны расталса, инфекциялық стационарға барады", - делінген хабарламада.

Айта кетсек, 2020 жылдың 26 қазанында Қазақстанның бас санитар дәрігері Ерлан Қиясовтың жаңа қаулысы күшіне енді. Құжатта мемлекеттік шекара өткізу бекеттерінде коронавирус инфекциясының таралуына жол бермеуге бағытталған шараларды күшейту қарастырылған.

Оған сәйкес, жолаушылар ПЦР-тест өткені туралы анықтама көрсетуі тиіс. Оның қорытындысы шыққанына 3 тәуліктен аспауы керек. 5 жасқа дейінгі балаларға міндетті емес.

Халықаралық транзиттік жолаушыларға транзиттік аймақтан шығуға тыйым салынған.

Қазақстан азаматтары және елде тұру ықтиярхаты барлар анықтама болмаған жағдайда екі күнге карантиндік стационарға жіберіледі. Кейін тест қорытындысына сәйкес шешім қабылданады.

15
Кілт сөздер:
карантин, жолаушы, Нұр-Сұлтан
Тақырып:
Коронавирус эпидемиясы
Тақырып бойынша
Ғалымдар коронавирус қалай таралатынын видео арқылы көрсетті
"Бәрі жала" "Дос-Мұқасан" тобының әншісі әуежайда шыққан шу туралы айтты
Қара бұрыш коронавирустан қалай қорғайды – ғалымдар жауабын айтты
Коронавирус ақша мен телефон экранында қанша уақыт сақталады – ғалымдар зерттеу жасады
Әуежайда шу шығарған Төреғали Төреәлі жазаланды
Қараганды-Теміртау жолында апатқа ұшыраған көлік

Ер адам жантүршігерлік жол апатынан таңғажайып жағдайда аман қалды видео

17
(Жаңартылды 10:57 26.10.2020)
Қапталдағы көлікті жоғары жылдамдықпен басып озған қара LADA жүргізушісі рөлге ие бола алмай, жол жиегіндегі қоршауға соғылды

НҰР-СҰЛТАН, 26 қазан – Sputnik. Қарағанды ​​облысындағы тас жолда болған апаттың видеосы әлеуметтік желілерде кең таралуда.

Автокөліктің санаулы секунд ішінде метал үйіндісіне айналған сәті оқиға куәгерлерінің видеорегистраторына түсіп қалған. Жол апаты 25 қазан күні 14.40-та болды.

Видео авторының машинасын қара түсті LADA көлігі жоғары жылдамдықпен басып озады да, көп ұзамай сырғып барып, жол жиегіндегі қоршауға соғылады.

Қатты соққы әсерінен асфальт бетінде бірнеше рет айналып, жолдың сол жақ қапталына сырғыған көліктегі ер адам (жолаушысы болуы мүмкін) таңғажайып жағдайда аман қалды. Орнынан тұрған ол өзіне қарай дөңгелеп келе жатқан қосалқы шинаны тоқтатып үлгереді. Бұл әрекетке қарап, оның ауыр жарақат алмағанын байқауға болады. 

Қарағанды ​​облысы полиция департаментінің Sputnik Қазақстанға ұсынған мәліметіне сүйенсек, ВАЗ 2114 көлігінің 25 жастағы жүргізушісі "Бүркіт" кафесінің маңында жоғары жылдамдықпен Пришахтинскіге қарай кетіп бара жатып, рөлге ие бола алмай темір қоршауға соғылған. Жол апатынан зардап шеккендер Қарағанды ​​облыстық медицина орталығына жеткізілген.

Оқи отырыңыз: Әйел "коронавирустың" арқасында аман қалды

Айта кетейік, демалыс күндері өңірде ауа райының құбылуына байланысты жол апаттары жиілей түсті. Оған көптеген жүргізушінің көлік доңғалақтарын қыстық шинаға ауыстырып үлгермеуі себеп болуы мүмкін.

17
Кілт сөздер:
Қарағанды облысы, жол апаты
Тақырып бойынша
Ақмола облысында теміржолшылар ағашқа шығып аман қалды
Тірідей көмілген ер адам таңғажайып жағдайда аман қалды
Басына оқ тиген Алматы тұрғыны аман қалды
Дәрігерлер трактордың астына түскен қызды аман алып қалды
Павлодарда мас адам 4-қабаттың терезесінен құлап кетіп, аман қалды