АСТАНА, 17 қаңтар — Sputnik. "АрселорМиттал Теміртау" АҚ жұмыскерлерінің жалақысы көтерілді, деп хабарлайды компанияның баспасөз қызметі.
Мәліметке сәйкес, көмір департаменті, "Өркен" ЖШС және құрыш департаментінің жер үстінде жұмыс істейтін қызметкерлерінің жалақысы грейдингтік жүйеге сәйкес 30%-ға дейін өседі.
Компания құрыш департаментінің қызметкерлері, көмір департаментінің жер үстінде жұмыс істейтін қызметкерлерінің жалақысын көтеру мәселесі 2018 жылдың 26 қаңтарына дейін қаралып, шешілетінін атап өтті.
Компания ереуілдеген шахтерлермен келіссөздер тек жер бетінде жүргізілетінін мәлімдеді.
14 желтоқсанда Шахтинск соты ереуілді тоқтатып, шахтерлерді жер астынан шығуға міндеттеді.
15 қаңтар күні барлық шахтер жер бетіне шығып, келіссөз жүргізуге келісім берді.